گونلرده بیر گون بیر دانا (گوساله یک ساله ) بیر اوتلو یئره چاتم | داش بولاق - چاراویماق

گونلرده بیر گون بیر دانا (گوساله یک ساله ) بیر اوتلو یئره چاتماق اوچون بیر اورماندان کئچمه لی اولور .
ائرکک دانا بیر فیکیر سیز دوشونمزین بیریدی..

بو اوزدن بیر ائنیش یوققوشلو یولونان گئتدی و بیر ایری بویروق یول اورمانین بو باشیندان او باشینا سالدی .
یارین گون بیر ایت بیزوو گئدن یولیله اورماندان کئچدی .
بیر زامانلاردان سورا همن ائرکک دانا اولدو سورو باشی و قاییدیب سوروسون همن آچدیغی یولدان آپاردی .
بو بیزوو گئدن یول بیر جیغیر اولدو .
زامانلار اوتدو انسانلاردا همن یولدان گل گئده باشلادیلار . گلیردیرلر گئدیردیرلر .
ساغا - سولا دونوردولر ، یوققوشلاردان اوجالیقلاردان قالخیردیرلار . یئنیشلرده یئنیردیرلر .
اینجینیردیرلر اینجیک گوروردورلر . دونقولدانیردیرلار .
حاقلیدیرلار چونکو یول دوغوردان هم اوزاغا سالیردی همده ناتارازیدی .
امما کیمسه یولو دگیشمَیه ، یئنی بیر یول آچماغا چالیشمیردی .
زامان کئچدیکجه همن کورا یول بیر خیاوان اولدو .

یازیقلار اولسون ! یازیق یوک داشییان دورد ایاغلیلار یوک آلتیندا ایاغدان دوشوردولر . امما مجبور اولوب چتینلییه قاتلاشیردیرلار. اونلار اوتوز دقیقه لیک یولو اوچ ساحاتا گئدیردیرلر .
اونلار بیر بیزوو سالان یولون چتینلیکلرینه اوزاغلیغینا قاتلاشیردیلار .

ایللر اوتدو و او خیاوان بیر کندین اصلی جاداسی اولدو
و سورا بیر شهرین بویوک خیاوانی اولدو .هامو بو خیاوانین چتینلیکلریندن اوفکه لَنیردیرلر .

چوخ بیر کوتو و پیس یولیدی !

بو حالدا قوجامان و بیلیجی اورمان باخاراق گولوردو . دئیبردی : دانا آچان یول بوندان یاخچی اولماز .



آتالارین ناغیللاری اوغوللاری و تورنلری اوچون .



پائولو کوئلیو
تورک دیلینه چئویرن : نظامعلی قیچلویی