2022-05-01 01:11:33
مُو طبيعي هَالسنة شَقد أكتشفت أنّي وحيدة رغم كِل الصّحبة يلّي معي . .
مو طبيعي وقت كنت محتاجة كلام يحضُن تعبي .. مالقيت حدا فاضيلي ؟
مو طبيعية كمية الخيبة يلّي أنا فيها اليوم . . وثقت وحبيت وعطيت وتغيرت كرمال كتير عالم ..
بس هنن ماعملوا شي واحد مشاني .
حتّى رفقاتي المُفضلين ماعاد حَدا فاضيلي ؟؟
يَاترى أنا لهالدرجة مُملة ؟ لهالدرجة عم بالغ بشعوري !
طيب أنا عطيت حب ، ليش ماحدا عطاني ؟
أنا ماتغيرت هنن ليش تغيروا ؟
معقول أنا الغلط ؟
بس أنا مو هيك .. أنا وقت بحب بَحب من كل قلبي
مابمل ولا ببعد عن حدا بحاجتي .. بكون دايماً جنب الكل ..
أنا تعبت مِن حالي ، ويمكن هنن تعبوا مّني ..
بس أنا ما ذنبي ، والله ما ذنبي . .
ذنب يلّي حط فيني جروح وراح . . خلاني اصير كئيبة لهالدرجة هي !
مَا بعرف ياريت في جواب واحد جاوب فيّه عن الأسئلة يلّي عم يطرحها عقلي حتى أرتاح شوي بس . .
يمكن الناس يلّي بحبهم رح يشوفو المنشور ويزعلوا منّي أو يلوموني !!
بس فعلياً أنا بهي الفترة مو شايفة حَدا فاضيلّي أحكيلوا عنّي وعن حياتي . .
ولا حَدا قادر يتحمل تعَبي . .
ماتلوموني .. أو تفكروا تعاتبوني .. أنا بحبكن ومو يعني إذا حكيت الشي الجواتي معناها حاقدة عليكن
أنا عبحكي هيك من قهري ع أيامنا ولهفتنا بالبداية . .
وبحكي لأفضفض شوي وآخد راحتي بما أنكن عم تختصروني .
197 views22:11