ثاني يومم كعدنا الصبح جنت كلش فرحانة بعد الي صار وياي فتحت تلف | قصص واقعيه روايات ✔ ( لــ بنت الانبار)

ثاني يومم كعدنا الصبح جنت كلش فرحانة بعد الي صار وياي فتحت تلفوني لكيت رسالة من علي صباحك عسل وحب يالله كومي بسرعة وتريكي وتعاي ورانا شغل  ابتسمت ورديت صباح الغلا ثواني واكون جاهزة كمت بسرعة فتت للحمام غسلت وبدلت وطلعت لكيت علاوي يحجي وياربعه رحت بتجاهه كتلهم صباح الخير ردو صباح النور كال علي كملت مجموعتنا خلينا نروح من هاي الجهة والقسم الثاني يتجهون بالاتجاه الثاني طلعنا ورانا الاساتذه وينطونا كالعادة نصائح لازم نطبقها اثناء التصوير وحذرونا انو مانبعد من هاي الاماكن لان بيها خطورة بقينا نتمشى وعيوني كلها ع لارا تضحك وكلش فرحانة شافتني ابتسمت واجت بصفي تمشي حطيت ايدي بايدها وبقينا نمشي ونصور وكلش متونسين طبعا لارا شافت حقل ركضت باتجاهه  وصارت كلش قريبة عليه وواحد من جماعتنا طب للحقل وبدو الاساتذه يصيحون بالمكبرات ابتعدو وينبهون ع الولد لايتحرك لان الحقل الي طب بي حقل الغام تخبلت من سمعت  ,,لارا شفت الحقل حبيت اطب عليه واصور لسه ماطبيت وجان اسمع صوت انذار ويصيحون ابتعدو عرفت انو حقل الغام. اباوع ع الولد معصور قلبي اريد اتحرك بعد مابية حسيت روحي لازكة بالكاع علي شفت لارا ماتتحرك تخبلت ركضت باتجاها وجريتها وجان اسمع صوت العصف ماحسيت بعدها ع شي الا واحنا بالمستشفى صحيت شفت اهلي وجماعتي كلهم يمي فتحت عيني وصحت بصوت تعبان لارا وين ,,جاوبتني امي لاتخاف يمه لارا زينة وهياتها يمك بنفس الغرفة  بس بعدها ماصحت  اصحابي تحمدولي وراحو باوعت ع لارا متاذية هواية بس الحمدلله كالت امي كلها سطحية ,,لارا بعد الي صار  مافتحت الا واني بالمستشفى فتحت عيوني تذكرت الي صار وعلي شلون جرني تخبلت وكمت اصيح علي يمه علي وينه بدو يهدون بية وكالتلي امي هياته يمعودة بس اهدي باوعت شفت علي,بس شكله تعبان من شفته  احس الوجع الي بية كل انزاح  الحمدلله ياربي رحمت بحالنا

علي ,,بعد ماصحت لارا تطمنت وبرد كلبي وبدو اهلنا يسالون وشي يلومون بينا وبقينا نسولف الى ان كلتلهم ياجماعة بما انو الكل موجود اني اريد شغلة من عمي واتمنى ميردني خايب اني اريد اخطب لارا  ,,,بلحظة سكت الكل وردت امي اي والله والنعم مانلكه مثل لارا عفية عليك ابني بس ان شاء الله يوافقون ومايردونا رد عمي وكال الصراحة فاجئتوني بس اذا علية اخذها هسة اني ماالكه مثل علي وشهامته واخلاقه وهذا شرف الية بس يبقى الرأي للبنية وهي شتكول احنا موافقين ,, ام علي اي ام جاسم انتي وجاسم شنو رائيكم كالت ام جاسم البنت بنتكم ومثل مكال ابوها يبقى رائي البنية  , لارا.. سألني بابا كتله يابه الي تشوفه يصير ماكو كلمة بعد كلمتك وبقلبي هذا يوم المنى اسعد يوم بحياتي ,,باوعت على علي حسيته طاير من الفرحة كال بابا خلص تطلعون والله كريم ,,,طلعنا من المستشفى وكلمن راح لبيته ورحت لغرفتي وساعدتني ماما بالتبديل  ومددت بفراشي ودك تلفوني لكيت علاوي يتصل فتحت خط وكلت الو جاوب اويلي يابه عبالك اول مرة اسمع صوتج ,ضحكت كالي اروح فدوة لهل الضحكة شلون صرتي حبيبتي كتله مادام انت بخير اني بخير كلي ترى ماتحمل هالكلام شوكت تصيرين زينة حتى اجي اخطبج رسمي واعقد عليج ترى بعد ماتحمل يمكن لوما جسمي يوجعني هسة لجبت امي واجيت عليكم وكملت خطوبتنا ضحكت عليه كتله خلص علاوي اصبر حبيبي مابقى شي ان شاء الله وننجمع سوى تنهد وكالي ان شاء الله خلص حبي روحي ارتاحي ونامي ووداعتي أكلي زين واخذي علاجج بانتظام واذا كدرت اجي بليل اشوفج كتله حاظر حبي وانت لاتعب نفسك وارتاح سديته من عنده وجنت كلش فرحانة ومامصدكة حلم عمري راح يتحقق واخذ حب حياتي اجى الليل وسمعت الباب عرفت اجى عليه واهله رتبت نفسي وطبت خالتي سلمت عليةهي وندى وراحو للصالة ,,علاوي استاذنت من عمي وامي وخالتي وكلت رايح للحمام غمزت لندى ولحكتني كلتلها امنيلي الطريق اريد اشوف الحب تعرفين بعد صرت محظور منها الا بعد الخطوبة يسمحولنا نكعد بوحدنا واخيج بعد مايتحمل كالتي يالله امشي بس لاتتاخر ويحسون كلتلها دقايق والله دكيت الباب

يتبع....