2022-07-29 17:45:41
انصار الحسين ع عندما سمعو بلسيده زينب شعرت بلخوف هرولوا نحو خيام الحسين ع. وقالوا له
...................
قبل الفجر خلص دمع خدهه
باجر نموت وتبقى وحدهه
انصارك واجينه نعاهدهه
زينب بعدنه الله يساعدهه
............١.........
يحسين اجينه الخيمتك للموت نعقد نيه
كالو اذا صار العصر تجتف العلويه
تطلع ركض من الخيم كلهه تأشر هيه
زينب هذيج ام الخدر لا زينب المسبيه
حفاي اجينه ونلطم الهامه
وفرع حبيب وذب العمامه
عيون الكفر باجر تشاهدهه
زينب بعدنه الله يساعدهه
...............٢..........
لو طحنه باجر بلحرب احملنه يابو الاكبر
خافن اذا ركظت الك بجثثنه زينب تعثر
لو عثر جدم المحترك ينهض بعد مايكدر
ياوسفه مابين الغرب عطشانه بنت الكوثر
راح ام وهب وياهه تتغرب
زينب جبيره وبلركض تتعب
واسم الله من تعثر ترددهه
زينب بعدنه الله يساعدهه
...........٣........
بلضلمه لو راحت الك تتلفت وتتلوه
يلاكيهه خنصر منكطع بي تشم ريحة خوه
وتشوفك موذر عطش ها هوه لا موهوه
وتصب دمعهه بمنحرك وتصيح خويه تروه
يشيب خدرهه من الهظم باحر
من تلكه بضلوعك اثر حافر
حتى النهر هم ينكلب ظدهه
زينب بعدنه الله يساعدهه
.............٤...........
مشيب صدى الصوت اليرد من جرحك الخاطرهه
رماد الخيم مو شوفتك باجر ترس ناظرهه
ماتعثر بسيف ورمح طاريك يعثرهه
وشمر يفتر بلحبل رايد سبيه ايجرهه
يمهه ابرمح راسك يخلونه
خاطر كلب زينب يحركونه
وجرح البكصدك تدري يظهدهه
زينب بعدنه الله يساعدهه
............. ٥.............
جانت عزيزه مدلله وتنطفي الشمعه الضلهه
ياوسفه تمشي مجتفه وين الردي يصدلهه
يتعمد الشامت يجي يدنه ويكللهه
شوزينب اتماشي الحبل جا مافزع كافلهه
وين اليفيي برايته عليهه
ليش الشمر بحباله سابيهه
طول الدرب سوطه يعاندهه
زينب بعدنه الله يساعدهه
.............. ٦............
والمايبلل شفته يومين حتى بكطره
تطبك لهاته من التعب ماتحجي جيه متفطره
وشلون اذا صدرك لكت طبعت ظلوعه بصدره
للتل تروح متربه وتشبح عليك العشره
انصارك وهل كلمه كلناهه
جبنه حرمنه تنسبي وياهه
باجر الموت عيونه يسدهه
زينب بعدنه الله يساعدهه
...............
بشار السامي
1.4K views14:45
ق
