من چانت الدنيا بـ خير ويــاي چانت كلها اخوتي وكلها ربعي ومن دارت عكِس ويـاي الايـام أوّل ماشلع فص عيني اصبعي على ضلّي انتچیت بزحمة اعداي ومشيت ومادرو مكسور ضلعي بچیت ابعزّتي ومادنّگت رأس ولاخلیت عيني اتشوف دمعي غشيـم وأمنّت حلـگ الخنازير وصرت كلّي ثدي وگتلها ارضعي اذا سيفي البديّه الدمي عطشان المن لابس من اعـداي درعـي شمع للموته صاير والعراريس ولامرّه اشتكه من النار شمعي ابكثر ماغزّرت بي ملحة الگاع صبّح بــ الملـح مكتول زرعـي #ناظم_الحاشي 87 views05:47
