پەیاموو پاڵپشتی یانەو ژەناو هەورامانی پەی هەڵویستوو ئەنجومەنوو (سەوزی چیا) پارێزنای ژیوگای ئەرکێ ڕۆشنویرانە و ئێنسانی و ئاوەزماندانەن. ژیوگا یانەو گردٚ تاکێ وەش ویر و ئازاد ئەندیشەیا کە هەست پانەی کەرۆ ئی سەرمایە سروشتیە پەنەوازا پارێزیۆ و دەسش پەوە گیریۆ تا جیلوو دماتەریچ تاوا چی سەرمایە گردٚیە بەهرە و سوود بەرۆ. تاڵانکاری و دەس درێژی سەروو ژیوگای بە حەر شێوە و بەهانێ بۆ جە لاو ئێمەوە ئێدانە کریۆ. دڵسۆزی و تەلاش پەی پارێزناو ژیوگای جە لاو ئازیزاو چیای سەربەرزیوە جە لاو کۆمەڵگای کوردەواریوە پەسەند و ئێژای ئەو پەڕینش هەن، دیارا ئی شانازیە گەورە و ماندگارە تەنیا پەی چیای ئازیزی وەرچەم و دیارا و جە کارنامەو چیاینە تۆمار و تەسبیت بیەن. دیارا جاڕدای بانگەوازی تازەو چیای بە نێسبەتوو دووری جە ئەوەکوشنای ئایروو دارەسانەکا چی کاتەنە ویری توکمە و شێوێ جە پلان و بەرنامەی تایبەتین جە ڕاساو زۆم کەردٚەی وینگای گردٚی و چڵاکنارەی دەسەڵاتدارا بە نێسبەتوو فاڕیاو دیای پەی ژیوگای، پەوکای ئێمەیچ پێسە یانەو ژەناو هەورامانی پاڵپشتی و پشتیوانی ویما ئاشکرا کەرمێ چی هەڵمەتەو چیایە و باوەڕما پێوەرەیی و هەمڕایین تا هەڵمەتەو بەها دای بە ژیوگای گردٚی و وەڕوەڵاوتەرە بۆ. پا ئاواتە ژیوگا و سروشتوو کوردەواری ڕۆدماڕۆ سەوزتەر و چیمەنیتەر بۆ. 20 گەلاوێژوو 1401ک. ڕ. یانەو ژەناو هەورامانی @chya_ngo 1.3K views18:37
