هلأ التوتر بكل الأحوال مؤذي لتفكيرك واسلوب حياتك معروف هل شي واحيانا نحن بنخلقوا من نفسنا ونعظم الأمور والمشاكل
طبعا التوتر مع قرب الفحص شي طبيعي بس وقت يكون بداخلك فقط وماتظهروا وتكابر وتضغط عليه بس وقت بيتحول لحالات صعبة مابتقدر تنام مثلا مابتقدر تركز بنوب وذهنك مشتت بالمرة مابتقدر تحاكي حدا هون طلع عن الوضع الطبيعي الك كقرب فحص
لهيك التوتر مارح يفيدك بشي ع الاطلاق لا تفكر بالوقت لانو يلي راح مارح يرجع فكر بيلي ضل انك تستثمروا انت عم تلعب مباراة كرة قدم وخسران ٢-٠ باول شوط وخلص الشوط طيب سؤال اذا اتوترت وخفت رح يلتغوا هل غولين؟ رح ترجع شي؟ اكيد لا وبالعكس هل خوف يلي رح تظهروا والتوتر رح يستغلوا خصمك بالمقابل اذا فكرت واستغليت هل شوط ممكن تقلب كل الموازين
المعنويات العالية شي اساسي حتى لو كنت خسران ومضيع وقتك الشي الايجابي بعمرك لا تستغني عنو ومنها الثقة بالنفس والمعنويات العالية والاصرار هدول كلن ايجابيات طيب معقول نسبتدلها بالتوتر والقلق والخوف(يلي احيانا بكون ايجابي)؟
شخص فيه يختار هل صفات الايجابية ليش ليروح ع السلبية وانتو فيكن تختاروها ولله اختاروها لانو هلأ وقتا
