هلو بنات شلونكم سويت حلاوة جبن وكلت لازم انطيكم طريقتها لان كلش طيبه وجاينه رمضان وتحلايات اكيد بعد الفطور المقادير: كوبين سكر 3اكواب مي كوب ونص سميد ناعم كوبين جبن موزريلا مي ورد للنكها قشطه للحشوه الطريقه انخلي الجدر على نار ونضيف المي لحد مايغلي نضيف السكر لحد ما يذوب انصي النار ونضيف السميد بتدريج وضروري النار هادئه وتقليب مستمر شويه تحسون السميد استوه نضيف الجبن الموزريلا ونقلب تقريبا نصف ساعه على نار هادئه إلى أن تتكون عجينه مطاطيه قبل ما نطفي النار نسيت شغله ضروريه الي هيه (مي الورد) تنطي نكهه خرافية واخير شي نخلي حتى لا يروح طعمه نطفي النار ورسا نشتغل بيها نفجها عل نايلون ونفتحها بل شيبك على شكل مستطيل ونظيف القشطه ونشكلها على شكل رول ونقطعها بهل شكل واذا شفنها تلزك بمي الورد انبلل ايدينه طولتها عليكم #علويه_بسم_الله_الحسني
