#روايات و#قصص #عراقيه #واقعيه

2023-07-22 21:19:05 أكتملت الروايه ،إن شا الله تنال إعجابكم ، شكراً  لوجودكم في القناة   فدوة اشتركوا بالارشيف   @bn_kck #غير_مبري_الذمة_الي_ينشر_بدون_علم_الادارة باز کردن / نظر دهید

2023-07-22 21:18:41 وهسه اعوف القلم لحبيبة گلبي روشان ،،
.
.
ومثل ما وعدتكم راح نطلع من بيت ال حمدان ونسد عليهم الباب واحنا متطمنين وفرحانين بالسعادة الي حصلو عليها بعد كل التعب والهم الي عاشو بي ،
151
احب اشكر كل شخص دعمني بهالمشوار واولهم انتو متابعيني لولا فضلكم من بعد رب العالمين جان ما نجحت القصة واتمنى تنجح بعد اكثر وتاخذ استحقاقها بجهودكم يا احلى اهل واحباب
36
وما انسى خواتي وبنات عمي الي ساندوني بكل كلمة حلوة
والشخص الي صمملي غلاف القصة وكان الداعم الاول الي بكتابة هالقصة
12
مراح اكلكم راح اشتاقلكم لان اني وياكم باقيه وحتى بطلات قصتنا
باقين سوى عائلة وحدة وراح ارجعلكم بأسرع وقت اخذكم من ايدكم وندخل لبيت ثاني و رواية ثانية نعيش وياهم كل لحظة بحياتهم بحلوها وبمرها ،،،
51
اتمنى تبقون بظهري واحصل دعمكم الحلو وان شاء الله ما بيوم اخيب ضنكم بيه وان شاءالله ما بيوم اكون ضوجتكم او قصرت وياكم بشي ،

احبكم يا احلى ورود
روشان

النهاية باز کردن / نظر دهید

2023-07-22 21:18:40 من هذال وجواد وولد عمي سلام وسيف وحتى بشار جان ينزل من دوامه يروح وياهم للمظاهرات ،
جانت مظاهرات سلمية والكل شارك بيها ،لحد ما صار الكتل بيها بالجملة
واشتعلت گلوبنا خوف على ولدنا وكل شباب العراق ،
رغم ولدنا ولا واحد بيهم محتاج وكل واحد بيهم عنده وظيفته وشغله وخير من الله بس جيب رجال الي يوكف بوجهم ويكلهم لا تطلعون حتى ياكلو ويشربو بمكانه ،
129
واني من الناس كلبي يشتعل لحد ما يرجع هذال كل يوم تالي الليل ومرات يبات هناك على واهسهم ويخليني اموت بكل لحظة وابقى وياه عالخط
الصوت مال رمي يوصل يمي وهو يضحك ويكلي ماكو شي
اصعب ايام مرت علينا
وغيث اتصاوب بطلقة بجتفه وهم ما جازو حتى لو عدهم مشاغل هم يكملون شغلهم ويرحون حتى لو كل جم يوم يرحولهم چم ساعة ويردون
المهم يشاركون
واحنا من البيت كل جم يوم ونلتم احنا وجناين عمو سلام وسرى وعمه جنات
نسوي لفات ونحضرلهم بباكيتات وهم ياخذون وياهم
وليل نهار دعواتنا ما توكف لشبابنا وابطالنا الغيارى
وان شاء الله ربي ينصرهم وميضيع حق كل شهيد وكع بهالمجزرة،،
43
مشت الشهور وبشهر ال١٢ حللت وطلعت حامل ،ما اوصفلكم الفرحة واللهفة الحسيت بيها ،وعيون هذال الي دمعت اول ما سمع الخبر
وجان وحامي صعب
عمة فردوس تكول مثل امي الله يرحمها ،وهو حاير بيه ،نفسي كامت تلعب من كلشي وهو يخاف يكول بس لا نفسج تلعب مني هم
واني مجلبه بحضنه واضحك لان صدك روحي بحضنه وريحته وابد ما لعبت نفسي اصلا اتنسيت بريحته ،
وهو يروح للمكتب ويرجع يسأل بيه شنو مشتهية شنو اجيبلج
7
بوكتها اشتهيت اكله وحده وثبرته بيها والي هي
الحامض حلو البرتقالي ابو الفوار ،اي عفية هذا الي اجه ببالكم مال ايام زمان ههههه
94
وهو حار ما خله محل ولا سوبر ماركت الا ودور بي وتالي راح لبغداد لسوك الشورجة وهناك لكة منه
رغم المظاهرات والوضع واني مخليته يروح بس صدمني من طلع رايح بدون علمي ،وجابلي منه
وكلما اكعد يمه يلزم بطني ويكول ها ارتاح وليدي ،،
واني اضحك على سوالفه
4
حوراء مرت جواد ورايه بشهرين حبلت ،
وهسه اني بشهر السابع وهي بنهاية الرابع ،وسويت سونار وطلع بيه ولد ويارب يرزق كل محروم الفرحة الاني حاسه بيها
46
ربي عوضني بهذال عن كل التعب والاذية الي عشتهن بحياتي ،هو اهلي وهو سندي وضهري وفرحتي وحلمي الماريد اصحى منه ،
26
روشان حبيبتي واختي الما عافتني ابد من اول علاقتي وصداقتي وياها من ٢٠١٨ وبوقتها جنت ببيت بابا برهان وجاي اتكله واتعذب على هذال وردتها تكتب قصتي من جنت اقره واتابع وياها قصة ابتزاز اودى بحياتي وشلون خلتني اعيش كل فرحة وكل دمعة ويا ابطال القصة ،،
2
ورحت حجيتلها قصتي بس رفضت تنزلها لان جانت متوقفه عن الكتابة ورغم هذا بقينا اني وياها صديقات وخوات
وكل شي جان يصير ويايه جنت احجي الها من نسولف بين فتره والثانية ،واي نصيحة احتاجها اروحلها ركض ،
وجنت احجي لسرى دايما عنها لحد ما عرفت بيها تريد ترجع تكتب وكالتلي اكتب قصتج
وبنفس الوقت طلبت مني اقنع سرى وعمة فردوس حتى تكتب قصة امي وابوية واحداث الماضي الصارت قبل ،
3
وقنعت عمة بصعوبه وبعد ما سرى دخلت عالخط وحصرناها وقنعناها كل وحده من جهه من اجت وباتت يمنا وسرى هم باتت وياها بيومها سهرنا سوى للصبح بغرفتي القديمة وبالشافعات قنعت هذال بعدما نومته مثل الطفل واتسحبت منه ورحت يمهن
،وقبلت عمة وحاليا اني وسرى نتابع التعليقات وندزلها وهي تقرا البارتات الي ندزهن الها عالواتساب لان متعرف هواي بالتلفون وبالكوة علمناها عالواتساب ،،
69
ماعرف شلون اشكر واوفي حق كل حرف كتبته اختي وحبيبتي روشان وطبعاً هااا!! ترى اسمها مو روشان عود هي بعدين تكلكم عليه هههه،
21
خلتني اعيش احداث وحب وتضحيات امي وابويه وكأنما فلم وعرض سينمائي وجاي ينعرض كدامي ،
ما اكدر اوصفلكم كميه الدموع والحسرة الجنت اعيش بيهن ويا كل بارت بالبداية ،
بس اني اسعد انسانه لان كدرت اخليكم تترحمون لاهلي بكل يوم وكل ما يمرون ببالكم ،
وسعيدة لان كدرت ادخل لگلوبكم واكسب محبتكم الي اني وعمة وسراوي الي تدزلكم اطيب واحر التحيات
وتكلكم عوفو بشبش وهلهولته ترى راح تطك من غيرتها ههههه،
ولهنا راح تنتهي قصتنا وياكم واريد منكم على كد محبتكم النا تدعولنا الله يديم علينا هالسعادة ،
وتدعولي اكوم بالسلامة بعز هالوضع المأسوي وان شاء الله ربي يزيل هالغمة عن هذه الامة ويجي يوم ونخلص من كورونا بفضل الله ودعاء الناس الطيبة،
92
احبكم وماراح انسى كل كلمة حلوة منكم ولا بيوم انسى محبتكم الي ،
واني وياكم موجودة بالكروب وبالوتباد ومتابعه كل كلامكم اني وسرى
وهمات وياكم راح اتابع كل قصة تنزلها المبدعة روشان
91
حتى لو يبقى هذال يرزل بيه علمود عيوني لان يدري بيه اقرة قصص بس ميعرف اني منزله قصة حبنا وكفاحنا بهالدنيا ، باز کردن / نظر دهید

2023-07-22 21:18:40 46
جيلان: والله عمة عليج سوالف هههه
اخذتني ورحنا للصالة اتغدينا كلنا سوى و وره الغده غسلنا المواعين ورحنا لبيتنا
اول ما دخلت بي دمعتي نزلت وهذال لازم ايدي،بقيت افتر بي واتذكر كل ذكرى الي ويا بابا هنا جان يقريني هنا جان يكعدني يمه من يسوي العشى
هنا يحضني ويكلي شوكت سنونج يطلعن
اتذكره ودموعي كامت تجري واشهك بقوة
حضني هذال وبقى يهون عليه وعمة ويانا تكله عوفها خل يبرد كلبها
بقيت ابجي لحد ما ارتاحيت من صدك ،
وبديت اطلع بالغراض جانت الملابس كلها موزعيها
من وكت وفاته
بس باقيات غراض من غراض ماما
قراصاتها والفيكات الجانت تحطهن بشعرها يخبلن
صورهم سوى وصورها مال كليه الجانت تنطيها لبابا وهو تارسها شعر ليوره
اقره كلمه كلمة ودموعي تنزل واني مبتسمه
92

ورحعت اكمل باقي الغراض من بين غراضها جانت اكو كم قطعه ذهب نازكات
كلاده على تراجي وسوار كلش جذبني
جرته عمه من ايدي وحجت بقهر
4
فردوس: هذا جابه الها بيوم ال...غصبت ورجعت كملت
بيوم الماتت بي ،سوده عليه ما لحكت تلبسه
15
جيلان : هي كالت هيج واني ما اتحملت بعد طكيت بجي وبقيت حاضنه غراضهم وصورهم وراحت روحي من البجي والدموع وهذال روحه فرفحت عليه
وعمة تكله عوفها لتكلها اسكتي
جرني بحضنه بدون ميحجي شي لحد ما من التعب غفيت بحضنه
حسيت وكعدت من نومتي شفت روحي نايمه عالجرباية مال بابا وهذال حاضني
كعدت وكعد ويايه يباوعلي بخوف
15
هذال: لو ادري هيج يصير بيج چا ما جبتج والله
جيلان: جريت ايده وبستها
فدوه اروحلك حبيبي اصلا احسن شي سويته من جيتني ،
لتخاف مابيه شي والله
لعد وين عمة؟!
هذال: راحت تسوي عشى
جيلان: ليش ساعة بيش هسه؟!
هذال: ياابووويه وج غير شبعتي نوم انتي ،الساعة ٨ هسة
جيلان: عززة هاي من العصر اني نايمه!! شراح ينومني بليل
باوعلي بابتسامه ومد ايده لخدي اتلمسه بهدوء وخله شعري ورى اذني وكال
هذال: ما تنامين اليوم نسهر للصبح ،،اصلاً من وراج حنبات هنا
جيلان: ابتسمت وبسته من خده ،احس بأمان الدنيا كلها واني اباوع بعينه ،
رجعنا اني وياه كملنا الغراض ولميت ذكرياتهم بجنطة جبيرة حتى اخذها ويايه ،
ورحنا اتعشينا يم عمة فردوس ورجعنا اني وياه بتنا ببيت بابا
وثاني يوم عمو مروان كال اني اعرف جمعية هي توزع غراض للناس المحتاجة
والغراض جانن كلهن نظاف لان لا مستعملات هوايه ولا لايحهن مي ولا تعب
عالاقل الناس تستفاد منهن
واتفق وياهم واجتي سياره اخذت الغراض
جانت غرفة نوم كامله صاج
وغراض مطبخ كاملة وزوالي وتلفزيونات ثنين LG
صح راح موديلهن بس اكو ناس تتحسر عليهن وراح يستفادون منهن
وبعد كومه غراض هم
فرغ البيت وهذال كال ارتبه من جديد واخلي بي اثاث يفيدنا من نجي لبغداد ،
19
بيومها طلعنا اني وياه للمول وتعشينا بالمطعم واتونسا حيل راد ينسيني القهر مال بارحة
كملنا ونسة ورجعنا لبيت جدي ب١ بليل وصلنا مثل الحرامية دخلنا واحنا نتسحب ونضحك ،،
مشت ايامنا بفضل الله بسعادة والحمد لله خلصانين من هم فلك وكل طاريها ،هي ورقة سودة بحياتنا وحركناها للابد
والي عرفناه بس مسرة بعدها تروح وترجع عليها وهم حبلانه هي مسرة رغم صارلها هواي من اتزوجت بس هسه يلا صار عدها حمل ،،
قبل فترة عرفت من عمة فردوس حيدر راجع لاهله بعد توسلات عمة فردوس بعمي سلام حتى يرجعه ،وحالف الهم عالقرآن ان هو تارك الشرب وحتى شغله ويا جماعته تاركه وعمي علمود هالشي قابل يحجي وياه وراجع يجيهم كل فترة بس بيته وعيشته وشغله بعدهن ببغداد ،
ولحد الان ما يقبل يتزوج وكايل لعمة فردوس ماراح اتزوج ابد وهيج مرتاح ،
38
سرى وبشار حياتهم حلوة وهادية ومليانه حب وفرحة وشموسة محلية حياتهم وايامهم كلها ،
خاصة بشار انقل لمحافظتنا وصار دوامه قريب على بيتهم وهذا الشي مريح سرى حيل ،
وعلاقتي بيها ابد ما غيرها لا زواج ولا مسؤوليات بقينا خوات وصديقات وروح وحدة ،
واذا مو كل يوم نتخابر منرتاح حتى هذال يغار منها ،،
25
وعمة فردوس فدوة لكلبها الحنينة الطيبة الما عافتني ابد ،الحمد لله مرتاحة ويا عايلتها الحلوة وحايرة بجهالها ودوامهم ،وتجينا بالعطل لو كل كم اسبوع تجي جمعة وسبت وترجع،،
9
ورا شهرين وصرنا بشهر السابع واني ما صار عندي حمل اتوسلت بهذال حتى اروح للدكتورة وما قبل ،كال الا تفوت سنه يلا اوديج ماريد تتعبين من الادوية بدون سبب
واني هم اريد اشبع منح ماريد جاهل هسه ياخذج مني ،،
واقترح عليه وكال راح اقدملج حتى تمتحنين خارجي بيومها طرت من الفرحة
وصدك جابلي كتب وملازم مال سادس وبديت اقرة بيهم وهو يقريني وحتى امتحانات يمتنحني وجان التقديم عالامتحانات الخارجية بشهر ال١١ ،
5
بس اجه شهر العاشر واشتعلت كل محافظات العراق بالمظاهرات واحنا من الناس ولدنا كظوها هناك باز کردن / نظر دهید

2023-07-22 21:18:40   تصفح

جرب البريميوم
تسجيل الدخول سجّل اشتراكك

صغيرة ال حمدان
من قبل roshan9797




الجزء الثاني من البارت الاخير
96.4K 8.4K 3.1K

بواسطة roshan9797
(صغيرة ال حمدان)
للكاتبة روشان
البارت الاخير
(بعدني ممعدلة البارت )
جيلان: بقيت صافنة عليه باستغراب وهي ردت
فردوس: يا يممه هلا وكل الهلا غيرالبيت ينور بيكم،،باجر من الغبشة اكعد وانتظركم ،كولو شعاجبكم اسويلكم غدة
هذال: اي والله اريد مقلوبة من ايدج الحلوة
17
جيلان: كرصته على كيف وحجيت
عمة اي شي من ايدج يخبل لتكلفين روحج ،
هذال: معليج منها فردوس والله اموتج اذا ماكو مقلوبة ،،
3
جيلان: متنا ضحك عليه هو وياها مثل الرويسيه ،وبقيت اني مصدومه منين طلعت هالروحه المفاجئة،
لحد ما راحو كلمن لبيته وصعدت وراه للغرفة
جان طالع من الحمام
وجاي يلبس التيشيرت اخذته من ايده وشمرته ،
باوعلي رافع حاجبه وحجى بابتسامه خبيثه
3
هذال: ها بدت الحرشة !!
4
جيلان: هههه لا والله مو حرشه بس انت مو تستحر بعد شكو لابسه
هذال: امممم بس هييج!!
جيلان: ضحكت بصوت عالي وهو سد حلكي بسرعه
هذال: وج فضحتينا .على كيفج اشتعلووو،
شو تعاي اكلج
جيلان: حجاها وجرني بحضنه وشمر الشال الجان واكع من راسي وملفوف على ركبتي
شاله وشمره عالجربايه يم التيشيرت مالته
هذال: باعي مو بس انتي تشمرين
جيلان: دفعته من صدره ،،اوكف اوكف الله عليك بعدين اجيك بس كلي هسه منين طلعت بسالفه الروحة لبغداد
بقى ساكت ويباوع بعيني شويه وكال
هذال: ارد اخذج لبيت ابوج ،حتى تصفين الغراض براحتج كافي صارلهن سنين بالبيت
عالاقل هسه انتي ترحين تاخذين الي تحتاجي ذكرى منهن وننطي الباقي للناس المحتاجة ثواب على روح امج وابوج
27
جيلان: نزلت دمعتي ،يعني راح اروح للبيت الجنت بي ويا بابا حبيبي
صار سنين اتمنى اروحله بس اخاف افوته وحدي حاله حال المقبرة
ومن تزوجنا ما صارت فرصة اكله عليه
وهسه هو هم صدمني بهالخبر ،شاف دمعتي نزلت وكال
هذال: ها ها نبطل ؟!!
جيلان: لا فدوه اريد اروح ،بس صدك الغراض خاف تعبانه صارله سنين متروك
هذال: كلشي ما بي انا مخلي المفتاح يم مروان من زمان جان كل فتره يجيب حرمة وتنظفه ومن اتزوجت فردوس هي كامت تنظفه وتعتني بي كل فترة،
جيلان: لعد ليش اني ما ادري ؟!!
هذال: معليج انتي يجيج الصافي ،بس دتعاي وياي خل اكلج سالفه ،
جيلان: جريت روحي منه واني اضحك
مو كتلك اوكف والله اني اكمل واجيك عندي شغله ،،
سحبت روحي منه بالكوة اخذت ملابسي ورحت سبحت وحتى المكياج اخذته ويايه بسكوت للحمام

ادري بي يتخبل من المكياج بس طلع من غيرته يكرهه ميريد احد يشوفني بي
بس يمه لا عادي ميحجي ولا يفك حلكة
سبحت وجهزت روحي وضربت المكياج الفول ،ورحتله بقى مصدوم ،ويلع ريك ،وكال
هذال: ترى انا بدون ذن كلهن مشتعل بيج هالنوب هسه ؟!!
تردين تموتين وما تعرفين شلون ،.
11
جيلان: حجاها وجرني لحضنه .....
ثاني يوم من الصبح اتريكنا وطلعنا لبغداد ،جنا بشهر الخامس نهايته ،
6
وصلنا لبيت عمة واتلكونا هي وعمو مروان وبيبي ام مروان وولد عمو مروان خطيه رايحين لبيت عمتهم يستحون من عدنا وحتى اني اخذ راحتي
لان صايرين زلم ما شاء الله الجبير مالتهم يداوم كلية،،
42
التهيت ويا عمة وزينب هم صايره مرة وتركض ويا عمة فردوس منا ومنا وكله تصيحلها ماما ،،
صافنه على عمة شكد حلوة حياتها ويا عمو ومنظمة البيت عالحب والاحترام والترتيب بكلشي ،هي بطبعها هادية حيل وخاصة بتعاملها ويا عمو مروان
وشايلته هو وامه وجهاله بالصلوات وهم راديلها تعبها بكل حب واحترام
واكفه يمها نصب الغدة وحجيت
جيلان: عمة هم يحنون لامهم وهم عدهم هيج ام مثلج ،؟!
فردوس: ههههه والله مايقبلون يرحون ولا يباتون يمها يكولون ما نرتاح ولا نحب ناكل الا من ايدج ،
جيلان : حقهم والله
هسه انتي تطبين الجنة من اوسع باب من ورانا كومة جعويط(جهال) ربيتي وداريتي
من جواد وسرى واني واخرتها جهال عمو مروان ،،
54
فردوس: انطيكم روحي والله مو بس اربي واداري ،
جيلان: جنت واكفة بصفها ،جريتها من راسها وبستها حيل
الله يخليج النه عمة ،،
4
فردوس: ويخليكم الي ويفرحني بيكم دايماً ،يلا امشينا وهاي المقلوبه مال رجلج ابو كرش خل احطها كباله
جيلان: حرام عليج عمة منيله كرش هههه، شو ياكل وماعرف وين يروح الاكل
18
فردوس: اي كله يصرفه بخباله واعصابه النار ،،لا تزعلين عمي مو ابو كرش
مو كرش عمج مروان مأثر علي
جيلان: ههههههه بهاي صدكتي ،صوجج اذا انتي تجيبين وتنفخين بي اتلاحكيله قبل لا يسمن كله ،
فردوس: اسكتي وخليها غير جاي اخلي يوميه يطلع يركض يم ابو نؤاس وولده هم وياه مسويله واهس
لو ما الركض چا من زمان شفتي مثل هذا الدب الي مطلع صرته بالكارتون ماعرف اسمه باز کردن / نظر دهید

2023-07-22 21:16:36 اتغدينا سوى
وره الغدة جاي نشرب الجاي وجواد كاعد مقابيلنا يباوع لهذال ويغمزلة
87
صاح هذال
هذال: شكووو شبيك اليوم بس تتغمز
باوعلي رافع تك حاجب بخباثة ،
جواد: اليوم ما رايح للمكتب لييييش؟
108
هذال:بكيييفي مزاجي هيج اليوم انت شعلييك؟! عم وليد خال بنية ؟؟
جواد: اي يبعد اخوووك مزاجك وردي اليوم ،حرمتك وكاعده بصفك وراح وجه الجينكو الجنت ماده علينا صارلك شهر
56
هذال: چا وانت حرمتك كاعدة بالسطح ؟
مو هياتها يمك شكو تغار منا هيج
2
جواد: ولكم انا اغار منكم ؟! !! اي ادري على شنو اغار هو انت شايب ومرتك ام دميعة كلها عطلات ويوميه متخربطة
65
جيلان. هو يحجي واحنا خربانين ضحك ومرته بصفحه تكرص بي وتحاجي على كيف تكله كافي ،
رد عليه هذال ببرود وضحكة
هذال: عمي احنا ثنينا سكراب مالك دخل انت ،،
جيلان: بقينا نضحك على مداهرهم ،للعصر خابرت سرى واتخبلت من سمعت صوتي لان جانت خطيه كلما تجينا بالكوة احاجيها وابد ممخابرتها
كالت هسه نجيكم
واجتي هي وبشار وعمتي وبقو لليل وخوش التمينا لمة
وبيت عمو سلام هم اجوي وسوينا العشى واتعشينا سوى وجناين عمي ويانه خطية ابد ما كعدن ،
واني حايره ببت سرى مسميها شمس ،وهي تخبل مثل اللعابه والخدود تارسات وجها ماخذه ملامح ابوها وعيون امها من هسه تنحب وهي عمرها شهر ،
22
عرفت من سرى مرت ناصر جايبة ولد قبل ولادة سرى بكم يوم
وسرى كالت
سرى: وج صاير خوش ادمي وحتى مرته تخابرني دايماً وتحمد بي وتكول كاتل روحه يريد يصالح اخوانه ،
جيلان : رديتلها بتوتر
سرى ترى والله اني معليه خاف عبالج اني مانعة هذال
بالعكس اصلاً هو هذال ولا يوم جاب طاري او اسمه ابد
سرى: وج انتي مخبلة منو حط الصوج بيج ،وانتي شلج دخل
انا اكول الله يهديهم هم ويحلوها بيناتهم
جيلان: امين ان شاء الله ،،كملنا تعلولة سوى وخابرنه عمة فردوس كاميرا وبقت تسولف وتضحك ويانا
ومن بين الحجي هذال كال
هذال : فردوسة حضريلنا غدة باجر احنا يمج انا وجيلان،
.
.
التكملة بالبارت الجاي باز کردن / نظر دهید

2023-07-22 21:16:36 جيلان: باوعت بعينه بأستغراب وكلت
ليش خايف ؟!!
هذال: مو الاسد الي داخلي صارلة شهر محبوس ،اذا فكيت عنه الاسر هسه اخافن ياكلج ،،
35
جيلان: ضحكت بصوت واني لازمه وجهه وهو نص جسمه فوك جسمي
وكلت
اروحن فدوه للاسد مالتي ،،
4
هذال: اااخ يابويه هالنوب تحجي مثلي،، اليوم الدنيا كلها متخلصج مني ،
جيلان: حجاها وباسني من شفتي بلهفه واني قابلته بشكو لهفة بداخلي وحاوطت ايدي على رگبته وهو يتفنن بتعبيره عن كل لحظة اشتياق وحب عاشها واني بعيده عنه
جان لقاء مليان بنار الحب والهفة خلانه نصير روح وحده وجسد واحد ..
لحد ما كمل وهو كلساع بايسني من راسي ورجعني بحضنه وضهري على صدره
ودفو جسمه تارسني ترس رغم بروده الغرفة
حجيت واني مجلبه بيده الحاضنتني
4
هذال طفي السبلت حباب الغرفة صارت ثلج
هذال: حضني دافي لو لا ؟!
جيلان: رديتله بضحكة
ايييي يخبببل ،،
هذال: چا دسكتي ومعليج من الغرفة هسه انا ادفيج ،
جيلان: حجاها ورجع جرني لجسمه بقوه ،جريت ايده وخليتها على شفتي وكمت ابوس بيها بهدوء
ورجعت خليها جوه خدي غفيت وهو وهم نام ،
حسينا على دكة الباب وهو فز بسرعة وصاح
هذال: لحظظظة
جيلان: كعدت اتمصر وبالكوه فتحت عيوني ،جريت ملابسي بسرعة لبستهن وهو هم ،
حجيت والنوم بعيوني
شبيييك حبيبي فززتني ؟!
هذال: وچ الباب اندكت هاي وحده من البنات لو ما اصيح جان جفتت وره الدكة عبالهم وحدج وانا ناسي اقفل الباب ،،
جان انشهرنا وعليي،
51
جيلان: هههههه بس ميخالف الغطى ساتر علينه ،،
اني كملت ورجع اتقرب يمي جنت كاعده بنص الجربايه وهو كعد يمي وكال بهدوء
1
هذال: وين رايحه ؟! انا ما شبعت منج بعد وحتى للشغل ما اروح اليوم
جيلان: مديت ايدي للحيته اتلمستها وحجيت بابتسامة واني اميل براسي
يمك اني ما اروح لمكان ،،
هذال:اووف بويه ،وچ انا شبيه وياج اتخبل ولا چن جنت متزوج وواصل مرة غيرج
47
جيلان: هو كال هالكلمة واني انصرعت خزرته وصرخت بدون ماحس بروحي وكلت
انججججججب
وهو من الصدمة بقى فاك عينه وحلكة سوى ورجع بسرعة خزرني وسد حلكي بقوة ودفعني للجربايه صار راسي عالمخدة وهو فوكايه
110
هذال: وچ هاي علييييمن ؟!!!!
جيلان: بقيت اباوع بعينه وعيوني غوركت ،وهو وخر ايده من شفتي بهدوء ،وحجيت برجفه
لتجييييب طاريها ابببد كدامييي ،وتخليني افقد
هذال: جنت حاصر الضحكة بكلبي بالكوة رغم اتجاوزت علي بس غيرتها تخبل ورغم هذا سويت نفسي عصبي عليها
بس انا الفقدت من شفت عيونها شلون كامت تلمع من الدمعة ،
حجيت بهدوء وانا مخلي شفايفي يم خدها
20
لا تعيديها بعد ...
جيلان: هزيت راسي بهدوء يم راسه وكلت
ايي،،وانت لتعيد هالطاري يمي بعد ترى افقد والله وماعرف شيطلع منييي،
حجيتها بنتره وهو كام يبوس بخدي ونزل لركبتي عضني حيل وكال
8
غزالتي صايره تهدد وطالعة عينها على اسدها ،،
6
جيلان: رديت بضحكة ،،
ايييي خوفك من الغزالة لو انتفضت ،
هذال: وانا اسد شيباته تارسه راسه مو حمل انتفاضاتج ،
17
جيلان: حضنته حيل وبسته من خده ودفعته
يلا كوم ترى جعت اني ،صارلي شهر ما حاسه بهيج جوع ،
هذال: انعل ابو الجوع اليوم اوكلج المطبخ كله
يلا امشي
خل اروح اجيب هدومي من غرفة المطلقة الشامرتني بيها
الله عالظالم وچ بهذلتي احوالي ،،
جيلان:رديتله بدلع
ميخالف حبيبي حتى تشتاقلي اكثر
هذال: مبين ما حسيتي بالشوگ كبل شويه ،،بعدين احسسج بي
جيلان: حجاها وغمزلي وطلع راح سبح ورجع مشط واتعطر وباسني ونزل جوه جانت ساعه ١١ الصبح ،ورحت اني هم سبحت ونزلت
جانو عمي بالشغل وجواد بدوامه والبنات وماما وبيبي مكملين ريوك من زمان رحت بوست بيبي الصارلي كومه مشايفتها والبنات مكيفات برجعتي يمهن
لان جنت عازله روحي فوك ولو ما هو جان بقيت هيج بقوقعه الخوف والحزن الجنت بيها ،،
وكفت اسويلنا ريوك النا واجتني حوراء بسرعه
حوراء: وچ هاي شوكت رد هذال للغرفة ،،شدعي عليكم ردت اتفشل لو ما اسمع حسه جان بقيت افتح بكيلون الباب مثل الخبله
لان عبالي وحيدج
جيلان: هههه اصلا لو بس دايسته الكيلون بيدج جان لكيتي روحج بنص الغرفة لان الباب جانت ما مقفوله
حوراء: عزه بعيني ولج لا تكوليله هاي اني عيب افشل منه
جيلان: ههههه هو عباله لو انتي لو حنان ،
حوراء : اي خليه شاك احسن ،وچ اليوم جواد يسويلكم حفلة بس يسمع بهذال راد للغرفة يمج ،،
جيلان: حتى اموتتتته شعليه هو شلون راح يشهرنه هالولد بسوالفه ،
ولج بشرفج انتي سكتيه ترى يبقى يبسمر بهذال ليروح يحطه ويهطره ترى معليه اني ،
حوراء: لا عيني كلشي ولا رجلي الا احبسه بالغرفة لحد ما ينسى سالفتكم
جيلان: ايييي عفية ههههه
كملت ريوك واتريكنا اني وياه والضحكة تارسة حلوكنا
للضهر اجه عمي وجواد خطية حيل فرحو من شافوني نازله جوه باز کردن / نظر دهید

2023-07-22 21:16:36 ونومتها صفح مخليه صفحتها اليسرى عالفراش وايدها اليمنى جوة مخدتها ،
كلبي رجف من شفتها واحس روحي ركضت عليها ،،
طفيت الضوى وصارت الغرفة ما ينشاف منها شي ،
واتجهت ببطئ وصلت يم الجربايه
ومددت بصفها وحاوطت ايدي على خصرها ودفعنت راسي بين ركبتها وشعرها
جانت الغرفة باردة حيل وهي جسمها ثلج ،،
من وجع گلبي وشوقي الها حجيت بصوت مكتوم يم اذنها وكلت ،
رايد ارجع لاحلامج وترجع ايديج تلتف على ايدي واسمع ضحكتج ونبره صوتج من تگولين بنومج
شلون حلم حلو ،،
خليني افوت لاحلامج غزالتي ،هذا انا رويحتج الجنتي تجلبين بحضنه
احاجيها واجر انفاسي من ركبتها الي صارت نار ويا دفو جسمي وجمدت وانا اسمع حسها من كالت بهدوء
جيلان : بس اني ما ضايكه النوم حتى احلم ...
10
شكد جنت تعبانه والدنيا مسودة بعيني وحتى الهوى كارهته
بس جانت روحي تلوب عليه وعلى حضنه كل هالفترة الفاتت
وبنفس الوكت جنت اخاف ،اخاف اتقرب منه واني تعبانه هيج
خفت اخلي يكرهني بتصرفاتي الغريبة الي حتى اني ما عرفت روحي بيهن
خفت اشوف امه بعيونه خفت ااذي واحركه ويا روحي المحتركة
بس من حسيت بدخلته للغرفه وقربه مني وصوته الي خلاني اهتز وانتهي بيده
ما اتحملت بعد
رديتله واني الرجفة تارسه صوتي وحسيت انفاسه الدافية وكفت بلحظة
رجعت حجيت ودمعتي نزلت وخليت ايدي الثنين فوك ايده الجانت على بطني ،وكلت
4
تعبااانه هذال والله تعبانه وخايفه حيييل
هذال: اموته للخوف يا عيون هذال والله اموته لو وصل يمج
شلون تخافين وانا هنا ،انتي بس ردي لحضني وانا انسيج كل وجع وكل خوف جاس طرف من ذيالج بس ردي لگلبي وج ما اشتاگيتي تسمعين دكاته ؟!،،
8
جيلان: حجاها بصوت تعبان وهو يبوس بركبتي ،
جريت نفس وانداريت بسرعه صار وجهي بوجهه بالظلمة،وايدي حاوطته بكل لهفه
نزلت راسي لصدره واني حاضنته وهو حاضني بقوة اكبر
وحسيت روحي من صدك جاي ادور على دكه گلبه ورجعت مثل المخبله اشم بريحته من التيشيرت ،واحس بروحي ما جاي اشبع
دموعي تجري وهو يبوس براسي بلهفه وانفاسه سريعه
حجيت من بين دموعي والشهكة تارسه انفاسي،،
واني لازمه التيشيرت مالته وكلت
انزعه،،
وخر مني بسرعة بدون اي كلمه ونزعه ورجع جرني لصدره
جان يدري بيه احب احضنه وانام على صدره واتنفس عطره بدون ما يلبس تيشيرت
حجى بتعب وانفاسه تعبانه
143
هذال: هسس كافي دموع لا تموتيني عليييج،
جيلان:بقينا هيج واحد مقابيل الثاني ومتحاضنين بلهفه لحد ما هدئت روحي بيده ووكفت دموعي وحسيت براحة متنوصف واني بحضنه
وبقيت الوم بروحي شلون جنت حارمه نفسي منه كل ذيج الايام ،،
10
هذال: ردت لحضني وردتلي كل شي حلو بهالدنيا جاي احس احساس مثل اول يوم زواجنا من بقيت للصبح صافن عليها
وهسه همات غفت بحضني مديت ايدي بهدوء جريت الغطى وغطيتنا بي
وغفيت وياها ،للصبح حسيت بالضوه تارس الغرفة لان البردة خفيفه واول ما يطلع الضوه يصير كله بالغرفة
بقيت صافن بوجها بابتسامة وراحة باوعت للساعه ب٦ ونص
دزيت رسالة لصاحبي الي وياي بالمكتب وكلتله ما اجي اليوم
ذبيت التلفون ورجعت صافن عليها واتلمس بوجها وملامحه الجانت هاديه حيل
مشت اصابعي من كصتها للجانب يم عينها لخدها ورجعت اتلمس شفايفها بابهامي وهي بدت تفتح الشمس الي تضويلي حياتي
فتحت عيونها وابتسمت
جيلان: ها شلكيت بوجهي ،؟!!
هذال: لكيت الدنيا واهلها ،،جريت نفس وزفرته وحجيت بتعب واني لازم وجها
حبيبي لو اشتعلت الدنيا بعد لتوخرين منا
حجيت واشرت لحضني
36
جيلان: جريت ايده الجانت على وجهي وكمت ابوس بيها بلهفه ودموعي نزلت
ما اعوفك لو اموووت لو خسرت كلشي بهالدنيا ما اريد اخسرك الك
اني غبية والله غبية ،جنت حارمة نفسي من الراحة كل هالفترة وعبالي هيج ارتاح
واني ما شفت النوم عدل الا بحضنك
حجيت ودموعي تنزل بهدوء وشفايفي مبرطمات
وكلت
تعبت حيل ،كلشي صعب اتكوم عليه اجتني ضربه ورى الخ ،من صدمتي بأمي للطفل الجنت متمنيته ومتمنيه افرحك بي
هذال والله احسه انشلع من روحي مو من بطني ،
25
هذال: هسس. كافي يا ابويه انعل ابو الجاهل وچ انتي بنيتي انتي رويحتي وما رايد من الدنيا غيرج ،
فرحتي بيج وبشوفتج كبالي وبطولج الحلو من اشوفنه بغرفتي وضحكاتج الي يحين شكو شي ميت بيه ،
جيلان: بس اني اريد اجيبلك كوووومه جهال ،،باوعلي بابتسامه وعض شفته وهو مركز بعيوني وكال
هذال: نجييب بس انتي ابقي بحضني هيج ، واني احبلج كل عشرة سوى
170
جيلان: ضحكت رغم الدموع الجانت بعيني ،خله كصته على كصتي
وحجى بلهفة وتعب
هذال: مشتاگلج حيييل ،مشتاگ لغزالتي الي تجلب بحضني وما تهده ابد
جيلان: اتلمست وجهه ولحيته وبسته بخده وكلت،،
غزالتك بيدك وبحضنك ومتهدك بعد ،
هذال: مو خايف عليها انا ،، باز کردن / نظر دهید

2023-07-22 21:16:35 وعمامك هم الواكفيلي بكلشي وانا ما رايد اخسرهم ،
هذال: طبطبت على جتفة وكلت
هذا هو خالي ،ان شاء الله ما تخسرهم ،واحنا وياك بكلشي ،،...
رديت للبيت بيومها ومثل كل يوم اروح الها للغرفة وهي لو غفيانه لو الكاها مفتحه عيونها وراسها عالمخده
واذا مديت ايدي الها وانا روحي مفرفحة عليها ،وهي تصدني وتدفع ايدي بدون ما تحجيلها كلمة ،
وچن خلت جبال الدنيا كلها على ضهري،
58
اليوم جانت ساعة ٩ بليل والكل جوة كاعدين وفردوس كالت عشيتها ونزلت ،
صعدت الها فتحت الباب على كيفي الغرفة جان مشتغل ضوى خفيف بالغرفة
لكيتها كاعدة عالجرباية ولامه رجلها بحضنها ،اتقربت منها بهدوء وانا كلبي ينتفض ويريد يطفر عليها ،
كعدت يمها وحجيت بثكل وانا اجر النفس بالكوة
غزالتي ... تعبني گلبي عليج وعليييي،، وچ انا جاي اموت بكل دمعة تنزل منج واريدن احطج بصدري واقفله عليج
وانتي حارمتني حتى من نظرة عينج الحلوة
حارمتني النفس والهوى موجود
حارمتني طعم النوم والليل وساعاته شكثرهن ،
وچ مو ذنبي والحسيين مو ذنبي وچ انا روحي بيج واتبره من الدنيا واهلها لجل عيونج مو بس من الي يسمونها امي ،
خليني يمج ردي لحضني وخليني انا اطلعج من همج كله
انا حبيبج مو تكولين انت حلم وما اريد اكعد منه ؟
انا حلمج ردي لحلمج ردي لحضن روحج وابوج وهلج كلهم ،
ريحي گلبي وطفي ناره ،،
10
جيلان: جنت اسمعه كلمة كلمة وروحي تحترك كاعد بصفي بدشداشته السوده وريحة عطره ترست ريتي ،،نزلت دموعي مثل الشلال واني كاتمه الصوت والحسرة بكلبي
احبه وروحي بي وادري ماله ذنب بس جنت بحالة ما طايقه حتى روحي
واتمنى الموت وبس،
نطقت بنتره من بين دموعي
عوفنييي وحدي ماريد احد مارييييد عوفني عوفني فدووووه
حجيتها وشهكت وصوت البجي صار عالي وهو عيونه مليانه خوف عليه
هذال: رايييح والله رايح بس اسكتي لا تبجين فدووه ،
اااخ ربي والله جاي تطلع روحي وانا اشوفها بهالحالة وماعرف شسوي واخاف اطخها وهي ومتخبله هيج
نزلت بسرعه صحت فردوس يمها اجتي وعفتهم وطلعت انا
حتى البيت خنكني ما اكدر اسمع صوت بجيها بعد وهي مثل الجاهل تون وتصيح كلساع ،
طلعت بره للبستان واتمشيت بعيد وصلت لبركة الماي
لفيت دشداشتي ليفوك وكعدت يمها طابك رجولي ومخلي ايدي عليهن
والدنيا ظلمه حيل بس الضوه البعيد الجاي من بيوتنا هو المبين انعكاس صورتي وخيالي بالماي ،
رجعت احط قهري وضيم گلبي بالجكاير وانا اجر الحسرة ويا جرة النفس
وحضني وضلوعي يصيحن ويونن علي يردنها بحضني
وكلبي مشتاگ لدكاته المخربطة بقربها ،عيوني مشتاگة تلمح طولها وضحكتها وحركاتها كبالي ،
كلشي بيه مشتعل نار عليها ورايد لو بس اطفي هالنار من المها بحضني ،
بقيت على هالكعدة وانا اتذكر كل لحظة حلوة وكل كلمة طلعت من شفافها وهي بيدي وبقيت هيج لحد ما كملت باكيت الجكاير كله ،ورديت لغرفتي الجاي انام بيها وانا بكل يوم ابقى ادور ريحتها بفراشي لحد ما اتعب وانام ،،،
مشت يومين وفردوس ردت لبيتها و وره اسبوع خالي لكه بيت وبدى يحول غراضه بي واحنا وياه ساعدناه وما خليناه وحده ،
لحد ما كمل كلشي وحول لبيته الجديد جان بعيد علينا بغير منطقه وهذا اقل شي كدرنا نسوي حتى نرتاح منها ،
اتفقت ويا الرجال الي اشترى البيت وسوينا قاطع للبستان وعزلناه عزل تام
بقينا بس احنا وبيت عمي سلام مشتركين بي،
1
كامت تمشي الايام سرى همات طابت عمليتها وكامت تجينا هي وعمتي وهم حارت بجيلان الي كارصه بالغرفة وما تطلع منها بس للحمام ،ومن تروح سرى فحنان وحوراء واخلاص يحيرن بيها وفردوس كلساع مخابرة
11
صار شهر من اخر مرة شفتها بي وفتت للغرفة ،باقي هنا بغرفتها القديمه وفردوس قبل لا تروح جابتلي ملابسي وغراضي الي احتاجهن كلهن حتى لا افوت يمها وتتازم حالتها ،،وانا بكل يوم يفوت علي وهي بعيده وانا روحي تشتعل اكثر والخوف يذبحني
اي والله خايف لا اخسرها
خايف الكاها بردت من ناحيتي وضيعت كل نار جانت تشتعل بيني وبينها
55
بلحظة وانا نايم بغرفتها القديمة وايدي جوه راسي وعيني عالسكف واحس روحي اختنكت وانا افكر شلون هي نستني ووجعها خلاها تنسى كل حبها الي ،
كعدت بسرعه وانفاسي تضرب بصدري بقوة مثل واحد جان يركض
مثل واحد جان حلمان والحلم اخذ نص عمره ،
كمت بسرعه من مكاني جنت لابس بس الشورت كالعادة
جريت التيشيرت لبسته باوعت للساعة جانت ب٢ وثلث
طلعت على كيف من الغرفه واتجهت لغرفتنا القديمة جانو كلمن بغرفته بيت عمي برهان وجواد
وهسه غاطين بالنومة وبس انا گلبي مسهرني ،
4
اتمشيت وجان الضوه الخفيف مشتغل بنهايه الحولي يادوب الواحد يشوف بي دربه
وصلت لغرفتنا وفتحت الباب على كيف
شفت الضوى الخفيف مشتغل وهي نايمه بنص الجربايه باز کردن / نظر دهید

2023-07-22 21:16:35 انا ماعندي ام انا فردوس امي من يوم يومها ،،
اجه بشار ناحيتي جر راسي وباسه
بشار: هذا هو يا گلبي لا تنقهرين ،،
سرى: بلعت الغصة بالكوة ،وهم سدو الموضوع صارت ب١٢ الضهر طلعوني للبيت وبقو بيت عمي يمنا
وخابر جواد كال طلعنا هذال ورادين للبيت هسه ،،
لل٢ ونص خابرت عمة اخلاص على عمتي فردوس وهي تحجي وياها لطمت على صدرها وصاحت يمه بنيتي
عرفت جيلان بيها شي بقت روحي تلوب لحد ما سدته وكالت هيج وهيج صاير وجيلان طارحه ،
سودة عليه والله روحي لابت عليها هسه شصاير بحالها وحال اخوي البعده مالحك يتهنى بفرحة عمره ما صارلهم بس شهرين متزوجين و وكعت على راسهم هالمصايب ،لو بكل جره نفس احسب الله عليج يا فلك همات ما يبرد گلبي ،،
بسرعة راحو بيت عمي من سمعو بجيلان ،وبقينا احنا لو ما وضعي جان حطيت روحي وياهم بس ارد اتطمن عليها ،،
.
.
.
فردوس: بقيت يمها ونزلن البنات يصبن الغده لن صارت ساعة ٣ وبعد لحد الان من الهبطات محد حط لكمة بحلكة
نزلت انا عصرتلها برتقال وصبيتلها مي لحم وصعدتلها اتوسلت بيها شويه اكليلج لكمة وهي ما تقبل
وبس ساكته وصافنه وراسها على مخدتها ،بالكوة وبالتواسيل ياله شربت بس الشربت
ورجعت نامت غطيتها وطلعت خليها ترتاح ،
ونزلت جوة لكيت البنات محضرات السفرة وعباس جان راجع من يم بيت عمي وجاي يحجي ويا جواد
الي عرفته هو رايح وحاجي كلشي صار وسالفه اخو السحارة كدام عمي ومحمد وعايفهم وراد ،
اتغدينا وكملنا هذال جان نايم وانا اعرفه من ينقهر لكمة ما تفوت بحلكة ،
جاي نشرب الجاي ماحسينا الامرت محمد فاتت بنص البيت وتصيح
الحكووونا الحكونااا
كمنا نتراكض عليها جانت بالحولي واكفه
واحنا طلعنا من الصالة والمطبخ نتراكض ،وهذال نزل من فوك مخروع
وهي تصيح
عمي اتخربط الحكووو فدوووه محمد وحده حاير بي ،
هي كالت هيج طلعو عباس وجواد يركضون لبيت عمي وهي وراهم
اباوع لهذال قطرة دم ما باقية بوجهه
وكعد بمكانه عالدرج وخله ايده على راسه بتعب ،
صعدت يمه ادري بي اكثر واحد بينا انهبط
وهو اصلاً نايم بواهس وباله يم جيلان ،
1
جريت ايده من راسه وكلت
كوم عيني كوم رد للغرفه ارتاح ،،،
هذال: يا راحة يا غرفة من اشتععععل حتى جدي ،،ادري شنو من عايلة هاي ما يجي منهم بس شلاع الگلب ،
10
فردوس: شنسوي حظنا بعد
رفع راسه وسالني بقلق
هذال: شلون صارت ؟!
فردوس: لا تخاف هسه تصير زينه والله ،نايمه هسه شربتها شربت برتقال لن ما قبلت تاكل واخذت دواها ونامت
هزلي براسه وكام وكف ورجع صعد وانا عفته ورديت يم امي للصالة بيت برهان همات اجوي ورادو يصعدون لجيلان وكلتلهم نايمه هسه وطمنتهم عليها ،،
وخابرت مروان والجهال هم سالت عنهم لان من الصبح من جابني وهم ما يدرون هسه من كعدو وشافوني ماكو انقهرو ،
مرت ساعة ونص وخابر جواد كال جدي مات ،
الله لا ينطيج فلك حتى ابوج مات من قهرج ،انقهرنا على عمي ما مأذينا بشي خطية الله يرحمة ويغفرلة هو بحياته انشلع گلبه من وره خلفته فلك وعدنان ،وهسه راح وهم بقو يتلفحون فلك مشموره ببيت اهلها وعدنان مسافر وعايفهم حتى سؤال ما يسأل على امه وابوه،،
صارت الفاتحة مال زلم و خواني و ولدهم ما عافو محمد لان خطية بس هو وابنه بالفاتحة وهو خوش ادمي وما شفنه منه الاذية بيوم ،
70
واحنا البنات ما رحنا للفاتحه ابد من ورى فلك كلنا من تخلص الفاتحة نروح لنجمة بت عمي للبيت وناخذ من خاطرها ،
.
.
هذال: جنا كاعدين بالجادر الصارله ٣ ايام منصوب بالشارع
واليوم الثالث خلص وخلصت هوسه العشى وانا صارلي هالتلث ايام على عمى عيني كاعد وانا ماريد اي شي من طارفها
راحت العالم وطلعنا نتمشى انا وخالي محمد ،جان بحلكي حجي بس ماعرف شلون ابدي بيه وماريد ااذي بكلامي
بس هو حجى ،،
محمد: ابوي مات مجلوط من وراها ومن ورى همها وفضيحتها الجابتها النا ،،وانا لو ما امي واكفه بعيني چا من زمان شمرتها بالشارع وما يشرفني هيج اخت لاعبه بالدنيا لعب
هذال: ضحكت نص ضحكة بوجع ورديتله ،
هاي انت الما ضكت منها العذاب وهيج جاي تحجي ،
انا شحجي وشكووول؟؟!! انا الدمرت حياتي وحياة اغلى ناسي
من عمي ومرته لجدي وعمتي لحد ما وصلت اليه انا ومرتي !!
وانا اكولها الك بدون زعل خالي انت وغالي علي وما شفت منك اذية
بس انا ما اريدكم هنا بعد ،ولا اريدها تضل قريبه علينا
انا تعبت وانتو همات تعبتو واذا ضلت هنا معناها رح تبقى تحفر وتهجم بيتنا لان اختك حية وما تعرف تركد بمكانها ،
4
محمد:بدون ما تحجي يابه انا اصلاً بكل الحالات رايد ابيع البيت والمعمل وانطي حصه نجمة وعدنان وامك تبقى حصتها وياي واخذلنا بيت اصغر قريب من شغلي ،ومثل ما كلت انت انا ماريد المشاكل وسوالف النسوان تهد بيني وبين ولد عمي شو انا حتى اخو مثل البشر ماعندي باز کردن / نظر دهید