السلام علیک یا ابا عبدالله الحسین ع
چه شوریِ که در ، عالَم بِموئه ؟
هِلال ماه ، چه قَدِّ خم بموئه ؟
جواب هدائه ، محرم بموئه
عزا داری آ ماه غم بموئه
باتمه مگه محرم ، ماه کیه؟
قِیومِ اشرفِ آدم ، بموئه !
زمینا آسمون ، تا خلقِ آدم
عزادار ،حضرت خاتم ، بموئه
علی و فاطمه ، بَینِه سیو پوش
شالِ عزا دوشا ، ماتم بموئه
حسین جان ، ته نومه زینِت عالم
وِرد زوون ، اسمِ اَعظم بموئه
شِه وعدِ ره تشنا ، اجرا هاکردی
تَن هایتی غم ، کارِ موسی هاکردی
دنیا پر بَیّه ته ، حق طلبی جا
سَر هدایی کار ، یحیی هاکردی
همه گونه ، حوسینِ لب تشنوئه
مِرام وِسّه ، سر ره فدا هاکردی
هدایی جوانون ، تا دین بمونده
خِدایی ، طاعتِ خدا هاکردی
پریچی ، دارنه التماس دعا
وِره ، مشتاقِ کربلا هاکردی
اللهم الرزقنی شفاعت الحسین علیه السلام یوم الورود .
التماس دعا
جمشید پریچی
@dadokola
