2021-06-24 11:58:57
مرحبا بكم في تحدي الـ٢٩ يوم!!!
طا طا طا را طا طا!!
راح يبدي هذا التحدي رسميا بعد يومين، حاليا احنا في قيد التحضير والتخطيط وراح نشارك وياكم تفاصيل المشاركة والتقييم وشلون راح نتابع تقدمكم ونقرر الفائزين!
الفائز يحصل سفرة مجانية لتركيا غالبا تكون بشهر السابع او الثامن، يكون طولها تقريبا اسبوع واحنا نتحمل تكاليف السفر. ماكو مشكلة اذا ما عدكم جواز ممكن همينة نساعدكم بالموضوع.
راح نطلب من عدكم تشاركونا تقدمكم خلال فترة التحدي. لا تخافون، كلشي راح يكون واضح وبسيط والتفاصيل توصلكم قريبا!
بس هسة اول شي لازم تسوو انه تقررون شنو الشغلة الي تريدون تسووها خلال هذي الـ٢٩ يوم! عدكم هذي اليومين تفكرون بالموضوع
من يبدي التحدي ونرسل لكم التعليمات، لازم كل واحد يكون مقرر شنو راح يسوي.
هذي بعض الامثلة :
- اتعلم انكليزي لمدة ٣ ساعات كل يوم
- اسوي فيديو يومي عن موضوع معين
- ادرس برمجة لمدة ٣ ساعات كل يوم
- اركض يوميا ٢ كيلومتر (او مسافة معينة)
- اتعلم عزف عود يوميا ٤ ساعات
- انشر مقال او منشور مفيد على السوشايل ميديا
- سوي عمل تطوعي بمنظمة خيرية
- اسوي ٦٠ دقيقة يوگا (yoga) يوميا
ملاحظة: هذي الشغلة لازم تكون خارج عن روتينكم اليومي الي مفروض عليكم. مثلا اذا انت مسؤول سوشال ميديا مال صفحة معينة، ما يصير التحدي مالتك يكون انه مجرد تسوي نفس اعمال وظيفتك وتنشر منشور يومي على صفحة العمل مالتك.
بس هذا مو يعني انك لازم تسوي فدشي تماما خارج مجالك او اختصاصك. مثلا ممكن انت تكون مبرمج، وتقرر خلال التحدي تعلم نفسك ذكاء اصطناعي او فدشي ثاني بعالم البرمجة.
من تقررون شنو الشغلة الي راح تسووها خلال الـ٢٩ يوم، ضروري تكتبون هذا الشي بتعليق على الفيديو الي وصلكم هنا حتى الاخرين يشوفون الافكار الي دتصير.
60 viewsabdullah qais, 08:58
د
