2021-10-07 09:49:26
#تحسيــــن_الــمعــــدل
• شنو هو #تحسين_المعدل ؟ والمن يشمل ؟ وكم مادة يحقلي احسن بيها ؟ اويمت امتحن تحسين معدل ؟
✓ تحسين المعدل :- واضح من اسمو أنه تعيد امتحان المادة المكسورة درجتك بيها في سبيل تحسنها الى درجة افضل واعلى.
✓ المن يشمل :- يشمل الطالب الناجح من الدور الأول فقط ( حتلو عايد الف سنة المهم ناجح دور اول ).
✓ كم مادة ؟ :- يحقلك التحسين في مادة او مادتين فقط لا اكثر .
✓ ايمت امتحن ؟ :- تمتحن مع جماعة الدور الثاني ، يعني اذا تريد تحسن فراح تمتحن باسئلة جماعة الدور الثاني وطبعاً درجة الإضافة تبع الدور الأول راح تروح اذا امتحنت تحسين معدل ، لأنه حتمتحن بالدور الثاني وتصير حالك حال الي مؤجل دور ثاني.
هذا #نظــام_التحســـين المعروف سابقاً وآخر مرة كان سنة 2015 + 2016 .
بعدها بسنة 2017 ظهر #نظام_جديد تحت مسمى ( تحسين المعدل ) الي هو انك اذا تريد تسوي تحسين معدل ف الوزارة تشرط أنك #تعيد_السنة كاملةً وهذا القرار يشمل كل الطلاب سواء ناجح دور اول او ثاني او ثالث.
ثم شصار بسنة 2019 , أيضاً انطو قرار ( تحسين المعدل ) لكن #بشرطين :-
أنه الطالب يعيد كل المواد ( مثل 2018).
أنه اذا عاد فيروح مدرسة مسائية او يروح يسوي استضافة او يقدم انتساب.
هذولي هم شروط تحسين المعدل بالنسبة لسنة 2019 .
اما شروط #تحسين_المعدل 2020 :-
أي طالب ناجح سنة (2020) لأي دور كان يحقلو يسوي تحسين معدل.
إلي يسوي تحسين لازم يداوم مسائي او انتساب فقط ، وايضًا يحقلو يسوي استضافة للصباحي.
اذاً #المختصر من هذا #النظام :-
لسنة 2015_2016 :- يشترط انك ناجح دور اول وتحسن لمادتين او مادة واحدة فقط وتمتحن بنفس السنة مع جماعة الدور الثاني.
لسنة2017_2018 :- قرار التحسين يشملك سواء كنت ناجح اي دور لكن بشرط تعيد السنة بكل المواد !
لسنة 2019 و 2020 :- قرار تحسين المعدل يشملك سواء كنت ناجح اي دور لكن بشرط تعيد السنة وتروح مدرسة مسائية او انتساب او استضافة.
اتمنى تكون هسه الصورة واضحة كدامكم كلها عن نظام #تحسين_المعدل.
: سالم ال منصور
#شبكة_نيوتن_التعليمية
https://t.me/Newton1998
198 viewsأمـيرررهہ ℡.", 06:49