#من_بريد_جامعة_الكوفة السلام عليكم شونكم شباب مشتاقين ... اك | كلية العلوم جامعة الكوفة
#من_بريد_جامعة_الكوفة
السلام عليكم شونكم شباب مشتاقين ... اكيد تذكرون الطفل كيان الي جان مصاب بداء السمكة الي جمعناله تبرعات بوكته وبلغت مليون ومية وتلاثة واربعين الف "1.143.000" بالضبط... لما كملنة التبرعات وردنة نوصله لاهل الطفل اتفاجئنة ان تم جمع مبلغ الطفل بالكامل...فاضطرينة نحتفظ بالمبلغ لحد ما نلكه حالة انسانية ثانية لطفل هم مريض ويحتاج علاج... ثم لكينة حالة الطفلة رقية اليتيمة وجان عده ورم فاتواصلنة وية اهله وكدرنة نوصللهم الفلوس
الطفل كيان سافر وسوة عملية وهو هسة الحمدلله كلش زين وكذلك الطفلة رقية هم سافرت وسوت العملية ونجحت عمليته وهي هم باحسن حال والحمدلله... وكلشي موجود بالصور والفديوات جوة هاي الرسالة
فاحب اشكر كافة الطلبة الي ساهموا بعلاج وانقاذ مريض من خطر الموت...انما بالحقيقة انتوا انقذتوا عائلة كاملة من فقدان شخص عزيز عليهم وهذا الشي الي سويتوا كلش عظيم وماكو شخص يكدر يجازيكم عليه صراحةً ... فشكرا من القلب لكل واحد منكم وبالاخير احب اشكر مجتبى محسن لان هو صاحب هاي المبادرة وكذلك هم اشكر بشار غزوان "مرحلة ثانية" على حرصة واهتمامة ومساعدته اليه كلش هواي
