2022-07-29 08:48:01
Biscuit Génoise اسرار نجاح الجينواز#
1_ اهم شي عندكم قواعد لازم تبعوهم :
بيضة وحدة فيها = 30g سكر = 30g فرينة = 5gكاكاو
مثال: 5 بيضات معاها = 150 سكر / 150 g فرينة
2 _ الحاجة لي تخلي الجينواز تعكم تهبط ماراكمش طلعو فيها مليح تاني حاجة طلعو البيض و سكر 10 دقائق احسبولها نقولو بديتو طلعو فيها 10:00 تولي 10:10 تحبسو و تحطو فرينة الوقت انتبهولو عندو دور كبير فيها
3_ الفرينة غربلوها و حطوها على 3 دفعات و كي تخدموها ب السباتيل لازم برفق و خلطو من الفوق للتحت والفرينة اي تهبط للتحت مالا ردو بالكم
4 _ دوكا المول لي رح طيبو فيه لبنات شوفو قبل ما تخدمو
قيسو قداه فيه و اعرفو قداه يرفدلكم من بيضة متخدموش
هكداك برك قادر بلاطو تاع 6 بيضات نتوما ديرو فيه 3
هنا متطلعلكمش كامل مثال : 5بيضات طيبوهم ف بلاطو 30 على 40 سم بالنسبة للبسكوي رولي ،اما مول تاع لاير كايك 15سم وكل ما كان المول صغير و ضيق رح تطلعلكم
5 _ في الجينواز كي تزيدو لي روم كي تعود دقيقة 8 حطو لاروم لي حابين اما تاع الكاكاو متحطوش كل محطيتو كاكاو نقصو فرينة كل بيضة = 5g كاكاو
6_ الفور جامي تحلوه طيبوها من 20 / 25د و لازم تلقاوها نشفت و من بعد طفو الفور و خليوها فيه بعد و كي طفوه متجبدوهاش طول تشوكيوها تهبط خليوها شوية فيه واجبدوها،
7 _ كي طيب و تبرد خبوها لغدوة باه تخدمو بيها جامي ديرو بيها ليلة هاديك تتفتت كون تقطعوها ف نفس اليوم
8_ الجينواز هادي تاع سكر و فرينة و بيض احسن من تاع زيت و حليب و هاذيك تاع نفصلو الصفار عادي شغل زيادة برك نفس الشئ تجيكم
9 _ هاذي احفظوها ولا دونوها فيفيات :
5 بيضات يطلعو مع 150 غ سكر مدة 10 دقائق من بعد حطو فرينة على 3 دفعات مغربلة و خلطو من فوق للتحت بالسباتيل و كل ما ديرو كاكاو نقصو فرينة الفور ميتحلش
وقت الطياب،
1.1K views05:48
و
