بعمرك ما تحكي عن حدا إنه منيح ، بتقدر تقول كان منيح معي اليوم | أزرقي My Blue 🔐💙!
بعمرك ما تحكي عن حدا إنه منيح ، بتقدر تقول كان منيح معي اليوم ، النفوس بتتغير والمحبة مؤقتة والناس أغلبها بتعامل بعضها على حسب إحتياجاتها ومزاجها ، بتقربلك نهار وبتختفي عشرة ، والغلطة معهم بألف حساب ، بلحظة بيمحوا كل شي منيح أعطيتهم إياه ، من ذكريات من وقت من أحاديث من عِشرة من ضحكات من مواقف ، اللي بيتعامل معك حسب مزاجه ويلي بيتغير عليك بدون سبب ويلي بيئذيك حتى لو ب أي شي بسيط أتغير عليه وما تعطيه مبررات ، الحياة بتكمل ، ما تحط حالك بموقف تحس فيه إنه كل شي عم يتكدس عليك من أشخاص ، مواقف ، وتفاصيل كثيرة ، إنت بحاجة لفسحة صغيرة تكون فيها لوحدك عشان تشوف العالم من نظرة مختلفة و بعيدة ، لتعيد ترتيب الأشياء و الناس كل فترة ، لتراقب وتشوف كل شخص كيف بينظرلك وشو بيتمنالك ، لحظة صغيرة قادرة تخليك تشوف كلشي بطريقة أوضح ، عامل كما تُعامل !
