الملا احمد شهاب المحمداوي

2022-07-26 18:15:09 ضهضب العباس جر صمصامه
اليــوم اذكــرها بعلي وأيـــامه
*
ضهضب العبـــاس جــر الصــارم
عرجــه طگ اليــوم ضنوة هاشـم
إنــذار صاحـوا هــذا مــوت وقـادم
الزلــم خــلاهـــا تبــوس اجـــدامه
*
ضهضب العبــاس واشتـــد النـــزال
من أيده گامت تشرد أفحول الرجال
هـــذا ملك الموت صاحــوا لا محال
لـــو علــــي الكـــرار عــــاد أيامــه
*
ضهضب العباس غيره من السماء
ومطر بيهم مــوت ســـاعة كـربلاء
صوفـــرت بوجـــوهــم حتـى الدماء
ضامـــي سيفــه وشرب دم الهامه

*


ضهضــب العبــاس واتعنه الفرات
بيــوم گالتله الفــواطم ضــاميـــات
بسيفه ضوگها الزلم طعـم الممات
مــوت شـــربها الزلـم صمصامه
****
ضهضب العبــاس شـــال الـــرايه
خلّــه حتـــى النهر غــص ابمايـه
للعقيلـه انطــيت صــاح احچـــايه
الا اخلــي الجــيش ســـوده ايامه

**
ضهضب العباس صاح ابزوده
ما يهمني ابن الدعي وجنوده
شَمّر أبجيش آل أميه ازنوده
وبدد ابسيفه الكفر و أوهامه
*
الشاعر
موسى البديري باز کردن / نظر دهید

2022-07-26 02:14:40 يسئلوني اشفت يــاناس وانه الحاضره العاشر
وادري شضملي هذه اليل باچر كسرت الخاطر
**
بعيونـي شفت شجعـان كلهــه توسدت حومه
شفــت الاكـبر وجــسام وكلــمن بانت اعلومه
طاحـو والمنـيه اشهـود ذيــچ اجساد مثلومه
ياحيف الشـماته اهـواي واحنـه قــلت الناصر
**
شفت عبدالله بيد حسين والمنحر يصب دمه
شفت الدنيه كلــهه تلوج بس بعيون ابو اليمه
زغيـر مــاجــزاه الـموت وابوه الصدره ايضمه
ويــه الــراحــو امغـربين عبدالله صفه مهاجر
**
شفت حسين اجه مهموم طب الخيمة العباس
طيحـهه وهـــوت للــگاع مـابي للحچي ياناس
عيونه تگول مات اوراح هيچي بين الاحساس
حــط بيده المنيه اوگام گــال اليلله انه مسافر
**
شفت حسين لمـن طاح ومـطرز دمــه واسهام
وگـدامـي النــحر حزوه وبيه استوطنت الالام
مــن شـعره يشيل الراس وانه من الشمر انلام
داسن صدره هاي اخيول من ضهره طلع حافر
**
شفت حرگت خيمنه اهناك ونـــار بگلبي لهابه
وشفت الخيل من هجمت اوكتي اندار دولابه
گلبــي مـــاهـــده ورتـــاح مـن دگ الهضم بابه
وگمـــنه مــانــريــده ايمر علينه ولايجي باچر
**
شفتهن ركضـن النسوان وطشت كـل يتامانه
والبضهره تدوس الخيل وطــاح ابين عدوانه
زغار وصــوطهم ضـالم يشيل الاحـم بمچانه
منضرهم يهد الحيل وگلب الحجر هم كاسر
**
شفت رحلت سبي والام يتامه وظلت بحيره
شفــت الشــام والاهــات ويـوميه نطب ديره
شفت حتى الخرابه اهناك ماتت بيهه الزغيره
وكلشي مات بعيوني ومات حسين بس صابر
**
ابوحيدر
الصبيحاوي باز کردن / نظر دهید

2022-07-26 01:56:56 لطميه لعليلة الحسين عليه السلام
===
شايلين وماخذوني احبابي
لحد المنهم اجه ودك بابي
====
شايلين وعذبو كلبي بجفاهم
شايلين العين مشبوحه وراهم
ليش شالو ماخذوني وياهم
تعذرو ياوسفه مني احبابي
===
تعذرو ياوسفه مني اهل الحميه
ليش ماكالو تظل بتنه خطيه
ارد اروح اوياهم وما صح بديه
وانه مو من طبعي اعرف للتجافي
====
انه من طبعي الوفه وروحي حنينه
اشلون اعوف اهلي المشو والله هظيمه
والعزه اكل ساع لشالو اقيمه
والكلب مجروح ويون للغوالي
===
والكلب مجروح ينزف للنسونه
ليش عافونه بنزلهم وما اجونه
ليش لاكلمة وداع يودعونه
وانه بس نوح وبجي والهم صفالي
====
تمت بعون الله بقلم العلويه ام اسامه الموسوي باز کردن / نظر دهید

2022-07-26 01:47:14 قصيده الامام المهدي (ع)


هم رجع عاشورك
وانته تنعه بطورك
زينب غريبه ...زينب غربيه
عمتك شكد ناحت
ولمدامع طاحت
هاي الحبيبه...هاي الحبيبه

///////(1)

وين هسه ارجوك كاعد من وصل شهر الحزن
تبجي عل مسبيه زينب لو على حسينك تون
زينب بيوم السبوه الصوط ياكل بل متن
والحسين ضلوعه راحت خيل طحنتهن طحن

طاح ضامي حسينك
ريت شفته بعينك
ياابو ضالح...ياابو صالح
وزينب بلا والي
وعل شريعه الغالي
عفته طايح ...عفته طايح


////////(2)

اشلون حالك ياابو صالح كل سنه عليك بلف
ولتجرحك مو غريبه جرحتك ناس العرف
عمتك تون على عمك وانته ونتك تختلف
كلبك مشيب اعرفه من كثر ما بيه نزف

ونتك عله صاحت
على تله وناحت
خويه يحسين ...خويه يحسين
كون حي دركنه
تره خلافك رحنه
جا صرت وين ....جا صرت وين

///////(3)

انته عايش ياابو صالح بس ألم بيك شكثر
كلبك يشيب اعرفه لو حجينه عله الخدر
رايح تكلم يسيد فدوه بس اطني العذر
بيا وكت هودج خدركم كافل يصير شمر

وزينب تحاجي الكمر
وهوه طايح عل نهر
خويه ماشين ...خويه ماشين
من اجينه بشيمتك
وفوكنه ترف رايتك
يا خوه العين ...يا خوه العين

///////(4)

ناس تفكد واحد تون الف ليله وليله
ادري وليفكد عشيره شضال بيه من حيله
كون كل هاي لمجالس بل دعاء تدعيله
والرضا بسبي الهواشم لو ضهر يا ويله

يعيد يوم لواقعه
ويوكف على لمشرعه
يا ويل الرجاس...يا ويل الرجاس
ياخذ بثار ضلع
ولدمه مثل الشمه
طاح على عباس ...طاع على عباس

////////(5)

لماي شكد صلف وكبالك تشوفه
اخذ منك كمر ونكطعت جفوفه
وعبد الله الرضيع الضاعت طيوفه
سبب هوه دخلت بت حيدر الكوفه

وقاسم عرسه ما تم
ورمله بعرسه تحلم
عريس ابني اشوفه ...عريس ابني شوفه
لكبر وجها ذبلان
وهوه تكول قرآن

وجرحه اشلون روفه ...وجرحه اشلون روفه

////////////

الشاعر سعيد العكيلي

2022\6\17يوم جمعه باز کردن / نظر دهید

2022-07-26 01:35:58 #قصائد_منبريه
#محرم_١٤٤٤
موشح نجفي


هل شهر عاشور بهلاله الحزن

نسمع الزهراء مهضومه وتون

..........

شهر للدمعه ومصايب كربله

شما يهل بدموعنه نستقبله

نشعر ام الحسن وي القافله

وتنعه وي ما حطو هناك وتحِن

..........

تنعه مكسورة ضلع جن حاظره

يوم حطو للرحال وحايره

اليوم عاشر  كوه جانت صابره

شلون بعد العشره وي سوط المتن

..........

كل مشاهد كربله بي من يهل

اهلال بي ثكَل الحزن ما ينحمل

بيا ذنب عاري الحسين وينجتل

وتحت حافر خيل جسمه ينطحن

..........

هالمصايب والحزن هذا وبعد

امصيبه اكبر واعظم وادهه وأشد

شلون زينب بالحبل جفهه انعكَد

وروحهه اعله حسين جانت تنسحن

.........

واليتامه اتضيع بعد اهل الكرم

لا زلم عدهه وتظل ابلا خيم

بس علي السجاد ويعاني الالم

يسمع اعله ايتامه السياط الترن

..........

شهر بس مثل القرن من المصاب

بي انذبحت زلم طاحت عالتراب

مثل عباس وهله وجمع الصحاب

جان كل منهم رجل هيبه ورزن

...........

ياشهر  نحتار بيش انوصفك

صعب وي حسين جنت ابموقفك

وقف بس لجل التعازي نوقفك

شهر عِبره وعَبره غيره ما نظن


الشاعر
ياسر العارضي باز کردن / نظر دهید

2022-07-25 18:30:01 نخوة ام البنين
طيحو ابكربله لو طاحت الخيمه


طيحو اعله الخيم لو طاحت ابشده
ماريدن زلـــــــــــــم عالخيمه تتعده
ذبوها العمايم ســـــــــــــــاعة الهده
لو شافو حرمنه هــــــــاي الهضيمه

طيحو ابكربله لو طاحت الخيمه

چفّنت الولد لحســــــــــــين وخيامه
گبل رمشت اعيونه اتطيــــح جدامه
هايولادي بيـــــــــــكم ينشد احزامه
لو ثگلت اهمومه شيــــلو كل ضيمه

طيحو ابكربله لو طاحت الخيمه

سدوها الشمس لو طلعــــت اعليهه
اريد الليل ياخذهه ويـــــــــرد بيهه
كون الدنيا ماتســـــــــــمع بطاريهه
كون اخيالهه مايطـــــــــــلع بهيمه

طيحو ابكربله لو طاحت الخيمه

يحسين اربعتهم بيــــــــهم اتحارب
واعله الخيمه حطهم ساتر وحاجب
المارف اعله زينب مـو الي الشارب
حار اللبن رضّـــــــــعت الولد شيمه

طيحو ابكربله لو طاحت الخيمه

لو ماي النهر بــــــــــــاچر يگطعونه
وصيت ابو فاضــــل يعصر اعيونه
من اول اصياره الجــــــربه بمتونه
من ترعد امتــــــــونه ينگلب غيمه

طيحو ابكربله لو طاحت الخيمه


خادم القصيده
شاكر الصيمري باز کردن / نظر دهید

2022-07-25 17:47:37 بالكوفه والشام     زينب بت علي مادنگت هــــام     زينب بت علي هيبة الله وعـــفّته     چنهه ابوها وشمرته كل عمرها اتعيش اميره      وكلهه تعرف شانهه راحت وماراحت اتضـل      بت علـــي عنوانهه كمّلت ثورت اخــــــوها       والدرب ميــــدانهه راية العباس شـــــــالت     … باز کردن / نظر دهید

2021-11-21 13:29:44 باز کردن / نظر دهید

2021-08-24 01:05:49 اساسية للسيدة رقية عليها السلام
——————-

آنه ذيج العاشت اعله امتون ابوها
ومن بعد لحضات مسبيه لگوها

ويني وين اليسر طفله يظربني الشمر
رقيه اني
—————
ابدي أول كلمه اسمي بدفتر الفرحه نشطب
وابتدت صفحه جديده وبالشطر خدي نظرب
عمري خمس سنين طفله وصارن عليه غضب
اخذو اللعبات مني وللخيم صارن حطب

خلصت كل عمري بالطف ياهظيمه
المثلي هسه تعيش فرحه مو يتيمه

اركض بذاك الظهر طفلة يضربني الشمر
رقيه اني
—————
اركض ومرعوبه اصرخ ليش ماخذني اللهيب
هذا ابويه حسين ابعد ياشمر أمرك غريب
عوف نحره واخذ نحري يبس گلبي من النحيب
لاتشيل الراس نزله بده برموشي المشيب

شلون الوحن عالرمح راسك العالي
بس احرك ايدي صاحولي تعالي

حتى بإحجار إنشمر طفلة يضربني الشمر
رقيه اني
—————
طفه عيني الطف يويلي شكثر مهمومه واصيح
شكد تمنيت بحياتي انسى جلمة بت ذبيح
هيه گوه عليه اخلص عمري بگليبي الجريح
من طحت بالطف لهسه شكو گومه وياها اطيح

بين عمي وبين ابويه ريته كبري
حتى من اشتاك انسى ذاك ظهري

عمري راح وي الخدر طفلة يضربني الشمر
رقيه اني
————
الحبل شيله هاي اديه قبلاها ابن النبي
باوع لطولي وتشاهد عمري مو مالت سبي
اعتب اعله الوكت وسفه بت نبي يطگها اجنبي
باد كل حيلي وزغيره وجهي من لون العبي

راح اشكي ال الله منكم هالاذية
سطر عيني وربط جدمي وي إديه

صاح اوديج القصر طفلة يضربني الشمر
رقيه اني
————
بالقصر عبالي لعبه صحتو فتحي عيونج
شفت راس إمغطه يهمس بويه ليضربونج
اكشفت عن الراس اباوع گلي بويه شلونج
خلصت اهنانه حياتي صاح ياخيعونج

متي بويه وخلص كلشي ظل نياحي
بعد صوتج بأذني اسمع كل صباحي

انه ظهري منكسر طفلة يضربني الشمر
رقيه اني
————
اميـر سـتار الشبـلي باز کردن / نظر دهید

2021-08-20 19:34:35 بالكوفه والشام     زينب بت علي
مادنگت هــــام     زينب بت علي
هيبة الله وعـــفّته     چنهه ابوها وشمرته


كل عمرها اتعيش اميره      وكلهه تعرف شانهه
راحت وماراحت اتضـل      بت علـــي عنوانهه
كمّلت ثورت اخــــــوها       والدرب ميــــدانهه
راية العباس شـــــــالت      زودهه من اخوانهه
يازود الحســـين        زينب بت علي
مثلچ مره امنين        زينب بت علي
صيت اهلهه شالته    چنهه ابوها وشمرته
==================

عمة الساده ابيــــــسرها      محـــــــــد ادنالهه
والهوى يخــــــتنگ يمهه     مايحرك اذيـــالهه
خرسه تمشي الزلم چنهه     تمشي وي كفالهه
حشمة الله بالعـــــــــبايه    والبـــخت يبرالهه
محشومه عالناس       زينب بت علي
كافلــــــهه عباس        زينب بت علي
ضعن اخوها كفلته       چنهه ابوها وشمرته
=================

طبت الكوفه ابعزمـــــهه     اشحده اليحاچيهه
رادو ايخلـــــوها تخضع      تالي خضـــعو ليهه
امطرزه ابخيط الشهامه     وحيدر امـــــــربيهه
هاي ديرت علي چــانت      بس علي راعــــيهه
لو گامت ام عون         زينب بت علي
كلهـــــم يدنگون          زينب بت علي
علي هيه وخـــزرته      چنهه ابوها وشمرته
==================

وين ما يحــــــدون بيهه      هيه تمشي بحيلهه
ثگــــــــل عباس و وقاره     الناگه گوه اتشيلهه
الشام مارف الهه حاجب     والزلم ياويـــــــلهه
مايهزهه القصـــــر واهله     الحچي مايعنـيلهه
طبت الديــــوان       زينب بت علي
وهزت الحيطان       زينب بت علي
اليحچي كلمه ردته      چنهه ابوها وشمرته
==================

كل مراجل بنــــي هاشم      بيهه من نومــاسهه
هاشميه وكلهه غـــــــيره     من جدمهه الراسهه
بكربله داست شــــوارب     هاي اخت عبــاسهه
يلبد الليـــــــــل ابسترها     ورجّفــــت حراسهه
ماغمضت ليــل      زينب بت علي
راوتهم الـــويل      زينب بت علي
والمعسكر صـــگرته      چنهه ابوها وشمرته

خادم القصيده
شاكر الصيمري باز کردن / نظر دهید