كُتر المُسامحة حُب؛ يعني تغلط وأسامحك، تتأخر وأسامحك، تنسى وأسامحك، وعلى الرغم من إن المُسامحة شيء جميل ومن سِمات الحُب لكن برضو هي شيء مُرعب لإن طول ما أنا بسامح وإنت مُصمم تكرر نفس الحاجات اللي بتضايقني فتلقائيًا هييجي عليا وقت وهتلاقيني مش عارف أسامحك والأبشع إنّي مش هعرّفك إنّي زعلان لإن وقتها هحس إن عِتابي كتير عليك وإنّك ما كُنتش تستاهل أصلًا ولا فُرصة من اللي أنا اِديتهالك، عامةً الواحد مننا لو وصل لمرحلة وندم فيها على حُبه أو على عفوه قول على العِلاقة دي يا رحمن يا رحيم، بتبقى خلاص خِلصت كدا.
