2022-04-18 06:13:26
رسميا انتهي سيمستر الانترو بنزول نتيجة الفيزياء
ألف مبروك لجميع زملائي الناجحين و من تقدم لتقدم باذن الله
و فرصة ثانية للي ما حالفاش الحظ و قعدوله مواد و باذن الله مش موضوع كبير و يقدر يتغلب على العقبة هادي بسهولة المرة الجاية
أهم شيء ان الطالب ما يفشلش و يخلي الاكتئاب يسيطر عليه لأن هنايا هوا الرسوب الرسمي
أني متأكد إن أي طالب رسب أو ماجابش المعدل الي يبيه مش ذنبه هوا لأن الموضوع يعتبر نقلة نوعية كبيرة من مدرسة و أعمال سنة إلى كلية الطب البشري و طريقة جديدة حرفيا في الأسئلة و المناهج و الدراسة
تقدرو تعتبرو السيمستر هدا و كأنه تجربة و عبارة عن محطة عبور للمرحلة القادمة و الي هيا فيها الكلام و عليها كل شي .
نصيحة ما تخليش نتيجتك عقبة قدامك بالعكس خليها دافع ليك بحيث انك تشد العزم على انك تجيب أفضل المرة الجاية ...
والسيم هذا يمثل فأقل 1/12 من المعدل التراكمي فعندك فرصة كبيرة تعوض فالجاي
و ما تنسوش الآية [فَعَسَىٰ أَن تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا]
و عندنا حاليا عطلة من رايي نستغلوها في الراحة و نخلوها نقاهة أفضل من البدأ في الدراسة من توا لأن هدا بيولي علينا كضغط و نفشلو بسرعة لما يبدا السيمستر
اشغلو روحكم في حاجات انتم تحبوها و غيرو جوكم و جددو نشاطكم .
سيم انترو
سيم 1 we're coming
مفاضلة 7
337 viewsshahed MA, 03:13