__ كتير بيحصل لمّا واحدة منتقبة في مجتمعنا السوداني تجي توري ا | 𝒘𝒉𝒂𝒕 𝒆𝒗𝒆𝒓 🌸
__ كتير بيحصل لمّا واحدة منتقبة في مجتمعنا السوداني تجي توري البنات وشها بتجي جملة:"طيب أنتي سمحة كدة منتقبة ليه؟"
بتذكر كنا في كوافير قبل كم سنة وكان معانا واحدة صحبتنا محجبة حجاب كامل وساتر فلما طلعّت الطرحة عشان يعملوا ليها شعرها البنات انصدموا إنو :"إذا شعرك سمح كدة مغطياهو ليه؟"
وفي وحدات بقوا يقولو ليها:" انا لو عندي شعرك دة بسويّ وبفعل" ودي كلها مداخل شيطان إحنا بنفتحها بشكل غير واعي لإخواتنا من حيث إنو بنصعب عليها التخلي عن الزينة واللي أصلًا بكون صعب عليهم... فيعني انتي قايلها ما عارفه نفسها جميلة وشعرها سمح! كلنا كبنت مجبولين على التزين وعلى حب لفت النظر.
بالإضافة لإنو بالملاحظات دي بنعكس إنو عشان تتحجبي أو تتنقبي لأزم تكوني شينة وما خسرانة حاجة.
والفكرة دي غلظ كبير مرات حتى بلقا منقبات لما يجيهم رد الفعل دا بحاول يبرروا
:"والله بس يا خالتو تقولي شنو... أصلًا مضاريني من الشمس. الخ"
وكأنو هي بتعمل في حاجة غلط في حق نفسها ولازم تبرر.
انا طبعًا كنت كدة ولا أبرئ نفسي.... لكن الآن وبعد إستعمالي لزيت جونسون بشكل مستمر بقيت لمّا أشوف وحدة سمحة بقول ليها :" سمحاتك دي سماحة نقاب بس"
ماف واحدة تجي تلفح في الكومينتس بإنو :" يعني ما أقول لصحبتي إنها سمحة؟" لا قوليها أجمل حاجة والله الإطراء بين الصحبات دا. لكن ما تحسسيها إنو بالستر هي كدة بتنتقص من جمالها دا.
الملاحظات الزي دي كترت شديد في مجتمعنا والتنميط بإنو المنتقبة والمحجبات ما بنات زي باقي البنات وإنهن أكيد شينات وما مهتمات بنفسهن كترت وبتنفر الجيل الأصغر من الستر.
