2023-03-23 15:46:23
اكثر خطأ بيوقع فيه الطلاب هو الاعتقاد انو رمضان رح يأثر عليهن و رح يسببلن مشاكل ، و هالشي رح يستجيبلوا العقل و يصيبكن كسل فظيع و تقضوها نوم و يضيع شهر كامل عليكن و ما بتدرسوا إلا شي بسيط من المواد!
حبيباتي رمضان ما أثر ولا رح يأثر على اي طالب ، عن تجربة شخصية انا عشتها و انجزت فيها و سألت كتير طلاب جامعة و بكلوريات كمان ، و كان جوابن كلنا درسنا و قدمنا امتحانات برمضان و بالعكس رمضان كتير منيح للطلاب .. طيب ليش يا فداء؟؟
لان تركيزك رح يزيد و تبقى تفكر فقط بدراستك لا رح تفكر بفطور ولا غدا ولا متة ولا قهوة ولا شاي ولا اي شي تاني..
اثبتت دراسات علمية أن الابتعاد عن الأكل و الشرب و الحرمان منن يزيد الاستيعاب و التركيز عند الكائنات الحية(من ضمنها الإنسان) بعكس ما يشاع من تهويل و تخويف
و هلق كم نصيحة بخصوص رمضان
#اولا : حافظوا على وجبة السحور لا تهملوها ابدا ، لأن الها تأثير كتير إيجابي عليكن، و تأثير سلبي لللي يتركها
#ثانيا : النوم بشكل منتظم خلي نومكن يكون منظم و بعدو عن السهر
#ثالثا : الأكثار من شرب السوائل و خصوصاً الماء
#رابعا :نظموا وقتكن ( استخدموا الطريقة الي نزلتها مبارح )
#خامسا :البرامج و المسلسلات الرمضانية بعدين فيكن تشوفوها، لا تلتهوا فيها، هلق اهم شي دراستكن تمام؟
افضل وقت للدراسة من بعد السحور لل9 الصبح، العقل يستوعب بشكل مرعب لا تضيعوا هي الفترة
تأثير رمضان ايجابي ، ابداً مو سلبي ، عود نفسك و عقلك على هالمنطق...و ادرس بمكان بعيد عن أي شي يلهيك و بعد عن أي شي يلهيك تمام؟
و رمضان كريم عليكن و على اهلكن و إنشاءالله السنة الجاية بشوفكن بأحسن الكليات
#فداء_ابراهيم
@bacfedaa
643 views𝐹𝐸𝐷𝐴𝐴 𝐼𝒃𝑅𝐴𝐻𝐼𝑀, 12:46
ب
