سولفلي يحسين ☆ من تبقى بالطف وحدك سولفلي يحسين ☆ وريحة اخو ما عندك من الشمس خدك يحترگ ★ وصدرك يموت من السحگ حسيناه * انه الكمر يابوعلي * ابثوبي امسح دمعك اكشفلي يحسين الضلع * خليني ابوسن ضلعك سمعني إلا من ناصراً * خايف بعد ماسمعك بحضنك تلم رأسي وتون * چا انت منهو يجمعك تتگطع أشلاء ☆ وكل جرج منك شاعر تتگطع أشلاء ☆ وما عنده رحمه الحافر ضلع وضلع من يفترگ ★ صدرك يموت من السحگ ** تفيلي اجيت من الشمس * يحسين حرت بعطفك من عيني لتجر السهم * عباس أخوك يعرفك حضنك تعب رأسي ثگل * نزلني حطني بصفك ولتبوس چفي اتوسلك * أنه الابوسن چفك الخاطر رقيه ☆ تقربلي أبوسن نحرك الخاطر رقيه ☆ مو يمي تلزم ضهرك باب الاخوه ينطبگ ★ وصدرك يموت من السحگ * من طحت گلي وما كمت * عليه ابن جوشن گرب گلي الجرالك شي سهل * الجاي هوه الاصعب حسينك اذبحه من الكفى * والزم لحيتة مترب وعيونه امليهن رمل * ومن العذب ما يشرب خوتكم اتموت ☆ گلي الشمر أتوقع خوتكم اتموت ☆ وعلى الصدر اتربع معقوله نتفارك صدگ ★ وصدرك يموت من السحگ **** هنيالي وبحضنك متت * وبخدي واضع خدك بس لاسف يابوعلي * خوان متضل عندك فرحان ابن جوشن يضل * وتموت لازم چبدك والعشره الخيول التجي * تسحگ اضلوعك وحدك وزينب بالخيام ☆ تسمع بگسرت ضلعك وزينب بالخيام ☆ أتاني الحصير يلمك وگلبك بعد لا ما يدگ ★ وصدرك يموت من السحگ ** روحي وچفوفي فده الك * يحسين روحك اقدس على الريه اذا حافر صعد * يخليك ما تتنفس أبداعت أمك فاطمه * خاتم بعد لا تلبس ألابس ثياب الشمر * يكص خنصر على المحبس يابوعلي اوصيك ☆ حسين احچي وي الخنجر يابوعلي اوصيك ☆ كله اني أمي الكوثر من المفصل الإصبع يطگ * وصدرك يموت من السحگ الشاعر أمير السعيدي 41 views22:28