علي ,,اجى الشيخ واجت لارا وكفت بعد الباب صاح بأسمي الشيخ وكالي | قصص واقعيه روايات ✔ ( لــ بنت الانبار)

علي ,,اجى الشيخ واجت لارا وكفت بعد الباب صاح بأسمي الشيخ وكالي موافق وكتله موافق وروحي فرحانة اجا دور لارا صاح الشيخ باسمها وحجى شوية وبعدين كاللها موافقة سكتت كلت اكيد مستحية صاحها مرة ثانية جاوبت وهي تبجي كالت لا   لا مرتين بحيث كل الموجودين انصدمو اني احس بالدنيا وقفت ماعرف شصار اسمع حجي نسوان وزلم وهي تبجي حسيت ع نفسي وكمت  رحت لغرفتها ابوها يحجي عليها وضربها راشدي وصحت لا دخيلك  عمي  لاتضربها من رخصتك بس احجي وياها كال ماشي  ابني الله يسود وجها مثل ماسودت وجوهنا اليوم وطلع محد جان راضي عنها كلتاها اي لارا ليش هيج سويتي جاوبتني وتشهك بالبجي كالتلي ماحبك ماحبك هي كوة مجنت افتهم  انت بمثابة اخوية مو حب هذا احس رجلي بعد متشيلني كلتلها براحتج لاتبجين بس جان لاوصلتيني لهاي المرحلة صدكيني العمر كله ماسامحج وطلعت رحت صحت ع امي واختي وطلعت احس الدنيا ضايقة بية صعدت السيارة وطرت بيهم للبيت وامي تهدي بية واني بغير عالم نزلت رحت لغرفتي بسرعة وتمددت ع الجرباية وتذكرت كلماتها وحبها معقولة هيج جنت مخدوع بيها متحملت كمت اتصفحت الفيس ونزلت اغنية موحالفين انضل سوى ونزلتها بصفحتي ,,,
لارا بعد ماحجى علي وياي احس روحي ماتت بقيت جسد بلاي روح اووووف ياربي ابوي وامي وجاسم الكل حجو علية وباب ضربني بس محد يعرف شنو السبب اي السبب الكلب باسم الله لايوفقه شحجي شكول اذا حجيت راح تصير مشاكل وعلي اكيد راح يتأذى تحملت العذاب وحدي وقفلت الباب ع نفسي وكعدت ابجي طبيت للفيس اشوف صوره واتصفح شفت ناشر اغنيه نور الزين  ,مو حالفين نظل سوى,فتحتها وروحي احسها طلعت والله احبك ابجي واحجي شلون اوصلك حبي شلون والله ماكو بقلبي غيرك سديته وغفيت  كعدت ثاني يوم اهلي قاطعوني ومحد اله نفس,يباوع بوجهي

علي كضيت ايامي كلها بالبيت وبغرفتي حتى الدوام مارحت اله تعبان وماعرف شلون راح اباوع بوجه بعد الي سوته بية المصيبة عقلي يكول شكل وقلبي شكل اوووف لارا شكد نزلتي من عيني خابرني صاحبي وكالي لازم باجر ادوام لان عدنا دروس مهمة كتله ماشي وسديته  ثاني يوم رحت لدوام شفتها من بعيد بس مادرت الها بال كملت دوامي وطلعت ,,,لارا شفته بالدوام وكلبي يرجف معقوله هالمسافة بينا وماكدر اوصل يمه  ,,,ااستسلمت للواقع رجعت للبيت اجا ابوي وكال باسم خطبج مني وكال انتي موافقة  لان حاجي وياج كتله اي يابه براحتك ماحجيت شي اجا هو واهله واتفقو وحددو بعد يومين نعقد ورى اسبوع الزواج اني كل هذا ساكته وعبالك دا يجنزوني مو يجهزون لعرسي حسبي الله عليك ياباسم حرمتني من حب حياتي بس والله ما خليك تلمسني وتتهنى بية  اجا يوم الخطوبة وعقدولي وكلت الهم موافقة ومحد راضي ع خطوبتي اهلي كلش تغيرو وياي بس ماحجيت شي كلت هاي قسمتي ورى الحفلة مالت المهر خلونا بوحدنا اني وباسم كتله شوف اني وافقت عليك بس لوتموت ماخليك تلمسني ضحك ضحكة ويستهزأ كالي الله كريم كتله تشوف واني لارا  وانت باسم هذا الكلب لعلي وللموت يبقى اله وانت غصبتني عليك يامجرم وطلعت حددو يوم العرس بسرعة خاف لا اغير رائي طبعا بيت خالتي قاطعونا وقليل يتصلون بماما ع كد السلام حقهم الي سويته بأبنهم موقليل ,, اجا يوم العرس وصارت الزفة واني بس ابجي دخلت الفندق وهو وياي جنت مخلية سكينة بملابسي الداخلية حاول يقترب مني طلعتها وكتله باسم قسما بالله اذا لمستني راح انتحر وماعندي شي اخسره  وانت قرر كال ماشي براحتج وطب للحمام بدل ونام واني همات بدلت وفرشت بالكاع وفتحت الفيس ,,,علي جانت صدمة الي من كالو باسم خطب لارا وتزوجها عرفت هي خانتني ويا حسافة عليج لارا صار لازم تطلعج من حياتي لان وحدة مثلج ماتستحقني نزلت اغنية ,,نمتي ع فراش الهنا وحظنتي واحد ثاني ارتاحيتي ابد مافكرتي شيصير بية اني,,,, وسديته وقررت ابدى حياتي بعيد عن ذكراها

يتبع....