دا من أهم ما كتبت في حياتي كلها لو حابب تقرأ لأني مش اول مرة ا | BIOCHEMISTRY
دا من أهم ما كتبت في حياتي كلها لو حابب تقرأ لأني مش اول مرة اكتب الموقف دا سنة ٢٠١٤ جاني طالب من طلابي بيكلمني ان التراكمي بتاعه وحش اوي وانه رغم المجهود الرهيب اللي بيبذله مالوش نصيب في الدرجات . الولد انا فاكرة من ايام ما درستله في سنة رابعة طب. ولد خلوق ممتاز محترم بيحب قعدة الصف الاول في المحاضرات.. كان وشه احمر من الزعل وعينيه مليانة قلق من مستقبله الغامض. اتكلمت معاه وقلتله تلات جمل: -الجملة الاولى اللي شاف مجهودك مين قاللي بابا وماما واخواتي قلتله لأ ، ربنا - الجملة التانية انتا ناقصك ايه عن زمايلك الاوائل قاللي الدرجات قلتله لأ، الدافع - الجملة التالتة انتا حسبت درجاتك ازاي قاللي جمعتهم عادي عشان التراكمي قلتله لأ ، التراكمي بتاعك عند ربنا وهوا بيجمعهولك لأوانه الولد انا فاكر انه ابتسم ابتسامة صغيرة ومشي وبعد تلات سنين بعتلي ايميل بيشكرني فيه على التلات جمل وبيقولي انه بدأ سكة الزمالة البريطانية في الجراحة من فترة وبعدها بسنتين بعتلي انها خلصت بعدها بسنة سافر انجلترا ربنا بيحاسبك عالمجهود وبيحاسبك برحمته، انتا بس اشتغل الولد دا اشتغل ونتا مش ناوي لسّه؟ لسه متضايق من مجموعك ولا ايه! #خواطر_قد_تصل د حازم عبدالتواب
