2022-12-23 14:23:55
كان في جماعة النذريين:
ودول كان "سيدنا يحيىٰ" قبل البعثة متصل بهم
دول تبليغ ودعوة، يعني ماشيين يتكلموا عن ربنا بس.
إحنا مالناش دعوة بالدنيا غير إن إحنا نتكلم عن اللَّه والدار الآخرة
جماعة الغُلاة :
دول بتوع التغيير، اوعوا تفتكروا إني بقولكم كلام تاريخي
جماعة الغلاة دول بتوع التغيير بالإيد، وبتوع الاصطدام بالإيد يصطدموا بالحكام بالإيد
طب إيه القصة يا جماعة
طب الناس دي بقىٰ لما سيدنا عيسىٰ جه وقفوا في ضهره ونصروه
علىٰ فكرة يا جماعة معظم دول
هما اللي وقفوا في وجهه
معظم دول هما اللي عادوه
لدرجة إن "سيدنا عيسىٰ" مذكور عنه في الإنجيل الموجود يقول علىٰ كرسي موسىٰ جلس الكتبة والفريسيون.
الفريسيون دول اللي كانوا بيحاربوا البدع، لما "سيدنا عيسىٰ" جه هما حاربوه هو نفسه.
فكل ما قالوا لكم أن تفعلوه فافعلوه؛ ولكن لا تعملوا بأعمالهم لأنهم يقولون
ولا يفعلون.
الواقع اللي جه فيه "سيدنا عيسىٰ" كان فيه جماعات دينية؛ ولكن حَقِيقةً لم تكن حل ولم تُقَدِّم حل.
ولما ربنا جاب الحل ماجابش الحل علىٰ إيديهم أُومال إيه
يا إخوانا اللي يفهم القرآن والسُنَّة وقصص الأنبياء؛ يُدْرِك إن في حكمة عظيمة من وراء طريقة الإصلاح اللي ربنا بيصلح بيها الواقع سبحانه وتعالىٰ
طيب وكان فيه إيه تاني أيام "سيدنا عيسىٰ"
كان في بقى مذاهب كُفرية فلسفية ضايعة.
كان في ثلاث مذاهب مكتسحة الأرض.
١)المذهب الفيثاغورثي.
٢) المذهب الأبيقوري.
٣)المذهب الرواقي.
المذهب الفيثاغورثي:-
ده مذهب الشيوعية القديمة كل أتباعه بقىٰ بيزهدوا وأكلهم يبقىٰ واحد، وفلوسهم واحدة، ومافيش حاجة اسمها إن حد غني وحد فقير
المذهب الأبيقوري:-
ده بقى كان مذهب تقدر تقول العلمانية القديمة فصلوا الدين عن الدولة، فصلوا ربنا عن الحياة
قالوا في آلهة موجودة؛ ولكن الآلهة دي مشغولة في سعادتها الخاصة مالهاش دعوة بينا ولا لها دعوة بحياتنا.
وكان عندهم طقوس تعبدية للآلهة.
المذهب الرواقي:-
بقىٰ والمذاهب دي كلها طلعت ليه
لأن الناس كانت بتنتحر والعالم كان في شقاء والأمراض والشلل والعمىٰ.
"سيدنا عيسىٰ" قال تبرء الأكمه والأبرص، كان العمىٰ والشلل وأمراض مالية الدنيا
والشعوب كانت فاجرة فاسدة، ومليئة بالفقر والمرض.
والحكام تبع الإمبراطورية الرومانية رغم إن هما يهود في الاسم زي هيرود الظالم كده
والأنبياء بيتقتلوا، "سيدنا يحيىٰ" اتذبح، و" سيدنا زكريا" اتنشر بالمنشار.
المذهب الفيثاغورثي قالك :
" السعادة في الشيوعية شيوعية المال وسائر المبادئ ".
الأبيقوري قالك :
" السعادة في فصل الآلهة عن الحياة، وإن إحنا نعمل طرق تعبدية بس مالهاش دعوة بالدنيا بتاعتنا".
المذهب الرواقي قال لك :
طلق الدنيا بالثلاثة لا دنيا ولا سعادة ولا متعة.
عيش بقىٰ أعبد ربنا كده بس وخلاص علىٰ المذاهب الضالة بتاعتهم.
لما نيجي دلوقتي نلاقي "سيدنا عيسىٰ" وهو في أعظم جولة في تاريخ عيسىٰ الجولة اللي أسلم فيها إثنا عشر حواري..
{وَإِذْ أَوْحَيْتُ إِلَى الْحَوَارِيِّينَ أَنْ آمِنُوا بِي وَبِرَسُولِي}.
اللي تعادل الجولة بتاع "سيدنا محمد"
-صلىٰ اللَّه عليه وسلم- اللي أسلم علىٰ إيده ستة من الأنصار فيها
ودَخَلَ الإسلام المدينة بناءًا علىٰ الجولة دي.
الأنبياء نزلوا جولات وبعد كده
{إِذْ قَالَ الْحَوَارِيُّونَ يَا عِيسَى}.
الحوار والتربية، يبقىٰ التربية تنتصر في النهاية.
وبعد كده:
{وَكُنتُ عَلَيْهِمْ شَهِيدًا مَّا دُمْتُ فِيهِمْ}.
يبقىٰ الدعوة الميدانية و"سيدنا عيسىٰ" لما خد الحواريين وأَهّلْهم كوّن منهم فريق دعوي، فريق دعوي يبقىٰ روح الفريق كل ده
دي آثار الأنبياء، دي آثار الرسل
يا جماعة
الإعجاز بتاع منهج التغيير عند الأنبياء.
يا إخوانا في الآخر اللي هيتكلم مع الأمة هو ده الإنسان الغير متعصب
هو اللي بيقدر يصلح.
يا إخوانا المتعصب دينيًا مش ده اللي هيتصلح الواقع علىٰ إيده، واللي واخد الدين مغنم بينتفع منه في دنيته ده أكثر واحد هيعارض الإصلاح.
مين اللي بيصلحه
اللي بيصلحه الناس المتجردة.
الناس اللي ما عندهاش تَعَصُب في الدين.
الناس اللي الدين مش وسيلة عندهم للدنيا ولمصالحهم الخاصة.
الناس اللي بتتعامل مع أمة مش فكرة جماعات بس صغيرة.
طيب دلوقتي بقى ندخل في الترابط بتاع الآيات من أول
{إِذْ قَالَ اللَّهُ يَا عِيسَى ابْنَ مَرْيَمَ اذْكُرْ نِعْمَتِي عَلَيْكَ وَعَلَىٰ وَالِدَتِكَ إِذْ أَيَّدتُّكَ بِرُوحِ الْقُدُسِ}.
إيه الترابط ما بين هذه الآية من أول الآية ١١٠ لحد آية ١٢٠
تلات حاجات:-
الرابط الأول :-
إن الآيات دي كلها اللَّه بيعدد نعمه علىٰ "سيدنا عيسىٰ"
2.5K views11:23