علي علاقتي بين خالتي صفت ع كد السلام بس مرات عمي يدز علية يريد | قصص واقعيه روايات ✔ ( لــ بنت الانبار)

علي علاقتي بين خالتي صفت ع كد السلام بس مرات عمي يدز علية يريدني بشغل لان جاسم بالدوام اروح اساعدهم وارجع مر ع زواج لارا شهر اني ماعرف عنها شي ولا اريد اعرف الا ان بيوم جنت طالع بالسيارة وجان خابرتني خالتي خالتي تبجي وتصيح علي يمه الحكلي ,, لارا مر ع زواجي شهر واني وياباسم ع وضعنا طبعا هو ماخذ اجازة من شغله جان يشرب ويضرب ويهين وخصوصا من امنعه مني ينجن ويتخبل علية الى ان اجى فد يوم وحاول يعتدي علية قاومته ومفاد عضيته وكمت نهزمت لحكني وشال الحزام موتني تموت بحيث بعد مابية اتحرك خابرت والهث ع امي بالكوة كلتلها يمي لحكي علية راح يموتني باسم , علي بدون وعي رحت لخالتي كلت الها خير خالتي شكو شصاير كالت الحك وانا امك باسم المجنون راح يخلص ع لارا    اني هيج كالت اني تخبلت ركضت ركبت السيارة , وصعدت وياي خالتي وطرت لبيتهم ,, وصلنا شفتا الباب مفتوح والنذل طالع وقواطي العرك بالكاع انتبهت شفت لارا مدماية بالكاع ومغمى عليها ركضت اني وخالتي عليها حاولنا نصيحها فاكت كالت يمه تعبني ماريده بعد شافتني وكامت تبجي كلت لخالتي بدليلها وخلي ناخذها للطبيب ,,بقيت واكف قريب الباب شفتها تصرخ من توكف مابيه حيل رحت عليها سندتها اني وامها واحسها حاوطتني بأيدها ,,كلت بكلبي شجاج هيج سويتي بنفسج,,,اوف باسم لو اشوفك الا اشرب من دمك ,,,وصلنا السيارة وجانت شوية عالية رفعتها وخليتها بالسيارة  وصلنا المستشفى وبالكوة تمشي وتتالم بعد ماتحمل شلتها وطببتها للمستشفى سالونا الاطباء كلنا وكعت من الدرج طلع عدها فطر برجلها جبسوها الها وظمدوله جروحها وطلعنا للبيت نزلت فتحت الباب الهم وشفت ابوها واكف استحيت اشيلها بس كلبي يعصرني عليها من تتوجع نزلت خالتي حجت وياه كتله عمي بعد اذنك راح اشيلها لان مجبسة رجلها دنك وكالي طببها ابني شلتها وطببتها لغرفتها وهي ولافتحت حلكها بس تون كلتله ماعليج بس العافية كالتلي مشكور وتبجي كتلها لارا انسي الي صار هسة اني اخوج وسندج وباسم والله الي اخلي يندم وطلعت ,,,لارا كمت ابجي مو من الالم لا ابجي من حظي وقسمتي اجا ابوي كالي هذا النذل بعد ماترجعين اله    كتله بس يابه كالي ولاكلمة ,,, شوية وشفت خالتي وندى جايين علينا صعدت خالتي سلمت ونزلت وبقت يمي ندى كالتلي لارا اليوم ماعوفج اذا ماتحجيلي كلشي كتلها شحجي كالت ليش رفضتي علي وانتي تحبي ووافقتي ع هذا النذل كلتلها قسمتي كالت اليوم ماعوفج الا تحجيلي وبعد اصرار من ندى حلفتها ماتحجي لبشر وحجيتلها ع كل الي صار هي تبجي واني ابجي حظنتني ونزلت ,,حسيت براحة لان فرغت الي بقلبي ,, فتحت تلفوني ونزلت بصفحتي ,,,مقطع اغنية ,,, ذاك اليوم من قهري,كلت يارب اخذ عمري حبيبي لحظنك اشتاكيت ,عليك الدمع ضل يجري ,,بعدك وفي وتحبني بعدني بكلبك لهسة ,,,

يتبع....