خالد البديري: ليليه ابجيلك .. ترجعلي ادعيلك.. بالمدمع احجيلك | (اه يادمعة رقيه) نشر قصائد تلحين

خالد البديري:
ليليه ابجيلك .. ترجعلي ادعيلك.. بالمدمع احجيلك
يالحنين

****
اقرالك ايات الــــــحفظ
ترجعلي ادعي بكل فرض
صليت الك وكت الفجر
ترجعـــلي يا بــعد النبـض

ترجعلي اتمنى .. ياريحت الجنه.. طولك اشوفنه
يالحنين

***
ابنيتك حميده وحاجتك
يابويه طالت روحتك
يالغالي ادعي بكل نفس
ترجع تشوف ابنيتك

جا يمته نتلاگه .. اعيوني مشتاگه.. نيراني حراگه
يالحنين
***

ارسم طــريق وبي ترد
وانثر على جدامك ورد
شجم اه شفت ابغيبتك
يالغالي موتــــني البعد

ترجعلي تانيتك.. وبحلامي لا كيتك.. يالغالي حاجيتك
يالحنين
**
يخنگني لو صار العصر
يتراوه الي موت وقصر
بالكوفه حاير جن تضل
يامسلم ابوكت الفجر

للباري اتوسل .. وبلطفه اتأمل.. ترجع يالمعدل
يالحنين

**
شجم موقف بموقف شفت
بس مره بيها اتعذبت
يمسح على راسي الحسين
منها وعرفت اتيتمت

ابحضنه خلاني .. وحاجيته بحزاني.. الغالي خلاني

يالحنين

***
يا حامل اكتاب الحسين
ناديتك وزاد الونين
وياك اهون كون اموت
او لا اموت من الحنين

حاجيتك ابنوحي.. ماترحم اجروحي.. يمك بقت روحي
يالحنين




الحمد لله


خالد عبد السادة البديري


(ليلة ٥/محرم /١٤٤٤هج)