2022-08-27 19:13:07
تساقط الشعر داحسها مشكلة دتعاني منها هوايا بنات خصوصا هالفترة !
اول شي لازم نحلل حتى نعرف وين المشكلة ،، بمخزون الحديد او فيتامين دي او الزنك لانه ذولة ال ٣ الهم دور كلش جبير بصحة الشعر
اكو ميسوون تحليل ويريدون راسن يأخذون مكملات مخصصة للشعر والأظافر وهنا النسب الموجودة تكون لتلبية الاحتياج اليومي بالتالي مراح يعوض النقص الصاير ،، فمراح نحل المشكلة تماما ،، فالافضل انه تحللون حتى تعرفون المشكلة وين !
اول شي الحديد اكو حبوب بالصيدلية هسة انزللكم صورها وشلون الطريقة الصحيحة لاستخدامها طبعا بعد منعرف مخزون الحديد شكد الحديد يساعد ع نمو بصيلة الشعر
زنك حبوب وفيتامين دي ثري حبوب ايضا يؤخذ بعد التحاليل ..
راح انزللكم مكملات خاصة للشعر والأظافر بيها فيتامينات ومعادن ضرورية لصحة الشعر
نجي ع الشامبو استخدموا شامبوات بيها كافيين ومينوكسديل حتى تقوي بصيلة الشعر وتخفف من تساقطها
اكو امبولات ايضا ممكن تنفتح ع فروة الرأس تساعد بالاستمرارية ع إيقاف التساقط
الشعر لتغسلوا يومية بين يوم ويوم كلش كافي ومن تمشطون من الأطراف ابدوا فكوا التشابك شوية شوية لحد ما توصلون للجذور
جوز الهند كلش زين للشعر اذا تحطوا مثلا نهاية الاسبوع او مرتين بالاسبوع بس لتحطوا اكثر من ساعتين حتى لينطي تاثير عكسي
قللوا صبغ الشعر وقصره وتسريح وكل هاي الامور ،،صح تشوفون شعركم حلو بس ورة فترة يفقد كل صحته وحيويته وتضطرون ترجعون تسرحون ويبدي يوكع فحرامات
@ph_baraa91
144 views16:13