2020-11-19 20:49:23
(( همي زهراء ))
دمعتي اليالي الفاطميه
عالظلع لوعاتي حيدريه
جفني مجروح ابدمعها ونتي كسرت ظلعها
خدي بي اثر صفعها وهمي زهراء
١
دمعي تسبيح الزجيه من اسبحه اصب دمعتي
ولوعتي حيدر او حزنه سرمده للزهره ونتي
اقرح اجفوني عزاها بالمجالس اه حسرتي
اثر صفعتها همومي زرع نص كلبي جمرتي
واظل اصرخ بالعزيه ويلي لمصابج زهرتي
ظل حزن عمري البجيها والظلعها امصيبتي
عمري عشته اونن انه للظلع
مصايبها لوعتي وشكي الوضع
ساعتي ذكر الفجيعه وغدر حيدر والوديعه
وفعل اصحاب الخديعه وهمي زهراء
٢
من دفع بيده المعادي باب ستر الله ونبينه
عصر وره الباب فاطم وطاح محسنها ابسنينه
رادته ستر عليها وصار لوعتها الحزينه
طاحت اعله الكاع منها ويلي ظلع امهشمينه
صاحت يافضه تعالي وصاحت بالونه علينه
بلا حمه بعد المحام والمحامي امكيدينه
منها اسروا حيدره حامي الحمه
وظلت تنتظره يجيها فاطمه
تنتظر يرجع وليها فكده لوعه وهم عليها
مارجع زادت بجيها وهمي زهراء
٣
طلعت اتنادي اتركوا ابن عمي ايرد اليه
لا اشكي ودعي الهي وكلب بيكم هالوطيه
دز علي سلمان كله الحك للزهره الزجيه
كلها ابوج الي اجانه رحمه ورأفه للبريه
ولا نقمه يبت محمد صبري من اجل الوصيه
ولا تشهكين ابدعائج وانتي غضبانه اعله اميه
جانت اجنود السمه متحظره
لدعوه من الزهره تصبح مجزره
جاخسفت بيهم ارضهم بلاسقيفه ايظل وضعهم
بس حماها من مكرهم وهمي زهراء
٤
والعجيبه داره حركوا جانوا اصحابه ابحطبهم
مهبط جبرائيل هذا ومنزله قدسيت ربهم
بي علي وصي الهي وعصر فاطمه وضربهم
وجان منبع للنبوة وصار ميراث الغصبهم
بس رحل عنهم محمد نكروا اوصيته ابطلبهم
وكيدوا جف الرساله والشرع جرحه سببهم
حيدره وهيه الرساله والشرع
نكروا احمد بالولي وبته الربع
خابت امال الولوها الظلت دمعتها لبوها
غصب فدك سلبوها وهمي زهراء
٥
تالي بالدمعه تودع. بت محمد الوليها
ويلي غضبانه عليهم ماتت ابونها وشجيها
ظل علي ينحب فكدها وحده بحزانه عليها
يشكي ربه يم كبرها ويبجي من يذكر بجيها
ويلعن الي مارحمها لعنته عالظالميها
لعنه على العاصريها لعنه على القاتليها
ينتحب حيدر فكدها والجره
وسكن من بعدها نوحه المكبره
عايش فركاها الولدها وجرحه من حزن سرمدها
وزينب عاشت الم خدها وهمي زهراء
خادم الحسين
الشاعر
حسن جاسم الطائي
dkvaertunxxddao
97 viewsedited 17:49
ا
