الّلهین صبری قیرخ ایلدی! اللّهین صبری چاتار پایانه قیرخ ایلدن سورا اوندا ملت لعن ائدرشیطانه قیرخ ایلدن سورا بیر مدیری کی اوتوز ایلدور وزارت ائیلیوب قتل عمد ائیلر اولار دیوانه قیرخ ایلدن سورا؟ گیزلین ایشلر بیر به بیر آخرچیخالار ظاهره اود ویرار بو ملت ایرانه قیرخ ایلدن سورا هر او کسلر کی خبر دار اولسا پشت پرده دن هی چکه لّر بیر بیرین میدانه قیرخ ایلدن سورا چاتسا گر دست عدالت ظلم ائدن ظالملره عدلیلن یکسر چکر زندانه قیرخ ایلدن سورا گور نه اندازه یازیق ملت قالیب گردابیده چوخلاری حسرتدیلر آیرآنه قیرخ ایلدن سورا عیبی یوخ بیر عده تزویریله چاتمیش منصبه صدمه ویرمیش دینیله ایمانه قیرخ ایلدن سورا! بوردا اکمیش تخم نابابین بیر عده گوندریر دوغماغا اوز ناموسون آلمانه قیرخ ایلدن سورا عرصه نی تنگ ائیلیوبلر خلقه آقا زاده لر بعضی ایشلر زور گلیر انسانه قیرخ ایلدن سورا ای(#نجفلو )گوزله هر سوز گلدی یازما دفتره دوشمه آخر غیبت و بهتانه قیرخ ایلدن سورا شاعر : مهدی نجفلو @bayatelar 2.7K viewsedited 21:22
