السلام عليكم ورحمة الله وبركاته بنسالكمً بعض الاسئلة والجواب | د محمد ابوغرارة

السلام عليكم ورحمة الله وبركاته

بنسالكمً بعض الاسئلة والجواب ح يكون واضح .

خذيتو حوايج عيد ؟

هنا فيه يلي بيقول اي خذينا .
وفيه يلي بيقول قريب نكمل .
وفيه يلي بيقول مخذيتش.

بس السؤال الاهم هل ح يفرق لو خذيتو حوايج عيد ولا لا .
نعطيكم الجواب ويلي هوا ميفرقش صحيح ؟
اي ميفرقش باه علاش ميفرقش ؟

لانه اغلبكم كبر ع الحاجات هذي ومش مهم لو هذي لبسة او لا يعني لو مخذيتيش ح تزعل ؟
اكيد لا رح تمشي الامور وتاخذ بعد العيد صح.

باه لو نرجعو بالزمن قبل 7 سنوات او 10 سنوات معظمكم كانو اطفال ف هذا الوقت صح ؟
اي صح ، باه ف هذا الوقت لمًا كنتو اطفال كنتو تقدرو تقعدي من غير لبس عيد جديدً والعاب ؟
لا مكنتوش تقدرو .
باه علاش متقدريش لانه انتو وقتها اطفال ويلي هامكم انه نبي لبسة جديدة ونبي لعبة زيني زي باقي الصغار .
نفترضو وقتها مخذيتيش لبسة عيد او لعبة .
هل العيد ح يمشي عليكم عادي اكيد وطبعا لا . باه علاش ؟
لانه تبو تكونو زي باقي الصغار . قبل 7/10 سنوات لو كنتو من غير عيد كنتو ح تزعلو ومش ح يفوت عيدكم عكس توا بتاتا عادي جدا وميفرقش زي خذيت زي مخذيتش .

اغلبكم اصحاب قلوب ضعيفة لانكم مسلمون تقدرو تشوفو ولد او بنت صغيرة من غير لبسة عيد ؟
ومن غير متناثرو مستحيلا لانكم مش ح تتحمل المنظر .

خوتيً وخواتي يلي نبي نوضحه اكيد وصل صح ؟

مزال تلاته ايام ع العيد تخيلو لو وقفتوا مع بعض كم طفل ح تفرحو تخيلو الموقف بس .

خوتي وخواتي انا ح نبدا بجمع تبرعات لملابس الاطفال .

نبي نكونو يد وحدة ومتاكد ح تفرحو اكبر عدد ممكن من الاطفال بس الوقت معاش يسد لازم تسرعو ف الموضوع وكله ف ميزان حسناتكم .

وهدا رابط القناة