مو شايف انو التهينا كتير ؟ مو شايف انو ضيعنا وقت كتير؟ مو شايف انو أخدنا وقت يكفي و زيادة ؟ ما بتحس انو صار الوقت الي لازم نقول فيه بكفي تضييع للوقت و نبلش دراسة و نصحى على نفسنا ؟ ما بتحس انو صار وقت الجد صار وقت اللي لازم نترك كلشي و بس دراستنا ؟ و صار وقت الي لازم ناخذ فيه ثمرة تعبنا بجهدنا و دراستنا و تعبنا؟
كتير كتير التهينا، بقصد او بدون قصد انسى الماضي ، و لا تفكر فيه لحظة.. و عاهد نفسك و ربك و عاهد اهلك و عاهدني انا صديقك ، ما تضيع وقتك ، ولا تقضيها تلهاية و تراكم المواد عليك!
من بكرا اعتبرها بداية جديدة.. و اعطي وعد لنفسك ، يكفي تلهاية ، من هلق اعتبرها بداية طموح جديد و حلم جديد و مستقبل جديد و بداية جديدة بعيدة كل البعد عن اللهو..
كلكن بتلحقوا حتى الي لسا ما بلش ولا دارس اي حرف كمان بلحق ... بس بلش و توكل على ربك و اترك كلشي رح ورا ضهرك صدثني رحح تلحق!
اترك مواقع التوصل الي عم تلهيك ، الاصدقاء الي عم ياخدوا من وقتك و يحبطوك ! اترك كلشي مشان مستقبلك ! مستقبلك بيستاهل ، كلها كم شهر و تحدد مستقبلك والله عيب عليك تضيع هالفرصة من ايدك!