پۆلیسی نه‌هێشتنی مادده‌ هۆشبه‌ره‌كان له‌ بۆسه‌یه‌كدا بازرگانێك | بەورەکانی کەرکوك B.kirkuk

پۆلیسی نه‌هێشتنی مادده‌ هۆشبه‌ره‌كان له‌ بۆسه‌یه‌كدا بازرگانێكی مادده‌ی هۆشبه‌ر ده‌ستگیرده‌كات.
سه‌رچاوه‌یه‌كی تایبه‌ت ڕایگه‌یاند : به‌یانی ئه‌مڕۆ له‌ فلكه‌ی ئیخوان له گه‌ڕه‌كی ره‌حیمئاوای‌ شاری كه‌ركوك هێزێكی پۆلیسی سه‌ر به‌ نه‌هێشتنی مادده‌ هۆشبه‌ره‌كان بۆسه‌ بۆ بازرگانێكی مادده‌ هۆشبه‌ره‌كان دانا و له‌ ئه‌نجامدا بازرگانه‌كه‌ كه‌وته‌ نێو بۆسه‌كه‌وه‌ ، دوای ڕوبه‌ڕوو بوونه‌وه‌یه‌كی كورت توانرا بازرگانه‌كه‌ ده‌ستگیر بكرێت.
هه‌روه‌ها سه‌رچاوه‌كه‌ ئاماژه‌ی به‌ برینداربوونی پۆلیسێكیش كرد و ڕایگه‌یاند : له‌كاتی ڕوبه‌ڕوبوونه‌وه‌كه‌دا پۆلیسێك گولـله‌یه‌ك به‌ر قاچی كه‌وتووه‌ به‌ڵام برینه‌كه‌ی سوكه‌ و ته‌ندروستی جێگیره‌.