الشاعر الحسيني فرحان البزوني

2022-07-27 22:55:15 #برنامج1444
قصيدة الامام الحسين عليه السلام
5

اقبلني عندك خادم
ماريد اعيشن نادم
وبخدمتك اقتدي
بيك افتخر سيدي
اقبلني عندك خادم
00000000 (1) 0000000
خدمتك بيه الفخر سيدي اتعليني
لا مااعوفنك ابد عاشگك يحسيني
لو مره ذكرك يمر الدم جره من عيني
كلما امر الكربله وچنك تحاچيني
من اعتني للحضره
مولاي يبن الزهره
يمك حزن يبتدي
بيك افتخر سيدي
اقبلني عندك خادم
00000000 (2) 0000000
والدي من الزغر وجهاني الخدمتي
بيهم تمسك للأبد خلاني احبن يمتي
يامحله عين الي بچت تشفعلي باچر دمعتي
وحسين افديه بالعمر متغله لجله رگبتي
ابچي بچي المفارگ
يحسيني لجلك عاشگ
بعمري الك افتدي
بيك افتخر سيدي
اقبلني عندك خادم
00000000 (3) 0000000
والخدمتك ماعفت خادمك يدروني
شهر الحزن لمن يمر استقبله بعيوني
متحضر انه بدمعتي بمجلسك يلگوني
مجنونك ابقه وفتخر عابس يسموني
كون افتديك بعمري
ينذبح قبلك نحري
ماهمني كل معتدي
بيك افتخر سيدي
اقبلني عندك خادم
00000000 (4) 0000000
اطبر الهامه انه الك زنجيل ادگلك بعزم
وي زينب ابچي وبحزن لا مااعوف اللطم
انحرم انه من النظر من دنيتي هم انحرم
غيرت اسمي سيدي خادمك يحسين الاسم
من المهد حبيتك
وسط الگلب خليتك
يمك يظل موردي
بيك افتخر سيدي
اقبلني عندك خادم
00000000 (5) 0000000
العن يزيد وزمرته والشمر لجلك العنه
بالماي اذكرنك اظل لا مانسيتك انه
الي تعنه سيدي ماخاب كلمن اعتنه
وبعاشر وطف كربله اوصلك انه بكل سنه
ياخذني حبي الك
وبحسرتي اوصلك
وشرحلك بمقصدي
بيك افتخر سيدي
اقبلني عندك خادم


الشاعر الحسيني فرحان البزوني باز کردن / نظر دهید

2022-07-25 06:53:10 #برنامج1444
قصيدة فاطمه العليله عليها السلام
4

بويه حيره حيرتي
ابد متكف دمعتي
بويه انه اتعلمت نومي ابحظنك
هسه ناوي عالسفر ماترد چنك
بويه حيره حيرتي
00000000 (1) 0000000
ليش عفتوني دمعي بعيوني
طفله وعليله والسفر أثر عليه
حايره بهمي وانته مو يمي
منين اجنتي كربله والغاضريه
يالعفتني بالمدينه والضعن سار
هذا مو طبعك عفتني بوحشة الدار
انه طفلتكم وگلبي مشتعل نار
من مشيتو مابقه وحدي من الزغار
المن اشكي حالتي
يالخذيتو راحتي
ياضوه عيوني ابد مشبعت منك
هسه ناوي عالسفر ماترد چنك
بويه حيره حيرتي
00000000 (2) 0000000
الزمن قاسي من أخذ ناسي
حمليتو واالگلب بيه بقت عله
مارحم وضعي مانشف دمعي
من أخذ العزاز مني وانه طفله
حاله صعبه ماترد ذيچ الليالي
والزمن مني اخذ مابقه غالي
وحدي ابقه بالمدينه وصعب حالي
طفله وحزينه ونشده بالحسره بالي
كل عذابي من الهجر
طفه شمعات العمر
بويه جاوبني ترد انه اسالنك
هسه ناوي عالسفر ماترد چنك
بويه حيره حيرتي
00000000 (3) 0000000
شرد اسولفك عني وشرحلك
حايره من المرض ومن النوايب
طفله وتعذب بداري وتغرب
بويه هد حيلي غيابك والمصايب
والدي عازتك عازه الك اشتاگ
گمت اهم بالسفر بويه وطول الفراگ
ونتظارك نار تلهب ودمعي حراگ
حايره بفرگت رقيه وگومت اشواگ
وللرضيع اشگد احن
گبال مهده بس اون
بويه عبدالله ترجعه مااظنك
هسه ناوي عالسفر ماترد چنك
بويه حيره حيرتي
00000000 (4) 0000000
والضعن يحدي بغربتي الوحدي
يساعد الله الي بقه بهمومه وحده
مشو احبابي زادو مصابي
والزمن مني گطعهم ورده ورده
شجره زرعوني وبقيت متانيه الماي
من جفوني عيشوني بحيرت الراي
راحو اهلي ونتظر من وكتي الهواي
چم مصيبه انتظرها تمطر اسماي
اه منچ كربله
يالخذيتي العائله
بويه اغله من حياتي اودنك
هسه ناوي عالسفر ماترد چنك
بويه حيره حيرتي
00000000 (5) 0000000
بويه يادامي تندفن ضامي
مااشوفك وسفه بويه گبل موتك
دنيتي انته وعمري سالفته
البيت مستاحش عليك خلاف صوتك
محد يعوضني عنك ياضوه العين
ما املن انه منك بويه يحسين
الوكت غثني بغيابك وعشت بونين
راحت ونتظرتك دربك منين
والمصلايه
تسولف الغايه
من اشمها ياحياتي چني اشمنك
هسه ناوي عالسفر ماترد چنك
بويه حيره حيرتي


الشاعر الحسيني فرحان البزوني باز کردن / نظر دهید

2022-07-19 23:52:49   #برنامج محرم 1444
قصيده للانصار رضوان الله عليهم
3
الأنصار من وصلو لحسين
وجو نار هجمو ثوريين
شيخ الانصار اتنخاهم
هذا حسين انصاره علاهم
وجو نار
00000000 (1) 0000000
عابس من يجن لحسينه يحن يفخر مجنون ويباهي الكون
أنصار ونعم شجعان وزلم الحر وجون أنصار وعون
نهتف حي الله الانصار شجعان وكلهم ثوار
كلمن شافاهم محتار مگلوب الجو ياستار
شگ الثوب بالطف عابس
المهيوب يملك واهس
جيش ايزيد لا مالاواهم
هذا حسين انصاره علاهم
وجو نار
00000000 (2) 0000000
حبيب بغيرته بعزمه ونخوته بالروح يجود بالطف موجود
ابن ظاهر وفه يشهد موقفه وصحابه شهود متهمه جنود
شيخ الانصار وحياه محد يوصله ولاواه
حسين بهمه ناداه بالطف يفزعله راداه
غيره اوفاي متعني بغايه
يستشهد جاي من شال الرايه
أصحابه لحسين بالطف جاباهم
هذا حسين انصاره علاهم
وجو نار
      00000000 (3) 0000000
مسيحي عشگ بحساسه صدگ ماهمه يموت محضر تابوت
الحر من هجم ابدن ماندم من صاح بصوت ضد الطاغوت
عايف دينه وكلشي عاف واليملك احله الاوصاف
بالطف مايرجف ويخاف الحر متخوفه الالاف
حر بدنياه وحر من يموت
حسين تلگاه من للجنه يفوت
استسلم بالطف اهله عافاهم
هذا حسين انصاره علاهم
وجو نار
      00000000 (4) 0000000
ننظر قصته زهير وحالته يهتف لبيك انه بين ايديك
برير المارضخ وبعبره صرخ بالروح افديك يحسين مواليك
قصه وترويها الأجيال أنصار حسين الابطال
ماخابت بيهم امال موعد موتتهم ماطال
والاعظم من هاي ماتو ويه حسين
كل واحد وفاي للطف مذخورين
استسلم بالطف اهله عافاهم
هذا حسين انصاره علاهم
وجو نار
      00000000 (5) 0000000
ياخيمة وفه نهر العاطفه ياطيبت جون ربعه يشهدون
لقرانه قره جون المفخره بيه يتباهون الامره يطيعون
جون وياأشرف انسان حافظ آيات القرآن
ومحصل اجمل عنوان يستشهد كل همه چان
وبكربله صار الأمر الراده
وي باقي الانصار نال الشهاده
وحسين بعاشور كلهم هناهم
هذا حسين انصاره علاهم
وجو نار

     الشاعر الحسيني فرحان البزوني باز کردن / نظر دهید

2022-07-15 21:37:30 مباركين بعيد الولايه

مبروك مبروك علي بيوم الغدير
علي بيوم الغدير
اتنصبت امير
مبروك مبروك علي بيوم الغدير

ياعلي مبروك طه فضلك
والولايه تلوگ والله بس الك
لوله حبك والله مادار الفلك
علي بيوم الغدير
اتنصبت امير
مبروك مبروك علي بيوم الغدير

اليوم فرحه وبيها واجب نحتفل
بغير حبك كل حفل مايكتمل
سيدي ومحبتك لم الشمل
علي بيوم الغدير
اتنصبت امير
مبروك مبروك علي بيوم الغدير

انته عالي بقائمة كل الحساب
انته وحدك يالفزت بلانتخاب
من سأل طه نعم چان الجواب
علي بيوم الغدير
اتنصبت امير
مبروك مبروك علي بيوم الغدير

شلون مانفرح بتنصيبك علي
يااخير انته تظل والاولي
ياامير ومايصح غير ولي
علي بيوم الغدير
اتنصبت امير
مبروك مبروك علي بيوم الغدير

خادم الحسين
فرحان البزوني باز کردن / نظر دهید

2022-07-15 21:36:34 بذو الفقار جيش الكفر بيداه
واذا يهجم يصير الزرع بيداه
ابو القاسم بيوم الرفع بيداه
وي حيدر ولايتهم سويه

محمد مااجه مثله ولايه
وعلي انطاه من بعده ولايه
وحق كل حرف بالسوره ولايه
الخلافه تلوگ الك حامي الحميه

بشفاعه چفوف بس لجلك مدينه
واظل مديون بس وحدك مدينه
محمد للعلم گالو مدينه
وعلي باب المدينه الدنيويه

خادم الحسين
فرحان البزوني باز کردن / نظر دهید

2022-07-13 22:47:19 #برنامج1444
قصيدة للأمام العباس عليه السلام
2

اسم الله يرعاك فدوه اروحلك
هيهات انساك مرافگه الظلك
يستار بيتي
عباس صيتي
فدوه اروحلك
00000000 (1) 0000000
ياماي وبحر الشمس والروح عطشانه
هيچ احسك يانفل عباس يحمانه
هجمو عله خيمنه العده ونريدك ويانه
يسبونه من أرض الأرض وعداك شمتانه
ياماي العيون عباس ياغالي
تتركني شلون حرمه بلا والي
اسمع وصيتي
عباس صيتي
فدوه اروحلك
00000000 (2) 0000000
بغيبتك يابو الفضل خسريت كل عمري
چني متت وي موتتك چني وسط گبري
والشمر يحدي ناگتي چنك ولاتدري
عباس حارس خيمتي فن الوصل خدري
مگطوع الچفوف ياريتني ابدالك
يافاگد الشوف يبچي الصخر حالك
ايا هوه بريتي
عباس صيتي
فدوه اروحلك
00000000 (3) 0000000
هذا شعور بداخلي حسيت افگدنك
وعيوني يجفيها النظر لوما اشوفنك
عباس خويه ابو الفضل شو ماتجي چنك
عالنهر يم المشرعه ميت احسنك
يبن ام البنين وفيت بوعودك
ماعرفت الحسين حد گطعت زنودك
تنهض منيتي
عباس صيتي
فدوه اروحلك
00000000 (4) 0000000
محتاره بطفال وحرم من يوم فارگتك
ياخوي والتل شاهدي من فوگه حشمتك
گتلك افزعلي بالعجل ماشفت حال اختك
الخيمه حرگوها علي تفزعلي ماشفتك
محترگه الخيام بالشمس عافوني
يسبوني للشام عالهزل ركبوني
بلوه بليتي
عباس صيتي
فدوه اروحلك
00000000 (5) 0000000
اثنينكم رحتو ذبح واحد وره الثاني
من بعد امي والابو الزمن فجعاني
مني اخذ حته النظر بغياب خواني
عباس ماشوفك بعد ياخوي تلگاني
مگطوع الزنود والدمعه تبرالي
ادريك متعود وتعاين الحالي
مهدوم بيتي
عباس صيتي
فدوه اروحلك


الشاعر الحسيني فرحان البزوني باز کردن / نظر دهید