2022-06-07 15:17:10
السلام على قلبُك يا صديقى أما بعد ".
صديقى طالب ثانويه عامه اللى عمال يصيح فى كل مكان بيروح فيه اللى صياحه مسمع أم أحمد بتاعه اللبن في المحافظة اللى جمبه، اه الامتحانات قربت أنا مش هلحاااااااق، أنا مش عارف كلمه في العربى، والفيزياء كل ما اقربلها أذاكرها تبعد عنى اه أمال ايه..!
فـ صديقى طالب ثانويه عامه بدل ما انت كده كشخص محترم عمال تصيح علي الفاضى ذاكر مفيش حاجه صعبه او مستحيل انت شايفها صعبه لانك مش حاولت جربت مرة حسيت انك مش فاهم خلاص بقااا نقعد نقلبها دراما هندى والمادة مش عارف ايه وايه، فـ ليه تحسس نفسك كده مع انها مش كده والله بس انت عاوز تحط حجه تهرب بيها من مهامك مع انك عارف ومتأكد انك كده كده لازم تعملها..!
فلى تماطل أبدا فيها شئ طبيعى إن كل شئ فى البدايه بيبقي صعب بعدين بالممارسه بيتحسن، مفيش انسان ناجح اتولد كدا كل واحد ناجح دلوقتي موت نفسه عشان يوصل، الفرق بينه وبينك أنه اكتشف نفسه وقدراته وطورها انما أنت مش فاضى بدك تكمل صياح..!
ممكن تكون أنت فعلاً بتعمل اللى عليك ومش بتوفقك فى اى حاجه اه هنا بقا نقف وقفه جامدة كده وتشوف نفسك مقصر فى اى من دول وتجرى تعمله.
- لو حسيت بعدم توفيق او مفيش حاجه بتعملها بتكون كويسه راجع نفسك كده وشوف اى الحق اللى عليك على الله سبحانه وتعالى وأنت مقصر فية زى :
تأجيل الصلاه، مش بتقرأ قرآن، مش بتذكر الله كل ده من أسباب سلب التوفيق زى ما ربنا سبحانه وتعالى قال :
"وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا " مقصر في دول تجرى جرى تصلحهم تفرش سجاده الصلاه وتسجد لله كده وخرج كل اللى جواك وهتحس بعدها بفرق كبير كبير جداً.
- مش معنى ان في حاجه بتسغلك انك تنسى العبادة وتحط لنفسك حجج فاضيه ملهاش لازمه ربنا بيقول أى
" وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ".
والعبادة هنا مش معناها انك تعتكف سؤاء في صلاه بس أو قراءه قرآن بس لا العمل عبادة سعيك على هدفك عبادة، اه كل دى عبادات أنت مش واخد بالك منها فـ أخلص النيه عشان تلاقى شئ يجعلك تعجز عن وصف فرحه قلبُك ".
اما النقطه اللى قبل الأخيرة :
لما تلاقى حاجه صعبه عليك وأنت مش قادر عليها مش تفضل تصيح لصاحبك او تصيحى لصحبتك اوعى اى حد مين من كان
لااااااااا تحتها مليون خط أرجع لربك وأشكيله وحاشاهُ أن يردك خائباً وانت ملئ باليقين به أنت بتتكلم ازاي .
والله ما خاب احداً رفع يدة للسماء وقال يارب فردة الله خائباً
الا يكفيك : " وَلَسَوْفَ يُعْطِيكَ رَبُّكَ فَتَرْضَى "
ألا تكفيك: "وَنَحْنُ أَقْرَبُ إِلَيْهِ مِنْ حَبْلِ الْوَرِيدِ"
ألا تكفيك : " هُوَ عَلَيَّ هَيِّنٌ ".
ألا تكفيك : " إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ ".
أنت بتتكلم أزاى!!.
أنت لو بتتدبر الأيات دى وغيرها كتير توقن كل اليقين انه ربنا ديما جمبك، ربنا احن علينا من أمهاتنا، إن الله يغار على قلوب عباده، وخليك فاكر طول مانت بعيد عن ربك عمر ما فى حاجه بتعملها هتم لانه بيحط قدامك عقبات ويخلى الكل يتخلى عنك عشان ترجعله مكسور فتقوله يارب فيرد لبيك عبدى ".
تخيل رحمه الله ازاى فوق ما تتخيل علشان كده احرص إن يكون بابُك مع اللهِ دائماً عامر بالذكر والتسبيح..
اما النقطه الأخيرة :
كل الضغوط اللى بتمر على الانسان بتبين ليه كم انه انسان اقوى أو ضعيف فمنحكمش على نفسنا من البدايات العبرة بالخواتيم، بمن وصل لا بمن سبق وشئ طبيعى اننا نحس بحاجات صعبة أو غيرة، دة الطبيعى بس ربنا بيقول ايه بقا " إِنَّا كُلَّ شَيْءٍ خَلَقْنَاهُ بِقَدَرٍ " اه يعني ربنا عمره ما هيحملك حاجه انت مش قادر عليها إن الله لا يكلف اقوى معاركهِ إلا لاقوى جنودة صدقنى يا صديقي الم التعب بيروح بفرحه النجاج وألم الندم قاتِل كلها أيام وتنهى مرحله وتبدأ مرحله تانيه، فـ عاااش كمل يابطل أقتربت من تحقيق هدفك ".
┏━━━ ━━┓
彡 @You_Can21
┗━━━ ━━
390 viewsedited 12:17
![لوگوی کانال تلگرام biology_for_you — الاحياء عالمى الممتع[الصف الثالث الثانوي]](https://logos.telegram-store.com/channels/biology-for-you/telegram_logo.jpg){kind=logo}
ا
