ازاي حياتنا تكون نور على نور حياتنا من غير قرآن ضلمة مخبطة زي الإنسان اللي نظره ضعيف جدًا وأخدنا منه نظارته ومشي من غيرها ياترى الإنسان ده هيمشي ازاي!! لو عاوزين حياتنا تكون أحسن لازم نتصل بالله ونتعلق بنوره الإنسان عاوز مصابيح يتعلق بيها بس مصابيح الحق اللي هي طريق ربنا المصباح الأول {اللَّهُ نُورُ السَّمَاوَاتِ وَالْأَرْضِ} يعني ربنا هو اللي هينور طريقنا وهو مصدر النور والرشد والهُدى الوحيد في الوجود لو ربنا منورش قلوبنا يبقى عمر قلوبنا ماهتنور {مَثَلُ نُورِهِ كَمِشْكَاةٍ فِيهَا مِصْبَاحٌ} ربنا بيوصف هنا نوره وبيقولنا ازاي إنه كان فيه ناس قلوبها منورة من الإيمان والهداية المشكاة هي الصدر اللي بيجمّع النور داخل القلب فيه نور كتير في حياتنا بس مش دايما قلوبنا بتشوف النور ده بسبب الضلمة اللي ملتنا والجري ورا الدنيا والشهوات المصباح هو الفطرة اللي احنا كنا عليها هو الفتيلة اللي هتنور قلوبنا بنور الهداية {الْمِصْبَاحُ فِي زُجَاجَةٍ ۖ الزُّجَاجَةُ كَأَنَّهَا كَوْكَبٌ دُرِّيٌّ} هنا ربنا بيوصف الناس اللي قلوبها متوهجة بنور ربنا والهداية وانشغال قلبه بربنا الزجاجةهي القلب المُهتدي والمنور بطاعة الله بدون العبادة والقرآن حياتنا ضلمة وملخبطة لما سيدنا موسى صُعِق لما ربنا تجلى للجبل قلبه توهج وأول مافاق ... " قَالَ سُبْحَانَكَ تُبْتُ إِلَيْكَ وَأَنَا أَوَّلُ الْمُؤْمِنِينَ" سبحانك : قلبه امتلأ تعظيم لجلال الله تُبتُ إليك : قلبه امتلأ انكسار وإحساس بذنوبه وتقصيره وأنا أول : قلبه امتلأ إنه لازم يبقى أسرع الخلق لله {الزُّجَاجَةُ كَأَنَّهَا كَوْكَبٌ دُرِّيٌّ} لما بنشوف آيات من ربنا ليه قلبنا ما بيتوهجش وما بيرجعش وما بيتأثرش ؟! ● لازم نرجع لربنا ونفتح المصحف بتاعنا ونقف على كل آية ونعرضها على قلوبنا لحد ما تدخل قلوبنا ● لازم قلوبنا تتوهج بنور الله {يُوقَدُ مِن شَجَرَةٍ مُّبَارَكَةٍ زَيْتُونَةً} الزيتونة هنا وصف للقرآن وربنا وصفه بالشجرة علشان ترابط القرآن شجرة مباركة: الآية الواحدة تغير حياة أمة وفي القرآن إعجاز لغوي وعلمي وجمال وروعة تُذيب قلوب اللي بيسمعوها ☆ يبقى وأنت بتقرأ القرآن لازم تستخرج معاني منه تغير قلبك ولازم تدبُّر صحيح للقرآن {فِي بُيُوتٍ أَذِنَ اللَّهُ أَن تُرْفَعَ } البيوت هنا هي المساجد أي أن قلوبنا بتتوهج كل ما نقرب إلى ربنا ياترى قلوبنا شكلها ايه ياترى قلوبنا مليانة دنيا ولا آخرة ياترى قلوبنا منورة ولا خلاص انطفت لازم نداوم على الذكر والتقرب لله علشان قلوبنا فتيلها يتوهج والتوهج ده ما ينطفيش المصباح التاني حديث الرسول صلى الله عليه وسلم "مَن عادى لي وليًا فقد آذنته بالحرب, وماتقرب إليَّ عبدي بشيءٍ أحبُّ إلي مما افترضته عليه " ¤ إن العبد كلما يتقرب إلى الله يكون فيه نور في بصره وقلبه وأذنه وخطواته وأفعاله وكل حاجة في حياته علشان حياتنا وقلوبنا تنور يبقى العبادة هي الحل لازم ورد العبادة بتاعنا يبقى حالة طوارئ ماينفعش يعدي يومي من غيره #الله_نور_السماوات_والأرض #سلسلة_القرآن_حياتي #الشيخ_حازم_شومان #فريق_بين_الناس_الدعوي https://t.me/drhazemshouman 1.4K viewsNagat Elmorshedy, 20:00
