🔘قناة طلبة جامعة تكريت الاخبارية🔘

2022-02-25 21:12:52 رأيكم بصوته حسب التفاعل انزل المقطع الثاني الأغنية التركيه
#الاعلامي بارق الريس @baaargj باز کردن / نظر دهید

2022-02-25 00:15:25 1/ لاتتزوجين بس لانه شفتي مسلسل تركي وعجبج الموضوع

2/ لا تتزوج بس حتى ترضي اهلك ويشوفون جهالك قبل لايموتون

3/ لا تتزوج من اهلك همة يختارولك الي تتزوجها من دون رضاك

4/لا تتزوجين بعمر صغير وانتي ماعندج اي فكرة عن مسؤولية الزواج والانجاب والتربية وممكن جدا تنضجين بعد الزواج وتتغير افكارهج وتگومين ماتقتنعين بزوجج الي اختاريتيه من چنتي بغير مرحلة فكرية وچنتي غير ناضجة تماما

5/ لاتتزوجين بس حتى تخلصين من بيت ابوج اذا متحكمين بيچ او يعاملوج بطريقة مو زينة

6/ لاتتزوج بس لأنه صار عندك كم فلس تصرفها عالعرس وبعدها تگابل زوجتك وتصفن

7/ لاتتزوجين بس لانه كبرتي شوية وخايفة الناس تسميچ عانس

8/ لاتتزوجين اول شخص عرفتيه بس لأنه خايفة اذا عفتيه محد يقبل بيج مع انه هو معاجبج

9/ لاتتزوج بس لأنك كبرت شوية وخايف الناس تطلع عليك اشاعات !

10/ لاتتزوج بس لأنك مكبوت جنسيا وتريد الحلال

تزوج من انت تريد تتزوج, من انت تكون مقتنع ومستعد لهالخطوة, من تشوف نفسك تگدر تعيش حتى تسعد عائلتك وتتنازل عن شغلات تحبها لخاطرهم
لاتتزوج حتى ترضي شهوتك او ترضي اهلك او ترضي الناس
تزوج حتى ترضي نفسك والشخص الي حتتزوجه واطفالك مستقبلا
#الاعلامي بارق الريس باز کردن / نظر دهید

2022-02-24 23:10:50 وزير التعليم العالي : موعد امتحانات نهاية السنة الفاينل ستكون في بداية الشهر السادس ٢٠٢٢/٦/١٢ مع صلاحية تقديم موعد الامتحانات اسبوع واحد.

@Am_20_d باز کردن / نظر دهید

2022-02-24 19:08:31 قناة طلبة جامعة تكريت الاخبارية pinned Deleted message باز کردن / نظر دهید

2022-01-14 17:29:22 - كانت اكو وحدة وافقت على على علاقة وية شخص وهي مو مقتنعة بهل شخص ولا حابتة أصلا ، جانت مقررة انو بأقرب فرصة تتركة وتتخلى عنة ..

مجانت تقبل تكعد ويا ولا تكلمة وتعاملة بكل برود ، كان يحاول يتقرب منها و هي رافضة تماماً، كآن دايماً يكلمها بعد كُل امتحان و يسألها شسويتي بلأمتحان ؟ ، حليتي زين ؟ كان يسأل عن صحتها ، لو عرف هي رايدة تاخذ كورس معين يسأل على الكورس و يشرحلها شرح مبسط عن الكورس و أحسن مكان تاخذ بي آلكورس هذا ، كان كًُل يوم يحب يعرف عنها شغلات اكثر من قبل و كانت هداياه دليل أنو فعلا صار يعرفها ، جابلها مرة تُرمز صغير تشيله بجنطتهة لمن عرف إنها تحب تشرب نسكافيه كثير ، سآفر مرة علمود يجيبلها نسخة من الكتاب آللي جانت تدور عليه و متكدر تلكي ... إلخ إلخ..

اتصل بيهة مرة على الموبايل يطمئن عليها و هي كانت تعزل بشقة أختها لأن اختهة مقبلة على زواج فلازم ينقلون الغراض من مكان لمكان فحس أنو صوتها مو تمام ، سألها اكو شي ؟ كالتله أنو السيارة الي المفروض تجي تشيل جنط اختي وأثاثهة عطلانة ودنواجه مشكلة وما عدهم احد يشيل الغراض ، خلال ساعة اجة وجاب اصدقائة ويا وكم سيارة علمود ينقلون غراض اختها والأثاث للشقة مال اختهة ..

آلوقت يمشي وهمة بعلاقتهم ، أكتشفت لمن غاب يوم عنها ، إنها اتعلقت بي وبسؤاله عليها و حبته ، حبت إهتمامُه و حبت و جوده اللي فرق وياهة وملى حياتها .. كآنت تكول أني شنو رايدة اكثر من هيج شي ؟ ! شخص يستغل كل فرصة علمود يتقربلي ، مهتم بكل اللي مهتمة بي اني ، يشاركني كل تفاصيلي ، يعرف حتى نبرة صوتي لمن اكون ضايجة او منزعجة طبعاً لازم اكمل ويا )'

-الخُلاصه من الإهتمام:
مصطلح لفعل يتضمن معاني آلحب والاحساس.. ترجمة عملية ، و ألف طريقة للتقرب ، إحساس يترجملنة شعور أنو احنة مهمين عند اشخاص معينين .. مو بكثرة الكلام لكن بكثرة المواقف ، الأهتمام والشغف بلأصل هو شعور يلمس روحنا حتى في الغياب و آلبعد ، فـ يخلينا مشغولين بـ شخص ودائما قلقآنين علية ، و نحط أيدنا ع قلوبنا وندعيلة وعمرنا مراح نكدر ندعي علية حتى لو طلع حيوان .. هوا آلسر إنو كل شي فجأه يصير حلو .. هو آللي يرد آلروح و ينطي للدنيا نكهة وطعم..

اكو ناس آللي مخليهم لحد هسة عايشين إنو اكو شخص يهمه وجودهم أكثر منهم شخصياً ، اكو حلم ديحاول يطلع للنور لأن اكو شخص مهتم ومجرد فترة ويضهر ، واكو ضحكة رغم الأسى لحد هسة مرسومه لأنو اكو شخص يهمه إنو تبقى هل ضحكة مرسومة على الوجه ، ماكو شغلة على وجه الأرض مستمرة إلا وأكو إهتمام ، حتى آلوردة آللي تشوفها كل يوم ، اكو احد يسقيها ، و يهتم بيهآ .

بس عمر آلوردة ما طلبت من احد انو يسقيها ..لأن الإهتمام ما ينطلب، الإهتمام يُنفرض .
قصصي عن الواقع اتمنه تنال اعجابكم .
بقلمي
#الاعلامي بارق الريس باز کردن / نظر دهید

2022-01-14 13:47:47 السلام عليكم طلبتنا الأعزاء
على كل ممثل لجميع المراحل الدراسية الأولى
كل ممثل يدزلي رابط قسمه حت يدخلون طلاب وياكم طلاب قسمكم نصهم محد يعرف الكروب
ثانياََ كل ممثل يجي يتواصل اضيفه لكروب ممثلي جامعة تكريت فقط الممثلين والمرحله الأولى فقط
ممثل طلبة جامعة تكريت
@baaargj
#الاعلامي بارق الريس باز کردن / نظر دهید

2021-09-22 12:54:12 تعلن مكتبة نور الهدى حاجتها الى عمال وذو اختصاص على الحاسبة والاستنساخ ومن الذكور والاناث الاتصال على 07702036535
#الاعلامي بارق الريس باز کردن / نظر دهید

2021-09-22 12:42:03 لعل جود الأخلاق يدفع بنا ألى الأعتراف بالشكر والتقدير لكل
من له فضلآ علينة فلا ننسى منارة العقول الدكتور( محمد يوسف) الذي لطالما تعب من أجلنا ولم يبخل علينا بعلم وسعى جاهدآ ليسدد خطانا على درب الاجتهاد للوصول إلى أعلى المراتب ووجب علينا الأعتراف بجميل فضلة علينة
فمن قدم لنا معروف فوجب علينا مقابلة الإحسان بالأحسان

يسعدني ان اقدم اجمل التهاني ومن اعماق القلب إلى الدكتور محمد يوسف محيميد زويد اللهيبي استاذ القانون الدستوري بمناسبة تسنمه منصب معاون العميد للشؤون العلمية في كلية الحقوق جامعة تكريت،
#الاعلامي بارق الريس باز کردن / نظر دهید

2021-09-18 11:57:07 الأعزاء جميعاً الانتخابات القادمة تعتبر الأهم في تاريخ العراق الحديث ولاهميتها قام رواق بغداد بعمل هذا الاستبيان أتمنى الدخول للرابط وإعطاء آرائكم

https://forms.gle/q4UFKiKsxDqJZckV7 باز کردن / نظر دهید

2021-09-16 20:28:50 #عاجل ...
بعد عرضه على مجلس الوزراء ...
وزارة التربية تعلن تأجيل امتحانات الدور الثاني لطلبة الثالث المتوسط الى ١٤ تشرين الاول

اعلنت وزارة التربية استحصال موافقة مجلس الوزراء على تأجيل امتحانات الدور الثاني لطلبة الثالث المتوسط الى يوم الخميس الموافق ١٤ تشرين الاول بدلاً من الثاني من ذات الشهر .

وبينت الوزارة في بيان لها ان القرار جاء من أجل فسح المجال امام الملاكات التربوية المشاركة في مراقبة الانتخابات لإكمال الدورات والتحضيرات الفنية لهذا الاستحقاق الوطني المهم .

وتمنت الوزارة لطلبتها الأعزاء دوام الموفقية والنجاح، داعية إياهم لاستثمار الوقت الممنوح من اجل تحقيق التميز والنجاح.
#الإعلامي بارق الريس باز کردن / نظر دهید