5 اسرار خرافية لكل فريلانسر بيشتغل من البيت سواء كنت مبرمج | Marketing
5 اسرار خرافية لكل فريلانسر بيشتغل من البيت
سواء كنت مبرمج / صانع محتوي / جرافيك ديزاينر / فويس اوڤر / ماركتير...
١- خلي يوم في الاسبوع تروح work space او كافيه تقضي فيه يومك، علي الاقل 8 ساعات شغل علي ابوه.. متفتحش سوشيال نهائيا، وركز ف تاسكاتك وبس وحمّل تطبيق Focus بيشتغل ع اللاب والفون مع بعض من هنا: bit.ly/3qLztZV
٢- استثمر في شراء لابتوب حقيقي بجد اللابتوب الصح بيعملك شغل صح الصح بس خد فكرة الاول عن نوع اللابتوب المناسب لشغلك من هنا: bit.ly/3J3rZco
٣- استثمر في تركيب راوتر لوحدك ضعف جودة النت وعدم سرعته هيضيع عليك فرص كتير، وتطوير ذاتي اكتر ف مجالك.. واسأل مجرّب.
٤- باقي ايام الاسبوع اللي انت شغال فيها من البيت.. وقت الشغل شغل، ووقت الاهل للأهل. يعني اي؟ - يعني متمسكش الموبايل او اللاب وتشتغل ف الصالة، عشان هيحصل حاجتين : - لما حد يكلمك مش هتكون مركز معاه وتكون قليل الذوق. - مش هتكون مركز ف شغلك اصلا وتكون بتضيع وقتك. الحل: الشغل علي المكتب مش في الصالة، ولا علي السرير
٥- سنّ منشارك يعني من الاخر كده بدل ما تاخد 4 ساعات ف تاسك خليهم ساعة بس عن طريق سن المنشار (يعني تطوير المهارة المطلوبة) فلو انت مثلا كاتب مقالات. يبقي اتعلم الكتابة السريعة علي الكيبورد رابط التدريب المجاني: bit.ly/3g3Qmu5
ولو انت مش فريلانسر لسة، ونفسك تبدأ ف العمل الحر يبقي المقال ده عشانك : bit.ly/3vXYzXO
