فساد "دواعش الداخل"

2021-08-16 20:54:59 #برسم_قائد_الحرس_الجمهوري
#الفوج_109

#شكوى
نحنا عناصر الفوج 109حرس جمهوري نناشد قائد الحرس بالتدخل لمكافحه الفساد الفوج
وصل لمرحله كبيره من الفساد والفياش وسوء الاداره
نسبه لمفيشين صارو اكتر من الموجودين مغادره ما عم نقدر نطلب عدا عن ذلك الاطعام قليل جدا ما عم يكفي لعسكري واحد حبه بطاطا ل6 عساكر
وضابط ما بتوقع بخصوص الاجازات شهر وخمس تيام للمقيم خارج دمشق
طيب نحنا بدنا ننزل والله لنجيب اكلاتنا معنا والله صرنا عم نشحد لنقدر ننزل عالبيت اخر الشهر

طيب يطبق قرار السيد الرئيس بالاجازات وخلو العالم تشتغل وتاكل وتشوف اهلا وولادا عم تجي اللجنه عم يوصل الخبر للفوج قبل ما توصل اللجنه بيلتحقو لمفيشين قبل وصول اللجنه اتمنى لكل معني بالامر يشوف منشورنا يتصرف ويتدخل باسرع وقت لان في مجموعه كبيره متفقه عالفرار الجماعي ويتجاوز العدد ال60 وشكرا أخي الكريم لاستجابتك ونقل وجع العسكريين . باز کردن / نظر دهید

2021-08-16 20:54:50 #الفرقة_14
#الفوج_554

#المقدم_عيسى_بارودي

بس بدي أعرف العساكر الي عندك شو مفكرن انت !!!!
١- سرقة طعام على العلن
٢- الإهانة
٣-التفيش
٤- لا يوجد الماء وبتقلن دبروا حالكن !!!!
وطلب على كل مبيت 10 آلاف ولو كان بداعي مرضي

#برسم_قائد_الفرقة_14 باز کردن / نظر دهید

2021-08-14 14:18:43 #برسم_قائد_الحرس_الجمهوري
#شكوى

نحنا عناصر الكتيبة 1441حرس جمهوري
عم نداوم بجبهات ادلب
وفي النا مؤخرة بدمشق هي لازم يداوم فيا كل واحد معاه نسبة عجز لكن صار العكس
كل عناصر المؤخرة ولا واحد معو نسبة عجز
لكن معهن مصاري كتير
علما انو استلمنا قائد كتيبة جديد بس مادخلو بعناصر المؤخرة شي حكيان فيه العميد وشي حكيان فيه مدير مكتب اللواء
وعم يداومو على كيفون وفي البعض عم يداومو ساعتين كل يوم بس
وكل شهر بينزلو اجازة عشر تيام
مثلا محاسب المهمات مفيش حاطينو عقوة المهمة ب ادلب بس بضل بالشام عاساس عندو شغل
وحاطت عندو عسكري بالشام اسمو محمد وعم ياخد منو 300الف بالشهر كل يوم بجيبو ساعتين عالدوام وبيبعتو عالبيت وبيعطي اجازة ايمت ماطلب
وبس حدا سالو بقولك هي تعليمات مكتب الامن العميد علي جاموس ماحدا دخلو
كل عناصر المؤخرة بتحكي باسم العميد علي جاموس
لايمت رح ضل هالمحسوبيات وهالواسطات
معاه نسبة عجز بداوم عالجبهة واالي معاه مصاري بيرجع عالشام . باز کردن / نظر دهید

2021-08-14 14:14:54 #ماذا_بعد

يتكرر سؤالنا عما يحدث وهل نتوقع تحسناً ما في الحالة الاقتصادية أو السياسية السائل يتمنى أن تكون هناك إجابة
وكيف لها أن تكون ؟!
لا يخرج علينا الوزراء والمسؤولين إلا بقرارات تزيد بمعاناة الشعب
لا يوجد خطط ولا توضيح

إذا كانت القرارات موزعة بين العشوائية والخبيثة و الغبية و لمكاسب شخصية فكيف ستفيد الوطن والمواطن ؟!

تم وضع تسعيرة لكيس #الخبز !!!
هل الدولة لا تستطيع تحمل سعر كيس الخبز !!!
هل يعقل هذا ؟؟

تم رفع الرواتب 50%
بالمقابل زادت الأسعار 400%

أود أن أقول :
يجب أن نعلم أن الحل دائماً داخلي فلا تراهنوا على الخارج لا صديق ولا حليف ولا عدو سيساعد سوريا
كلّهم تقودهم مصلحتهم أولاً وثانياً كلّهم كَذَبة ولا نستثني أحداً . باز کردن / نظر دهید

2021-08-11 23:02:33 #برسم_وزير_الدفاع
#شكوى
#حواجز_الرابعة
بدي احكي بخصوص #حواجز_الرابعة وخاصة يلي عالمعابر
نحنا عساكر منخدم بمنطقة الرقة
نحنا كل ماعم نفوت ونطلع عم يبحشونا بحش ويفتشو كل غراضنا وحتى وصلت معهن ليفتشو تياب العسكري يلي لابسن
ممنوع طالع موبايل ممنوع طالع دخان ممنوع تجيب لتر زيت لاهلك ممنوع تجيب أيا شي مابيقدرو يستفادو منو
ليش هيك عم يصير فينا؟
فوق مو متحملين السرقة والنهب والظلم من كتير ضباط
وفوق مو متحملين الذل والقهر من قسد
وفوق هيك الراتب يلي لهلق في عناصر بتاخد 27 الف
وين الغلط اذا عسكري وخفف ع حالو شوي؟
شو المانع اذا جاب شوية غراض ليطلع اجار طريقو يلي عم يكلف من ال20 لل50 الف ليرة؟
ليش عم نتعامل هالمعاملة ؟ ونحنا يابعد العين مضروبين بحجر كبيرة انو عساكر وولاد الدولة
عم نبعد عن اهالينا وولادنا ونسوانا ونتحمل الجوع والفقر والتعتير كلو كرمالك يا....وطن
هيك بتكون جزاتنا بالاخر؟
بتمنى من الجهات المعنية بالأمر متابعة هالمعضلة باز کردن / نظر دهید

2021-08-08 20:47:25 #هذا_ابن_أحد_الضباط_في_الفرقة_١٤

ليس له رتبة فقط يكفي أنه يقود سيارة والده ويتباها بتصوير مثل هذا الموقف !!

لم نعرف أسمه بعد ولكن يجب أن يحاسب على هذا الكبر و الاستعلاء و الذل الذي يمارسه على العساكر
وهذه التحية كانت أمر منه لكل الحواجز و بالإكراه والتهديد .
#برسم_فرع_٩٣



باز کردن / نظر دهید

2021-08-04 16:01:06 الرحمة للشهداء والشفاء العاجل للجرحى
و الخزي والعار للخونة باز کردن / نظر دهید

2021-08-04 16:00:38 باز کردن / نظر دهید

2021-08-03 00:43:16 باز کردن / نظر دهید

2021-08-03 00:43:13 #برسم_السيد_الرئيس_بشار_الاسد
#برسم_القيادة
#هاااااااام

#شجاع_العلي
عليه اكثر من 100 شكوى بحقه من الاشخاص الذين تأذوا منه

شجاع من ريف حمص لديه اكثر من 400 مسلح خارج عن القانون
ولديه منطقة محصنه تحصين كامل
هذا الشخص بشكل يومي يخطف ويقطع طريق استراد طرطوس حمص

لديه سجن في مقره بداخل هذا السجن يوجد اكثر من 50 شخص مخطوف
يقوم بتعذيب المخطوفين وارسال الصور الى اهالينا لدفع الفديه !!!

منذ حوالي 6 أيام قام بخطف نقيب من فرع الامن الجنائي بحمص لأسباب مجهولة
وقد قام بتعذيبه وكسر يداه وقدمه وإذلاله ثم رماه على الاستراد أمام الناس !!!!

قائد شرطة حمص قال حرفيا تم رفع كتاب لوزير الداخليه ولكن اتت التوجيهات بعدم التعرض لشجاع !

لماذا عدم التعرض لشجاع !!!؟؟

لان شجاع يملك اكثر من 7 محطات وقود
لان شجاع لديه اكثر من 5 مطاعم
لان شجاع لديه اكثر من 400 شخص ومسلح

هل أخاف شجاع وزارة الداخلية هل هو بهذا القدر شجاع ويرى الجميع جبناء !!!!

قال رئيس فرع #الامن_العسكري بحمص العميد سليمان يجب ان تأتي التعليمات من القصر حصريا حتى يتم القبض عليه
ولماذا ؟؟!!!

شجاع العلي لديه اكثر من 70 تعميم ومذكرة بإلقاء القبض عليه
هل يعقل هذا الكلام إلى الأن لم يتم القبض عليه !!!

#سؤال موجه لسيادة #وزير_الداخلية

لماذا عدم التعرض لهذا الشخص ؟
هل يمكنك توضيح هذا الامر على صفحة وزارة الداخلية على مرأى ومسمع الشعب !!! باز کردن / نظر دهید