عاوزك تفتكر إن بداية قصة سيدنا يوسف كانت بسبب إخوات من دمه ولح | قرآني حياتي
عاوزك تفتكر إن بداية قصة سيدنا يوسف كانت بسبب إخوات من دمه ولحمه كرهوه والعمى أصاب قلوبهم ورموه فى البير بدون أدنى رحمة . وبرغم كرهم الشديد لسيدنا يوسف ولكن أول شخص شافه مرمى فى البير قَالَ يَا بُشْرَى هَذَا غُلامٌ ~ . متخيل شخص ميعرفكش ومن أول نظره ليك يعتبرك بشرى وفرحة كبيرة لقلبه فى حين إن أقرب الناس لقلبك كسروك بدون رحمة . ومش بس كده ده كمان سكن فى قصر ملك مصر ومن محبة الملك له أعتبره أبن من أولاده ولقبوه فى فى أشد السجون بالصديق وتدور القصة لغاية ما توصل فى النهاية إن سيدنا يوسف يملك مقاليد حكم ملك مصر ويكون سبب فى أنقاذ شعب مصر من مجاعة . عاوزك تفتكر ده كل ما تلاقى أقرب الناس ليك بيكسروا فى قلبك وبينبذوك لإنك بالتأكيد فى قلوب ناس كتير شخص له مكانه وبترتاحله القلوب وتحبه وقبل الناس ربنا خلقك فى أبهى صورة وعالم بقلبك . فمتخليش كره شخص ليك يخليك تتعمى عن محبه ناس كتير لقلبك . ولكل اللى بيقرأ عاوز أقولك لو شايف إن محدش بيحبك فأنا بحبك محبه خالصة فى الله يا جميل القلب
