کـانـاڵـی بـانـگـه‌واز

2022-08-29 22:54:37 دیدی مامۆستا سەعیدی نوورسی بۆ مردن

لە ڕاستیدا مردن تەسریحبوون و کۆتاییهێنانە بە ژیانی دونیا و جێگە و بوون گۆڕینە، بانگەواز و پێشەکییە بۆ ژیانی هەمیشەیی نەبڕاوە، چونکە هەروەک هاتنە دونیای «ژیان» بەپێی نەخشە و بەدیهێنانی خوای گەورەیە، ماڵئاواییکردنیشی لە دونیا بە هەمان جۆرە، دەبێت بەپێی نەخشە و بەدیهێنانی خواوەند بێت، چونکە مردنی ساکارترین زیندەوەر -کە ڕووەکە- ڕێسایەکی ئەوەندە ورد و داهێنانکارییەکی وەهای لە مەڕ بەدیهێنان تێدایە کە لە خودی ژیان زۆر مەزنتر و ڕێکوپێکتر و خاوەن ڕێساترە.

بۆ نموونە مردنی بەر و تۆو و دانەوێڵەکان کە بە ڕواڵەت داڕزان و هەڵوەشانەوەیە، لە ڕاستیدا بریتییە لە: هەڵشێلانی زنجیرە کارلێکێکی کیمیایی لەو پەڕی وردی و تەرازووکاری و پێکهێنان و ڕێکخستنی گەردیلەکان لەگەڵ یەکتردا، بەو پەڕی دانایی و وردبینی، بە ڕادەیەکی ئەوتۆ کە ئەو مردنەی بەچاو نابینرێت و ئەم هەموو ڕێسا پڕ لە دانایی و وردەکارییە قەشەنگانەی تێدایە، لە شێوەی ژیانێکی گەشەکردووی گوڵەگەنم و ڕووەکی باڵابەرز و بەرداردا دەردەکەوێت.

ئەمەش تێمان دەگەیەنێت کە مردنی تۆو، سەرەتای ژیانی نوێی ڕووەکە، چ ڕووەکێک بێت گوڵ بگرێت، یاخود بەردار بێت، بەڵکوو لە ڕاستیدا مردنەکەی خودی ژیانە نوێیەکەیەتی! کەواتە مردن بەدیهێنراوێکی کتومت وەک ژیانە. هەروەها ئەو خۆراکەی کە بەرووبوومێکی زیندووە، یاخود شتێکی گیاندارە و لە گەدەی مرۆڤدا دەمرێت، لە ڕاستیدا مردنەکەی سەرەتای بەرزبوونەوە و سەرکەوتنییەتی، بۆئەوەی ببێت بە بەشێک لەناو ژیانی بەرەوپێشچووی مرۆڤدا. کەواتە مردنەکەی بەدیهاتوویەکی گەلێک ڕێکوپێکترە لە ژیانی یەکەم جاری ئەو خۆراکە.

ئینجا ئەگەر مردنی ڕووەک -کە لە نزمترینی چین و پلەکانی ژیاندایە- بەدیهاتوویەکی ئاوا ڕێکوپێک و پڕ لە دانست بێت، دەبێت مردنی مرۆڤ چۆن بێت کە خاوەنی بڵندترینی چینەکانی ژیانە؟ کەواتە -بێ هیچ گومانێک- مردنی مرۆڤ ژیانێکی هەمیشەیی لە جیهانی بەرزەخدا بەرهەم دەهێنێت، کتومت وەک تۆو کە بە مردنی لەژێر خاکدا دەبێت بە ڕووەکێکی تا بلێی ڕەنگین و جوان و پڕ لە دانایی لە جیهانی ئیسلامیدا. ئینجا سەبارەت بەوەش کە ئایا چۆن مردن بە نیعمەت دادەنرێت، بۆ وەڵامی ئەمە تەنیا چوار ڕوو لەو ڕووە زۆر و زەبەندانە باس دەکەین کە دەریدەخەن مردن  نیعمەتە:

یەکەم: مردن بریتییە لە ڕزگاربوونی مرۆڤ لە کار و فرمانی و ژیانی دونیا و ئەرکی قورس و سەختی گوزەران، لە هەمان کاتیشدا دەرگای بەیەکگەیشتنەوەیە لەگەڵ نەوەد و نۆ لە سەدی خۆشەویستاندا کە لە جیهانی بەرزەخدان، کەواتە لەم ڕووەوە مردن نیعمەتێکی گەلێک مەزنە.

دووەم: مردن دەرچوونە لە بەندینخانەی تەنگ و تار و شڵەژاوی دونیا و ڕۆیشتنە بۆ ژێر سایەی چاودێری و میهرەبانیی فراوانی خۆشەویستی ڕاستەقینە و هەمیشەیی. هەروەها لەزەتچەشتنی نیعمەتی ژیانی فراوان و ڕووناک و بەردەوامە کە هیچ مەترسییەک تاڵی ناکات و لێڵی هیچ خەم و پەژارەیەکیش ئاوێتەی نابێت.

سێیەم: پیری و هۆکارەکانی تری هاوچەشنی، کە ژیان لە مرۆڤ دەکەن بە ئەرکێکی ناهەموار و بارێکی دژوار، دەری دەخەن کە مردن نیعمەتێکە زۆر لە نیعمەتی ژیان بڵند و پایەبەرزترە! چونکە ئەگەر بێت و وا دابنێیت کە هەموو باپیرانی پێشینت چووبن بە ساڵدا و لەگەڵ باوک و دایکی پیر و پەککەوتەت، ئێستا لە ژیاندا مابن و تێکڕا گیرۆدەی چەندین باری بە سوێ و ئازار بووبن و لەبەرچاوتدا بەو حاڵە پەرێشانەوە بتلێنەوە، ئەوا تێ دەگەیت کە ژیان چەندە مایەی بێزاری و پەرێشانییە و مردنیش نیعمەتێکی چەندە بەرز و بەنرخە! جگە لەمەش، ئەگەر مرۆڤ بیر لە مردنی ئەو مێش و مێرووە ڕەنگینانە بکاتەوە کە شەیدای گوڵە ناسکۆلە و خەمڵاوەکانن و لە دەمی پەرەسەندنی سەرمای سەختی زستاندا دەمرن و ئەم دونیایە بەجێ دەهێڵن، ئەوا مەودای ئەو میهرەبانییە تێ دەگات کە لە مردندا هەیە و ئەو سەختی و گیر و گرفتانەشی بۆ دەردەکەوێت کە ئەو مێرووانە گرفتاری دەبوون ئەگەر درێژە بە ژیانیان بدرایە!

چوارەم: هەروەک نوستن حەوانەوە و میهرەبانییە بۆ مرۆڤ، بەتایبەت بۆ گیرۆدەبووان و زامدار و بیماران، بە هەمان جۆر مردنیش کە برای نوستنە، میهرەبانی و نیعمەتێکی مەزنە بۆ هەموو ئەو کەسانەی گیرۆدەی بەڵای ئەوەندە سەخت بوون، کە لەوانەیە دووچاری خۆکوشتنیان بکات.

هەموو ئەم نیعمەتانەی باس کران، هی مردنی ئیماندارانن، بەڵام مردنی گومڕایان -چەشنی ژیانیان- بەڵایەکی مەزن و ئەشکەنجەیەکی ئاوێتەی ئازارە، وەک لە چەندین وتەدا بە جۆرێکی گومانبڕ چەسپاندوومانە. دیارە ئەم لایەنەش لە دەرەوەی بازنەی ئەم باسەی ئێرەدایە.

سەعیدی نوورسی

مەکتوبات، لاپەڕە: ٨

#ئاستانە_Astanat


https://t.me/Bangawaz_Channel/2387


کاناڵے بانگه‌واز
: @Bangawaz_Channel باز کردن / نظر دهید

2022-08-29 22:54:06 دیدی مامۆستا سەعیدی نوورسی بۆ مردن



کاناڵے بانگه‌واز
: @Bangawaz_Channel باز کردن / نظر دهید

2022-08-27 22:45:26 .

"مرۆڤی مۆدێرنە، پێی وابوو بە کوشتنی خودا خۆی ئازاد کردووە لە هەموو شتێک کە سەرکوتی دەکات و دەیخنکێنێت، بەڵام لەجیاتی ئەوە بۆی دەرکەوت کە خۆی کوشتووە، چونکە ئەگەر خودا نەبێت، ژیانی مرۆڤ بێ مانایە و چارەنووسی گەردوون و مرۆڤ، فەوتانە. ئەگەر خودا نەبێت، مرۆڤ وەکوو هەموو زیندەوەرێکی بایۆلۆجی دەبێت بمرێت. لە نەبوونی خودادا ژیانی مرۆڤ تروسکایییەکە لە تاریکییەکی بێ کۆتا؛ تروسکایییەک دەرئەکەوێت و دوای ئەوە دەمرێت بۆ هەتاهەتایە."

وڵیەم لەین کرەیگ

#ئاستانە_Astana





کاناڵے بانگه‌واز
: @Bangawaz_Channel باز کردن / نظر دهید

2022-08-25 09:57:24 ڕەحمەتی خواتان لێ بێت بڵاوی بکەنەوە

تەلقین کردنی مردوو

کاناڵے بانگه‌واز
: @Bangawaz_Channel باز کردن / نظر دهید

2022-08-23 00:00:42 .

داهێنانی مەزنی موسڵمانەکان لە ژمارەکاندا

پێویستە کە ئەو ڕاستییەمان لەلا ڕوون بێت کە ئەو ژمارانەی ئێستا لە ڕۆژئاوا بەکاردێن لە داهێنانی خۆیان نییە، بەڵکوو بنچینەکەی لە موسڵمانانی هندستانەوەیە -بەهۆی شێوازی نووسینەکەی بۆمان دەسەلمێت کە لە چەپەوە بۆ ڕاستە- موسڵمانان وەریانگرت و ڕێکییان خست و گەیاندنیانە هەموو جیهان، لە فەتحکردنی زۆرێک لە بەشەکانی وڵاتانی «سیند و هیندستان» موسڵمانان تێکەڵاوی زانیارییەکانیان بوون، سوودییان وەرگرت لە شێوازی نووسینی ژمارەکانیان لەسەر ئەم بناغەیە، شێوازی نووسینی ژمارەکانییان لە ڕۆژهەڵاتی ئیسلامدا داهێنا کە بەم شێوەیەیە: (٠ـ۱ـ۲ـ۳ـ٤ـ٥ـ٦ـ۷ـ۸ـ۹) کە پێی دەوترێت ژمارە هندییەکان کە تاکوو ئەمڕۆش لە ڕۆژئاوای ئاسیا و ڕۆژهەڵاتی ئەفریقادا بەکاردێن.

پاشان ئەم ژمارانە گەیشتن بە وڵاتانی مەغریب و ئیسپانیای ئەمڕۆ، گەشەیان کرد و دەستکاری کران بەم شێوەیەیان لێکرا (0-1-2-3-4-5-6-7-8-9) کە تا ئێستاش لە جیهاندا پێیان دەوترێت ژمارە عەڕەبییەکان.

پاشان ڕۆژئاواییەکان و ئەورووپا ئەم سیستەمی ژماردنەیان لە ڕۆژهەڵاتییەکان و موسڵمانانەوە وەرگرت، بەتایبەتی لەڕێی شارستانییەتی ئەندەلووسەوە. لە پەڕتووکێکدا «دۆناڵد ر.هیل» بۆ سەلماندنی ئەم ڕاستییە کە ژمارەکان هەر بە عەڕەبی ناو دەبرێن دەڵێت؛ لە بەرنامەی (Microsoft Word) گەورەترین و بەناوبانگترین بەرنامەڕێژی کۆمپیوتەری ڕۆژئاوا و جیهان؛ بچۆرە سەر بەشی (tool) لەوێ (Options) هەڵبژێرە، پاشان (Complex Scripts) دەبینیت لە خوارەوە نووسراوە (Numerals) واتە سیستمی ژمارەیی بەرنامەکە، دەبینین لە هەڵبژاردەکاندا نووسراوە (‏Arabic) واتە سیستمی ژمارەیی عەڕەبی -کە موسڵمانەکان داهێنەری بوون- کلیکی لەسەر بکە دەبینیت هەموو ژمارەکانی نێو فایلەکەت دەبێت بە (0-1-2-3-4-5-6-7-8-9).

زۆر کەس بە هەڵە وا دەزانن کە ئەو ژمارانەی ئەمڕۆ لە جیهاندا بەکاردێن عەڕەبی نین، بەڵام هەردوو جۆری شێوازی نووسینی ژمارەکان ئەمڕۆ لە جیهاندا لە داهێنانەکانی موسڵمانانن ...

مەستان سەججادی

https://t.me/Bangawaz_Channel/2382


کاناڵے بانگه‌واز
: @Bangawaz_Channel باز کردن / نظر دهید

2022-08-22 23:43:07 کاناڵے بانگه‌واز
: @Bangawaz_Channel باز کردن / نظر دهید

2022-08-09 12:59:03 ئامۆژگاریی دکتۆر "ئەیمەن سوەید" بۆ هەڵگرانى قورئان:

ئامۆژگارییەکتان دەکەم، کە سوێند بە خودا من خۆم لە ئێوە زیاتر ئاتاجم پێى.. داواکارم لە خواى گەورە یارمەتیى من و ئێوەش بدات بۆ جێبەجێ کردنى.
سوێندیش بێ بە خودا کە من شەرم دەکەم لە ناردنى ئەمەدا..
چونکە ئەو زانایە بە حاڵى من..
بەڵام با ببێ بە شەفاعەتکار بۆمان لە ڕۆژى قیامەتدا..
خواى گەورە دەفەرموێ: (يُؤفك عنه مَن أُفك).
واتە: "خودا هەرکەسێک لە قورئان دادەبڕێ کە بیەوێ دایببڕێ، وەک سزايه‌ک بۆ کەسەکە بە هۆى گوناهـ و پشت هەڵکردنى لە خودا"..
برایانم!
ئەوەى دەستى نەکردووە بە لەبەرکردنى قورئان با دەست پێ بکات..
ئەو کەسەش کەمتەرخەمیى لە پێداچوونەوەیدا کردووە با فرياكه‌وێت..
هەرکەسیش ویردێکى خۆى نییە لە قورئان ئەوا با هەڵپەى بۆ بکات..
با به‌سەبر و ئارامگر بێت..
چونکە بە ڕاستى لە لەبەرکردنى قورئان و پێداچوونه‌وه‌ى و خوێندنەوەى لە شەو و ڕۆژدا چێژێکى وەهاى تێدایە کە ماندووێتیى کۆششکردنت لەبیر دەباتەوە.
لە ناڕەحەتیى سەرقاڵییەکانت هەڵبێ و
چەند خولەکێک لە کاتەکانت بقۆزەرەوە..
لە نووستنەکەت هەستەوە
بەڵکو بگەیتەوە بە کاروانى تەوبەکاران و
چێژى پەرستشکاران بنۆشە..
سوژدە ببە و نزیک ببەوە لە خودا..
ویردێک لە قورئان بۆ خۆت دابنێ..
قورتوبى دەڵێت:
"هەرکەس قورئان بخوێنێ، ئەوا چێژ لە ژیریى خۆى دەبینێ ئەگەر ته‌مه‌نیشى گەیشتبێتە سەد"!
لێکۆڵینەوە زانسنییەکانیش ئەوەیان سەلماندووە کە لەبەرکردنى قورئان و خوێندنەوەى، دەبێتە هۆى بەهێزکردنى یادگە(ذاكرة)!
شێخى ئیسلام دەڵێت:
هیچ شتێکم نەبینیوە کە زۆرترین خۆراکى ژیرى و گیان بدات و، جەستە بپارێزێ و بەختەوەرى زامن بکات، جگە لە بەردەوامبوون لە تێڕوانینى قورئانى پیرۆز!
هیچ شتێک سه‌رقاڵت نەکات له‌ ويردى ڕۆژانه‌ى قورئانه‌كه‌ت..
سوێند به‌ خوا ئەوە سەرچاوەی فەڕ و بەرەکەتى ژيانى ڕۆژانه‌ته‌ ئەگەر نییەتت پاك بكه‌يته‌وه‌ بۆ خوا.




https://t.me/Bangawaz_Channel/2379 باز کردن / نظر دهید

2022-08-09 12:58:06 ئامۆژگاریی دکتۆر "ئەیمەن سوەید" بۆ هەڵگرانى قورئان




کاناڵے بانگه‌واز
: @Bangawaz_Channel باز کردن / نظر دهید

2022-07-29 22:00:20 وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ (97)
فَسَبِّحْ بِحَمْدِ رَبِّكَ وَكُن مِّنَ السَّاجِدِينَ (98)




#قورئان
#الحجر
#شێخ_عبدالباسط_عبدالصمد



کاناڵے بانگه‌واز
: @Bangawaz_Channel باز کردن / نظر دهید

2022-07-27 22:55:22 پرسیار لە دوزەخیەکان دەکرێت ئەوە چی بوو ئێوەی راپێچی دوزەخ کرد؟!






کاناڵے بانگه‌واز
: @Bangawaz_Channel باز کردن / نظر دهید