2020-12-29 19:06:33
بظل الأزمة الصحية يلي عم نمر فيها عالميا و المادية يلي عم نعيشها محلياً صار من الصعب توفير الأطعمة الضرورية يلي بتقوي المناعة المطلوبة لمواجهة كوفيد ١٩ للعائلات السورية و كتير منها مو قادرة توفر الفواكه أو الأنواع المختلفة من الأكل أو اللحوم لأطفالها لتبني مناعتهم
ولمحبة تايهيونغ و جين بالأكل و اللحوم و احتفالا بعيد ميلادهم قررنا يكون مشروع الارمي السوري هالمرة توزيع ٣٥ كيلو من لحم الدجاج للعائلات السورية بحلب
تم تمويل المشروع من مرابح مبيع منتجات بانغتان للارمي السوري من على صفحتنا و حساباتنا، و بالتالي كل ارمي اشترى من منتجاتنا و فرح فيها عطى كمان فرحة لغيرو
الوضع الاقتصادي بسوريا صاير صعب و ببكي و نسب كبيرة نزلت لتحت خط الفقر سواء كانوا لاجئين خارجيا أو داخليا أو حتى إذا عايشين ببيتهم ولكن ما عندهم معيل، وهدفنا نستمر بمحاولاتنا لتقديم المساعدة لأي حدا محتاج باسم بانغتان و الارمي، و نأمل بإنو بالمرات القادمة رح تكبر مشاريعنا و رح توصل إيدنا لتساعد عدد أكبر من الاشخاص المحتاجين متل ما علمتنا فرقتنا بغض النظر عن مدى صعوبة الأمر علينا كلنا
الحل الوحيد بيبقى باتحادنا لنحقق التكافل الاجتماعي من هون لتعدي هالازمة.
شكرا لكل مين ساهم بنجاح المشروع وكل مين دعمو و للادمن رموش يلي اتكفلت بتنفيذو بحلب
ودعمكن ارمي عالويفيرس
دخلو ودعمو المنشور من خلال هالهاشتاغ نسخوه ولصقوه عالويفيرس
#AbyessFlowerProject
#BTSSyrianArmy
#Happytaejinday
https://www.facebook.com/1037742169651605/posts/3610511929041270/
3.1K viewsMoosh, 16:06