#سوادس #وطني #محتوى_الدكتور_عبدالقادر_سفلو | ما يهمك في الامتحان الوطني 2021
#سوادس #وطني #محتوى_الدكتور_عبدالقادر_سفلو
بسم الله الرحمن الرحيم
اليوم رجعتلكم مع خطة إسعافية للنجاح بالوطني
الخطوة الأولى بتختاروا المادة الي بدكم تدرسوها وبتروحوا على قناة الدكتور مينا رحال بتدرسوا كل الفقرات الي جنبها 4 أو 5 مربعات فما فوق
الخطوة التانية ولحتى ما تتموا ضايعين بين الملخصات وترتاحوا من قصة صعوبة الربط بين الفقرات بتروحوا لبنوك الدكتور عبد القادر سفلو الموجودة بتطبيق بيتا (حالياً متوافر الداخليات القلبية والهضمية والغدية) ومتل ما بتعرفوا البنوك هي عبارة عن تلخيص شامل لكل المرجع بس أهم أهم أهم شي تدرسوا الخيارات مع التصحيح
مثلاً إذا حابين تبدأوا بالغدية عندكم أول شي بالمرجع الداء السكري بتروحوا بتدرسوهن بشكل سؤال وجواب من البنوك وبإذن الله رح يكونوا كافيين
وحتى يرتاح ضميركم فيكم تقرأوا المرجع بعد ما تخلصوا من الأسئلة ووقتا رح تعرفوا انو اعتمدت أسلوب أعلا علامة بأقل دراسة يعني كل المعلومات الأساسية الموجودة بالمرجع كانت ضمن الأسئلة أما التفاصيل الزيادة الي بتضيعكم وما كتير بيجي منها اتغاضيت عنها
تنويه : تم تلخيص الكتلة الأولى كاااااملة بشكل سؤال وجواب
هامش : في حال زاد معكم وقت ادرسوا الأسئلة الي عليها هاشتاغ هام جدا (هدول برا الفقرات الي عليها 4 أو 5 مربعات فما فوق) وبعدا اختبروا حالكم بالشوامل
هامش تاني أهم من الهامش الأول : الدراسة لازم تعتمد عالفهم قبل الحفظ لأنو دوماً في احتمال ينحط السؤال بغير صيغة
وطبعا أنا مارح أقطعم وكل فترة رح نزللكم اختبارات حتى تراجعوا معلوماتكم وكمان رح أعمل مسابقات كل فترة بتربحوا فيها أكواد مجانية
