2022-05-26 17:50:03
قبل فترة جنت معجب بأبنيه بنت ناس طيبين واصلين مستوى التعليمي مجرد اعجاب ضليت افكر بيها هي وبس بالحياة . اكثر من 3سنوات اني معجب هاي ابنيه بحيث اذا طلعت كدامي بالكلية أفقد عليها لانه مواصفاتها اني اريدها جنت ابحث عنها وصعبة يله شفت ابنيه هيجي طبع واخلاق وأهل وومثقفة . كلت ليش يا كلبي هيجي سويت بيه المهم عقلي قفل قررت احجي وياها اكولها كل شيء بداخلي لانه حتى اتخلص من شيء اسمه #التفكير
فحجيت وياها كتلها موضوع خاص وكذا سوالف المصارحة وكذا كالت اني احب ازوج بين اهلي وخوالي في نفس المنطقة كلت عادي اقبل في مكان تحبينه.
اني من كد الرهبة بيها واعجاب والحب ردتها الزواج حتى محد يأخذها مني ولا انجرب سوالف ما يرضى بيها لا الله تعالى ولا البشرية المهم كالت افكر ؟ اعطيتها فرصة ماكو رد
وراه سنة هم ما استسلمت رجعت الها بأسلوب الحلو بس قبل كل شيء اني دزيت الها زميلاتي ويايه الها وهاي من الغلطات الكبرى اشوفها ادز زميلة أو صديقة على مود ترضى بيك ابنيه حتى لو كنت خجول ١٠٠٪ .
اجتي السنة الثالثة واني كلبي غارق في كل شيء بيها التفكير والتشتت والخوف من فقدانها يجي شخص غني وتطمع بأمواله اعرفها مو من هذا النوع . يوم من الايام جتي عصبية فوول عندي من هذا الموضوع كلت لو اطي اله نهاية لو بعد هي الي
رحت أهلها بكل التعصب بالاول السلام بعدها نزلت عليها انتي فاشلة وانتي مغروره وانتي بنت كذا بس غلطات فضفضه اللسان نسميها بدون لانه حتى لو اغلط وراه شويه اهدئ بس كولتها شيء . واحد يجي يوم ونتواجه في شيء معين ردت عليه كالت ان شاء الله ما يجي هذا اليوم ..
بعد هاي الفترة تألمة كلش احس نفسي انكسر كل شيء بداخلي كلبي وعقلي وروحي وكل شيء تمرضت نمت بالفراش للأشهر فقدت وظيفتي وصحتي ودراستي اخر السنة بالكلية قريب على أصبح خريج سنة 2022.
سويت مسج و سكرين اله ودزيتها مع زميلتي الها .
المسج كان عبارة عن اعتذاري الها وعن كل صار مني وفضفضة العصبية بذاك اليوم وخلاص انتهى كل شيء .
بعد ما قررت تأجيل الدراستي يوم 2021/12/6
هذه التواريخ لن انساها بحياتي ابدا لانه جنت اعاني ما اعاني الايام سوداء عليه
كان عدنا كروب طلبة مرحلتي دزيت بيها .
السلام عليكم طلاب .
الى هنا انا اتوقف وحدي اترك لكم عاماً دراسياً جميلاً بسبب سوء وضعي الصحي اتمنى فيه السنة الخير والبركة والعافية عليكم وتتخرجون وتفرحون وتصبحون افضل دكاتره واجمل دفعة السنة 2022
لكلية الطب البيطري
اشكر كل من سئل واطمئن على صحتي واشكر كل شخص فرحني وساندني في مراحل دراستي عشنا الحلوه والمره اكيد وما انساه ذكرياتها ولا انسى اشخاص ترتاح الها قلبي دمتم بخير واتمنى لكم النجاح والتوفيق يا رب
.
اغلبهم ردو عليه طلاب وطالبات وانتي منتضر هي ترد وتتمنى الي الصحة والعافية بالحظتها انتضرت ردها 15يوم للاسف ماكو اي شيء منها يتمنى الي شنو احتاجه بوقتها عرفت أن انسان ممكن يعيش بدون قلب أو أنسان ممكن يتمنى الي اسوء او ممكن اني اعيش بالفطرة مع العالم مغلق من الوحوش وليس البشر لكن ماكو اي سبيل من عدا ترفع رأسك لسماء وتتمنى شيء الواحد يرجعلك هي عافيتك وصحتك وطاقتك وحيوتك ومعنوايتك وبعدها الله يسهل كل شيء ..
اليوم 2022/1/8 الساعة 10صباحاً في مستشفى دار الشفاء في الديوانية
كعدت الفجر صليت ودعيت يتعدى هذا اليوم بسلامه وعافيه وطلعنا اني والدي بالسيارة لانه طريقنا ساعة عن الديوانية قبل لا ادخل عمليات والدي خايف ويكولي شلون تدخل غرفة عمليات . دخلت لغرفة العمليات واني كل تفكيري كان شلون راح اتخلص من آلمين اول جسدي وثاني روحي .
كعدت على السرير العمليات اشوف أدوات الجراحة وصاحب التخدير كل شيء بالقاعة العمليات ما خايف منه لأنه من ناحية دراستي اعرفهن كولهن طولت عمليتي ساعتين والحمد الله والشكر تعدت على الخير بعد اسبوع عن اسبوع صار تحسن بصحتي جنت مشتاقلها اهوايه بعدها قررت كل شيء نتركه ونخلي وراه ضهري ونبدي الحياة جديدة بدون اي تعثراات صاارت
الحمد الله والشكر
رجعت لصحتي
رجعت لوظيفتي
واما دراستي سنة فدوه ولو متألم عليها بس الصحة انسان نمبر ون في الدنيا. والسنة الجايه أن شاء الله تعالى راجع بالقوى
وزرت الجامعة والكلية والطلاب والكل مشتاقله جنت أما هي ابنيه كنت معجب بيها كأنما اشعر بنفسي شخص غريب ما جنت اعرفها كل شيء تعدى اذا قرر العقل قرار واحد ما يتراجع عن أشياء خذلتك بيها الايام صح تنكسر وتنخذل وتتبهذل احوالك بس الله موجود كل شيء يعلمه وانت ما تدري بي
والحمد الله والشكر صالي 4اشهر صحتي تتحسن نحو أفضل
وقبل الايام قليلة زرت اصدقائي بالكلية فجأت سمعت من أحد الطلبة أن ابنيه فلانه مريضه وتعبانه حالتها اني ونفسي كلت ما نكرها لشخص او احمل الحقد على الشخص مو طبعي
وانما طبعي كان كل شيء يصير على الفطره وعلى حالتك طبيعية وبعدها وصلت للبيت كتبت مسج اتمنى الها الشفاء العاجل
23 views14:50
د
