بما ان نتيجه الثانويه العامه بكرا ارضي ارضي ارضي لان اقسم بالل | عيله احياؤلوجي | Doctor HOopa
بما ان نتيجه الثانويه العامه بكرا ارضي ارضي ارضي لان اقسم بالله مشوفتش واحد رضي باللي قسمه ربنا عليه الا وفعلا كان فرح فرحه الدنيا لو جبت درجه عاليه خيرولو حصل العكس خير.. ربنا بيختبر رد فعلك الاول فخلي رده فعلك الاولي كما يحبها الله... قول الحمد لله لان دايما قضاء الله خير كله خير... المصيبه الوحيده اللي ذكرت في الدنيا هي الموت ابوك وامك هيتبسطوا او هيزعلوا فتره وهتعدي وبعد كدا هيبقي عادي الدنيا بتمشي والنتيجه لا هتعلي منك ولا هتقلل منك لو قابلتك في المستقبل وسالتك انت عملت ايه في حياتك (هتقولي بقيت دكتور ؟) ايوه فين الانجاز فين الجديد في ربع مليون دكتور بشري بس في مصر انت بقي عملت ايه صديقي مكملش تعليمه واتعلم برمجه من عاليوتيوب واشتغل شغل حر وفتح شركه برمجه و اشتري فيلا وبقي شريك في اربع شركات وراكب عربيه ما شاء الله ربنا يزيده انت بقي عملت ايه ؟ ياعم مهو معهوش شهاده اقولك تعمل ايه بالشهاده ؟ ولا اخواتك الكبار يقولولك ؟ ولا القهاوي تقولك ؟ ولا الكومنتات تقولك ؟ سيبها لله وركز علي نفسك وخلي رده فعلك الاولي دايما كما يرضاها الله عشان يخلي بعدها حياتك كلي كما ترضي
