بس هنا عايزة أقول إني شايفاهم من أنسب الكورسات اللي ممكن تشترك | طب الأسنان
بس هنا عايزة أقول إني شايفاهم من أنسب الكورسات اللي ممكن تشترك فيها ، لاسيما لدفعتي والدفعات اللي عايشت موضوع كورونا دا ، لأننا فاتنا كتير من شغل العيادات ومن الـ basics والـ tips &tricks بسبب ظروف دراستنا وشغلنا العملي وكمان ظروف إنه مش عارفين ننزل عيادات .. وأنا شايفة من وجهة نظري -اللي قد تكون صح او خطأ بردو - ، إنهم من أفضل الأماكن اللي هتفرق معاك جدا جدا في المرحلة دي ، وهتعوض عن حاجات كتير بردو معرفناش نشوفها أو نتعلمها .. ممكن في مرحلة متقدمة أو في ظروف غير ظروف دفعتنا أقول رأي مختلف أو أكوّن وجهة نظر أعم وأشمل ، بس حاليا شايفة إنهم فرصة وكبيرة مش قليلة وعندهم collection محاضرات محترم ودكاترة ممتازين جدا جدا ، والمحتوى في المجمل ينفع جدا حد في المرحلة دي ، وكل فترة بينزلوا خصومات كويسة على محتويات برنامجهم ، فيستحقوا التجربة . 5 . الكُتب : ناس كتير بتنصح إنه لازم بقى تقرأ كتب كبيرة بقى وتطور نفسك وكدا ، وكل دكتور بينصح في المجال اللي خاص بيه بكتب مُحترمة جدا . وهنا أنا هسيب القوس مفتوح شوية وممكن أعمل ايديت للبوست في أي وقت ونضيف الـ recommendations بتاعت الدكاترة الأكبر منا والأكثر خبرة . لكن بردو مبدئيًا رأيي إنه انت لو لسا متخرج فاهتم بجانب العملي أكتر شوية من النظري وحاول تكون أقوى فيه وترجع للي محتاجة من النظري كل شوية بس .. وفي ناس رأيهم يُحترم جدا بينصحوا بقراءة تيكست كامل .. والرأي يرجع لك . 6 . الشغل بإيدك .. وانت في فترة الامتياز هتلاقي ناس كتير بتقولك : احنا هندور ع مكان يكون قريب ، أنزل كام يوم ومشتغلش وأريح نفسي كدا ومش عايزين امضا في الرايح والجاي .. ودا رأي يُحترم جدا جدا لأي حد بيعمل كدا عشان عنده مكان تاني يشتغل فيه أو عايز يطور نفسه بكورسات تانية أو كدا . لكن لو انت مش كدا ، فحاول حاول حاول يكون عندك يقيين أنه مفيش حاجة بتعلم أد أنك تحاول تشتغل بإيدك ، وياما ناس ممتازة في النظري ومذاكرين كويس جدا جدا ومبيعرفوش يشتغلوا .. لأن أسنان مش بس نظري ، أسنان جزء كبير فيها hand skills وعشان تكتسبها محتاج تشتغل وتجرب وتغلط كتير ، فمتمشيش ع رأي أي حد يقولك أنا أنزل أتدرب أحسن لأنه لو بيتدرب observation فقط فأكيد أكيد هيخسر كتير لما يلاقي الامتياز خلص وهو مش عارف يشتغل رغم انه ممتاز في النظري .. فالاتنين جوانب مهمة جدا ولا يقلوا أهمية عن بعض ، وحاول تشتغل بالمتاح وتتعلم لأنه محدش هيجبرك تشتغل ولا هيحفزك تتعلم .. 7 . في حاجات تانية المفروض تتعلمها جنب كل دا ، والأكيد إنه من أهمها الـ English فلو انت مش أد كدا فيه حاول تشتغل على نفسك شوية عشان هيفرق جدا في ثقتك في نفسك ، في شغلك ، في مستقبلك في كل حاجة . من التطبيقات الجميلة جدا في الموضوع دا Zamerican English . Duolingo 8 . كام نقطة على الهامش : * سنة امتياز مش آخر سنة في حياتك هتتعلم فيها زي ما ناس كتير بيقولوا ، بالعكس ، هي البداية ، متجريش وتنهك نفسك وتحاول تعمل مليون ألف حاجة عشان تتعلم كل حاجة .. بالعكس ، الصح إنه مش هتبطل تتعلم طول الوقت وكل ما هتتعلم حاجة هتحس إنه في حاجة كمان المفروض تتعلمها بعدها .. فمتجريش ومتقلقش ومتصدقش أنها اخر فرصة . ولا تصدق العكس بردو وتقضيها لعب وكدا . * الحياة فيها آفاق تانية كتير حاول حاول حاول تسكتشف نفسك ، دي أهم حاجة ممكن تعملها بجد .. اشترك في برامج ، كورسات وأي حاجة تنمي مواهبك أو تعلمك حاجة جديدة أو أو احنا نظام التعليم عندنا بيسيب مساحات شاسعة طبببعا وحرية رهيبة للطلبة فأكيد بعد الكلية هتلاقي انك مكنتش عايش أصلا . فحاول تستغل فكرة إنك رجعت للحياة وإن وقتك ملكك وطور نفسك واكتشف اللي بتحبه وادي نفسك حقها . احفظ قرآن ، اشترك في برامج شرعية ، اشترك في كورسات رسم ، كورسات لعب ، أي حاجة . * طبيعة أي مرحلة " انتقالية " إنك بتحس إنك تايه أحيانًا ومخنوق وبتحاول كتير ومبتوصلش .. فمتصدقش إللي يقولك لازم هتعيشها بالطول بالعرض وهتبقى فل ، ولا تصدق إللي بيقولك هتكون منكد ومخنوق ع طول .. بس طبيعي هتمر بمرحلة إنك تايه ، لا منك خريّج وبتشتغل ولا منك طالب وبتذاكر ، ولا منك دكتور ولا منك مش دكتور .. فحاول تتقبلها وتتقبل إنك مش عندك اكتئاب ما بعد التخرج لأ ، انت انسان طبيعي يعيش ويتعايش . ..
الجزء التاني : بالنسبة للسوشيال ميديا واللينكات .. هتحط بس في اعتبارك كام نقطة مهمين : * مش كل اللي بيتقال على السوشيال ميديا صح ، فـ تابع دكاترة كويسين وحالاتهم مبنية على معلومات صح ، ولو حتى على جروبات عالية جدا وممتازة و و ، فكّر في ال cases صح واسأل ليه عمل وليه معملش ، واسأل أكبر منك واسأل الدكتور نفسه عادي .
