2022-06-06 11:42:17
نصائح إلى دراسة
قبل لا ابدي بكل مادة ... احب انطي نصائح مهمة جدا لازم كل طالب سادس يتبعها :
1_ لا تعدد مصادر يعني من تجي تقرا مادة معينة جيب ملزمة وحدة مظبوطة سواء ملزمة استاذك او مدرسين مشهورين واعتمد عليها ع طول فترة السادس واذا تكول ملزمة استاذي بيها نقص فجيب ملزمة مال استاذ اخر بس يكون نفس او مقارب لحل استاذك حتى ما تتشتت...
2_ عليك بالأسئلة الوزارية ... يعني بعد ما تخلص كل فصل حل اكبر عدد من الاسئلة الوزارية عنه هالشي راح يساعدك تسيطر ع كل الافكار الوزارية ويقويك بالمادة ... حاول تحل اقل شي ٥٠ سؤال وزاري مختلف للفصل الواحد .
3_ كل ملاحظة يكولها الاستاذ التزم بيها ودونها عندك بالدفتر وحوطها بلون معين لانها تعتبر مفتاح للحل .
4_ حافظ ع النوم وخصوصا بوقت الراحة لان النوم يخليك تحتفظ بالمعلومات لفترة اطول .
5_ لازم تحافظ ع غذاءك ووقت الاستراحة ... لا تهمل نفسك والاعتناء بيها لان الها حق عليك ايضا.
6_ آمن انه انت تكدر تجيب المعدل العالي وآمن بحلمك انه حيتحقق ولا تسمع كلام اي شخص يحبطك لان هالشخص اما هو فشل ويريد يفشلك او يحب يشوفك تعيس ... فانت عليك كطالب سادس تقوي نفسك بنفسك ولازم تخلي ثقتك بنفسك كلش عالية وتكول لازم احققها لانها مو مستحيلة
#شبكة_التفوق_التعليمية
230 viewsعـمــاࢪ اݪ ࢪويمي, 08:42
ش
