هنتكلم على سورة من أعظم سور القرآن ، سورة بتقولك خليك بطل خلي | د/ حازم شومان "قناة رسمية"
هنتكلم على سورة من أعظم سور القرآن ، سورة بتقولك خليك بطل خليك قائد خلي طموحك عالي
السورة دي هي سورة الفاتحة
سورة غيرت حياتي 🏻
كم لسورة الفاتحة من بصمات في قلوبنا..
كم لها من فتح مبين ف الدين والدنيا
كم لها من نفحات في تفريج الكروب
تخيل معايا سيدنا يوسف وهو في السجن يسبح ليلًا ونهارًا
وسيدنا داوود أعبد البشر وهو يهتف بتسبيح الله بقلب يتفجر بحب الله ولا يفتر عن ذكره لحظة
وأنبياء الله وهم يجاهدون في الوصول إلى الله بعزيمة لا يعوقها شئ حتي يصلوا إلى ربهم
وقت نزول سورة الفاتحة...
نزلت هذه السورة في الأيام الأولى للإسلام ، في المرحلة السرية الأساسية التي كان يؤسس فيها القرآن الإيمان واليقين في قلوب السابقين الأولين الذين سيقودون العالم غدًا
سورة الفاتحة هي الخامسة نزولًا في القرآن المكي.. هي من الأسس التي صنعت القادة العظماء_أصحاب النبي_ وبنت عزائمهم
عايز تبقى من اللي هيقودوا الدين ويكون ليك بداية سليمة ...
عايز توصل للي وصله النبي وصحابته ... عايز تستمر حتى تصل ل.. { اهْدِنَا الصِّرَاطَ الْمُسْتَقِيمَ}
ابدأ بفاتحة الكتاب
غرض سورة الفاتحة ...
ركز معايا ياحبيبنا الغالي في القصة دي
لو جبت مجموع عالي في الثانوية يدخلك هندسة؛ ودخلت أول محاضرة ليك في الكلية؛ متوقع بقى إن الدكتور هيبدأ معاك بتدريج وبدايات بسيطة...
إذا بك تتفاجئ بعنوان كيف تفوز بجائزة نوبل اللي هتفهمه ساعتها إن مراده منك مش مجرد طالب أو مهندس عادي... ُ يُريدك أن تكون قمة فتحًا مبينًا في الهندسة ولله المثل الأعلى وحده
وهو ده مراد الله عزوجل منك في سورة الفاتحة.. كأن الله عزوجل يقول لك من اللحظة الأولى أريدك فتح مبين مش مجرد ملتزم عادي
طب أعمل ايه يعني..
خليك فتح مبين ف الدين أعمل تغيير كبير في العالم خليك عظيم في الدنيا والآخرة خليك ناجح في الدين والدنيا والالتزام خلي عندك طموح إلى التطلع لمعالي الأمور استثمر همتك في الطريق إلى الله اتربى على علو الهمة والطموح والنشاط
سورة الفاتحة تخبرك أن بداخلك طاقة عظيمة وإمكانيات جبارة لازم تستثمرها ف سبيل الله حتى تصبح إنسان كبير ويفتح الله على يديك فتحا كبيرا
