كتير مرات بتجيني رسائل مضمونها هديل كيف قادرة تضلي متفائلة ع | 🍰♥️HadOola-خواطر طبيبة
كتير مرات بتجيني رسائل مضمونها هديل كيف قادرة تضلي متفائلة ع طول ! كيف بتقدري تقاومي الحياة والظروف! هديل نيالك ماشية بالطريق وما عم توقفي ولا بتيأسي هديل نيالك دايماً مُبتهجة وبتلحقي لكل شي بحياتك وكتير كتير رسائل هيك ... يا أصدقاء الفترة الماضية كنت منهارة من التعب والاكتئاب واصل للجذور وما عبالي اعمل اي شي اطلاقاً لا دراسة ولا اكل ولا اي شي بس كان بدي ارتاح جسدياً ونفسياً ... كان القلق رفيقي بهديك الأيام والطمأنينة ما بتعرف درب قلبي أبداً وكنت بس عم مضّي الأيام ...كنت بأسوء حالاتي حتى عالمي الخاص ما عاد يعنيلي شي واي كلمة تزعجني وتعصبني بس قعدت مع حالي وفكرت شو عم بستفيد !! أنا بنص الطريق ما فيني استسلم واتراجع ... باختصار يا أصدقاء ما بملك رفاهية الانهيار أنا مجبرة اني كفي يا بكفي هالشي بكل رضا وحُب يا أما ح عيش تعيسة لهيك "لكل جواد كبوة"يا أصدقاء كلكم ما تزعلوا اذا مريتوا بأيام سيئة مافي حدا بيقدر يقاوم هالحياة كل الأيام ... ما تزعلوا اذا ما حصلتوا عالشي يلي بدكم يا اكيد ربكم مخبيلكم الأفضل الرضا ثم الرضا والثقة بالله بأنه ح يعوضنا بأيام مُبهجة وح يجبر قلوبنا يا أصدقاء مافي وقت لنستسلم .. مافي وقت للانهيار ...كملوا طريقكم وطمنوا قلوبكم ربنا معكم واتأكدوا ما حدا فينا ربنا حطوا بمكان الا ومتأكد انه هو أهل لهالشي وقدو قلبي معكم كلكم وعم ادعيلكم و ح كون فخورة بكل حدا فيكم وبكفي إنكم عم تحاولوا الله يسعدكم ويجبركم
