حابه احجي وياكم بموضوع، خصوصا الطلاب اتمنى يقرون كلامي و توصله | طمأنينه🧕🏻❤️🙏
حابه احجي وياكم بموضوع، خصوصا الطلاب اتمنى يقرون كلامي و توصلهم الفكره. احنه مرات نسعى لاشياء او نطمح الها مثلا واحد يريد معدل عالي واحد يريد يفتح مشروع واحد يريد شركه الخ
هذا الشي الي احنه نريده يتحقق اذا سعيناله وبذلنه جهدنه علموده والوقت الي نحصله بي هذا يبقه يم رب العالمين هوه يرتب حياتنه وينطينيا بالوقت المناسب النه ، بس ... السعي وحده ميكفي علمود نحصله لازم ويا التوفيق، يعني شكدما تسعى وتتعب و و وو بس انت ماعندك توفيق ماراح تحصل الشي الي انت تريده !
التوفيق يجي من اطيع رب العالمين من تحاول ترضي من تبتعد عن المحرمات الخ هيج الله حيرضه عليك و حينطيك التوفيق الي انت تريده و كل امورك تتسهل و نفسيتك ترتاح ،
هواي طلاب من يكعدون يسوون جدول دراستهم يحددون بس الدروس والواجبات بس يهملون قسم العباده واهم شي زياره عاشوراء وصلاة الليل! يعني يهملون مصدر وسر التوفيقات كلها ويصعبون الطريق ع نفسهم اضعاف اضعافه!
فمن اليوم ابدو خططو بصف الواجبات والدروس جدول عبادي ومو شرط جدول ثكيل لااا خلو الاشياء الي بيهه توفيق الكم مثلا زيارة عاشوراء الصبح كل يوم و مثلا فد ١٠٠ استغفار او صلاة على محمد ورقتين قران و صلاة الليل او بكيفكم يعني بالي تحسو يناسبكم ،
وتاكدو الساعه الي تعبدون رب العالمين بيهه راح يباركلكم بيهه و ببقية الساعات يعني تصيرون تخلصون اشياء اكثر بوقت اقصر ، ونفس الوقت الكم اجر وتفسيتكم ترتاح وتصير عباده ويه جهاد لان الدراسه جهاد واله اجره
