الشاعر الحسيني ضرغام الغزي

2018-08-16 01:12:43 @Drgam1234 باز کردن / نظر دهید

2018-08-16 01:12:32 اخوان السلام عليكم تم تغير القناة وهذا الرابط الجديد الي يحب يتابع واتشرف بكل خدام الحسين هذا الرابط الجديد @Drgam1234 باز کردن / نظر دهید

2018-08-02 00:55:55 مصاب عبد الله عن لسان الرباب تشكي للحسين سلام الله عليهم

كلشي كلشيء
يمشي يمشي حلمي جان بهل حيات
وجلمه جلمه
يمه يمه بعده ماكايلها مات
نحر عبدالله زغير ورمح راسه جبير
يمه يمه بعده ماكايلها مات
....................
سؤؤ بعبد الله موقف يدميه ويشبح النظر
والرمح مايرضه يدخل ابراسه ويفرؤنه فر
كسر اعضامه وهشمهن وبال لحم فات وعبر
الدفعه من كد ماقويه لحم من راسه انشمر
شفته شفته
شلته شلته وحرت مااكدر ارجعه
عفته عفته
ونته ونته تفزع الماعنده فزعه
ورافع الراس الحقير والرمح راسه جبير
يمه يمه بعده ماكايلها مات
.................خ
والنذل بالراس يفتر والرمح من راسه طالع
وجهه متغيره رسومه والجلد من فوك كافع
اعناد ضل وياي كلسا رايح وبالراس راجع
يحرك ابكلبي كلامه يمته اخر مرة مراضع
عوفه عوفه
شؤفه شؤفه احله من وجه صبح
وهده هده
بعده بعده نحره مومالت رمح
جنه من الجنه طير والرمح راسه جبير
يمه يمه بعده ماكايلها مات
.......................
هو هال عبدالله هذا منين اجيبلي جديد
نزله خلونيه ارضعه والله كلشي مااريد
ع الرمح علكتو تعبي الله ليسامح يزيد
الناس محتاره اشتكلي امه لو مرت الشهيد
تعبي تعبي
كلبي كلبي خلص وماضلي رؤح
ابني ابني
عشكي عشكي حيرتي اعليمن انوح
للملك لو للأمير والرمح راسه جبير
يمه يمه بعده ماكايلها مات
...............
حالي من حال اليخلفن امنيتي اشؤفنه شباب
راسه فوك رماح عالي والجسم ضل ع تراب
صعبه شماتي ونشدهم وينه ابنج يال رباب
من ضحكهم كلبي شيب موشعر راسي الي شاب
جبته جبته
ردته ردته الموتي لو ذبني الكبر
غالي غالي
تالي تالي عمره جلمه ماعبر
مات وبعينه يدير والرمح راسه جبير
يمه يمه بعده ماكايلها مات
...................
شراح اكولن للعليله تدري تنطرنه اعله نار
لوتناشدني اعله اخيهه وماتشؤفه وي زغار
من الهوى لومس اخوها تعرف ابنيتك تغار
اتوقع الي يصير بيها واحمر كماط ابني صار
شوغه شوغه
صوغه صوغه أكماط جبتلها ومهد
وتبجي تبجي
شحجي شحجي من تناشد عالولد
شراح اجاوبها احير والرمح راسه جبير
يمه يمه بعده ماكايلها مات
..............
ضرغام الغزي باز کردن / نظر دهید

2018-08-02 00:54:52 احزان الرباب
........................
غمضت عيني بالكوه وبجيك يبني فززني
نهضت وكماطك بأيدي وأكولن مامكمطه ابني
أركضتلك والمهد فارغ وينك يمه جاوبني
وينك يبعد امك صحت ماتمشي جا كلت اطلعت
فزن جرؤحي تذكرت بالغاضريه انت متت
من جف حليبي وعطشت
........................
لكظيه العمر بالنوح وابقه اتذكر ارسومك
اذا رايدني ابطل ابجاي اخذ المهد واهدومك
وفجعة قلبي ذاك اليوم لمن يبس زردومك
يالشاهدت نحرك خضيب مااضن بعد جرحي يطيب
يمه الرمح للعنده شيب شله اويه اليغص بالحليب
لكظي العمر الطم ونحيب
.........................
تجي الوادم علاي تنشد شمضيعه هالمريه
شافوني ضعيفة حال الخلك تتصدق عليه
واكلهم فاقدتلي وليد ويجملونها أميه
يأذؤني ويجيبولي ماي ينزل دمع عيني وبجاي
اذكر قتلتك من وراي للموت اخذتك بأيدي هاي
يوليدي ماضل عندي راي
..........................
ينايم فوك صدر حسين شلونك يابعد عمري
لتلجمه الصدر مهشؤم تعال اغفه على صدري
المايعرفني عني يقول عجوز وكاعد اتهذري
يوميه اهزن بالمهد وابرد واكولن ها برد
واحضن اثيابك يالولد عبد الله مااحمل بعد
يايمه دلالي انمرد
...........................
كلب امك خذاه شيب واطفال المدينه هواي
تلعب يبني كدامي ومن تضحك تفت حشاي
واتحسر عليك اثغب وزينب عمتك وياي
سير علأي مره بحلم زينب اجه بكماطه دم
من شفته دلالي الجم حاجاني جلمه وانهضم
يايمه يوجعني السهم
...........................
ضرغام الغزي باز کردن / نظر دهید

2018-04-26 17:20:18 كؤل يااللة وكوم حسين ماشبعان نوم
غربة سارت بلضعن شلون وعيونك غفن
حسين ماشبعان نوم
......................
كول يااللة خؤية خلي نفرشلك ونام الكاع تجوية
كلي شيصبر رقية تناشد الرايح وراد وغدت تبجية
شراح اكللها ابوها بلا رده نايم وفوك الغبرة مجفية
لو اكلها خيل داسه اكعد بسرعة يبؤها خاف تدرية
راح اكلها حسين جاي عفتة يتمشة وراي
عيونها بعدك عمن شلون وعيونك غفن
حسين ماشبعان نوم
...........................
خؤية لتخليها تبجي فدوة زينب بأي طريقة صبريها
لوبدت تنشدج عني سؤي نفسج ماسمعتي لاعبيها
خلي ايدج ع صدري حتى من تشتاك تبدي تشم
بيها
ومن يصيح اللة اكبر يختي عن صوت الموذن ابعديها
والموذن صاح صوت فرض عنك لايفوت
جرؤحي هسة تجددن شلون وعيونك غفن
حسين ماشبعان نوم
......................................
بعد لتوصيني عنها احاسبة احسابي صرت انة الكفيلة
دور ابو فاضل اخذتة وادري هاي الجلمة علكافل ثجيلة
راح اكصدله واكله بلكي يقبلي العلم عنة اشيلة
خل يعلمني الكفالة بعد ماضل وكت عندي هي ليلة
خل يعلمني القتال علهجوم وعالنزال
والعلاوي تحضرن شلون وعيونك غفن
حسين ماشبعان نوم
......................................
ها يزينب فدوة كافي كومي ردي لخيمتج كعدت رقية
كومي يختي لاتجيني رؤحي عؤفيني احلفج بلزجية
سهم غافي اعلة صدري وين انيمها اذا جتنية خطية
خايف تعاين جرؤحي امنل الم ياخيتي تحضرها المنية
تعاين الجسمي وتصيح تموت يم راس الذبيح
انوب تزداد المحن شلون وعيونك غفن
حسين ماشبعان نوم
.........................
للخادم
ضرغام الغزي باز کردن / نظر دهید

2018-04-26 17:19:51 هاي للطف توهة جت بدورة
تضوي صارت بالكمر وبنورة
..........................
جابة وياة الكمر حتى الشمس
تستحي من اخيالة ام عزة نفس
تخاف تطلع خاف ينظرة الحرس
وهاي زينب عالوجة مسطورة
............................
الكافل توجة لعد صوب النهر
والعساكر حاطتة من كل كتر
السمة صاحت يالثارات الكمر
جيف جفين الكمر مبتورة
............................
تعنتة الزهرة تشوفة منصرع
تبجي عالجفين وتعوف الضلع
زهرة تجري دموم ماشفنة دمع
وهذا حال الزهرة من تزورة
........................
تشيل جفة حيل تضرب عالخدود
تنشدة يمة هم الك نياة تعود
حتى أدعي اللة ينطيك الزنود
وترد زينب للوطن مستورة
..........................
كوم جبت وياي حتى ام البنين
عافتك وبساع راحت للحسين
تكول من وليدي خنصر كاطعين
حكة يبني من تون معذورة
.............................. باز کردن / نظر دهید

2018-04-26 17:19:16 لاتنوحين لاتنوحين زينب عليج الزجيه لاتنوحين
لاتعتبين لاتعتبين يختي مكطوعه اديه لاتعتبين
.................
يعني لوجفين عندي انه اعوفج تنسبين
حتى لو يقبل ضميري شراح اكل لام البنين
كبالي ويضربوج اسكت غير ماعندي ادين
والله موسهله عليه دمعه وحده لتجرين
لاتروحين لاتروحين وانتي زعلانه عليه لاتروحين
لاتعتبين لاتعتبين يختي مكطوعه اديه لاتعتبين
................
رحمي كلبي وبطلي نوحج لاتعذبين الكلب
يعني لو ماميت انه حسين اخيج ينسلب
رقيه هم تعرف سؤط مؤش ترجع للعب
انت تدريني اعوفج غير امر الله انكتب
لاتونين لاتونين عالجره بال غاضريه لاتونين
لاتعتبين لاتعتبين يختي مكطوعه اديه لاتعتبين
..............
ادري هم حكج عليه وياي اجيتي من الوطن
وادري كلش زين ادري الكلب ماعايز محن
ادري ماتحمل أخيتيه شيبت اخت الحسن
فوك هم فراك اخوتج السؤط بمتونج يرن
لامتدرين لامتدرين بثكل الهموم العليه لامتدرين
لاتعتبين لاتعتبين يختي مكطوعه اديه لاتعتبين
...............
هواي بجوج بغيابي وعمده عني يناشدوج
شما اريده انهض يختي اوكع وداعت ابوج
بس شسؤي بحالي هذا وسمعتهم شتموج
كلوا راسج من نشدهم كل قصدهم يجرؤج
لاتحسبين لاتحسبين عافني وميرد اليه لاتحسبين
لاتعتبين لاتعتبين يختي مكطوعه اديه لاتعتبين
...................
طبتج ديوان اميه هذي تستاهل عتاب
جنت بيديه اكودج شمحله اخيتي بلحجاب
حتى اثر جدمج امسحه خافن يعرفه تراب
هسه مااكدر امسحه هيجي ويرد الشباب
لاتكولين لاتكولين رحت ماحسبت بيه لاتكولين
لاتعتبين لاتعتبين يختي مكطوعه اديه لاتعتبين
................
للخادم
ضرغام الغزي باز کردن / نظر دهید

2018-04-26 17:12:53 طك كلبي عليك يؤليدي عطشان وانه شبيدي
عبد يمه عبد يمه عطشت
....................
عفت حضني وطن مهجور هجرته وهجرتة الفرحه
الرمح يبني عليك هواي الحليب النحرك يجرحه
ذباحك عليك ايحوم اجاك محضره الرمحه
شرايد من هديه انطيك عوف اوليدي لتذبحه
اخذ الذهبات البأذني بس اترجاك عوف ابني
عبد يمه عبد يمه تعبت
..................
الرفع راسك عليه يحوم ويجيبه راسك كبالي
يحجي بكل وقاحه وياي يريدج ابنج الغالي
عبد يالذكرة من حسين عبد يا اول وتالي
يحسين الزغير شبيك عبد بس عاين الحالي
حضني افركاك ضل خالي فكدت المولود والوالي
عبد يمه عبد يمه صحت
...................
عبد من جنت اغازل بيك تمرك مستحه وغيره
يبني وكلشي الي بدنياي عليه وجهك اتديره
يبعد الخضرن بالراس غيرك ماالي سيره
يفرحة كلب ابوك حسين غارت منك الديره
اتغازل وياك بأحلامي حتى بأحلامي ضامي
عبد يمه عبد يمه طحت
................
كلتلي شمايرمج ضيج تلكيني ونس يمج
واذا مالامتج دنياج حضن وليدج يلمج
مادام النفس موجود حجي العذال ليهمج
ييمه شما جره وماصار همي يصير من همج
مر بيه ضيج جاوينك مواعدني تضمني ابعينك
عبد يمه عبد يمه متت
................
للخادم
ضرغام الغزي باز کردن / نظر دهید

2018-04-26 17:10:13 مات اخوي عظم الله اجرج يزينب
مات اخوي فاركيته وظهري حدب
ع نهر ضل مارضه يختي يجيه
كتله كوم وكال منج مستحيه
يكول اخيج سامحيني بعيد دربي ولاتجيني
مات اخيه اتلاحيكيني هنا يزينب مات اخوي
...................
حسين كول وين طاح ابرؤح ابوي
حسين كول والله طك كلبي اعله اخوي
لاتكض ايدي وعباتي ارد اعتنيه
عفيه بس كلي صدك مكطوعه اديه
كلبي طك خليني ارؤح والله ماضل بيه رؤح
عاد اضمدله الجرؤح هنا يزينب مات اخوي
....................
خويه ردي لايشؤفنج ترة يزعل عليج
خؤيه ردي اشريله بلكي اخيج يعتنيج
رفعي ايد البيها امس متكاودين
كولي فرغت ايدي منك يالحنين
مرجب الناكه بعيد اليرجبني ابلايه ايد
شلون اركب من جديد هنا يزينب مات اخوي
................
ويلي اه هو يدري برؤحته ايرؤح الدلال
ويلي اه هينه بس انشاف حضرؤلي حبال
هي هي انشاف مو خدري انفقد
انجان موهسة يخيه أشؤي بعد
شؤي بعد ناطرني ضيم وبركبتي اشكم يتيم
مدري كم هيمه اهيم هنا يزينب مات اخوي
...............
ضرغام الغزي باز کردن / نظر دهید

2018-04-26 17:05:48 من صار وكت الحرب عباس نككط خجل
وبحسين تاه الكمر لمن تلاكوؤ سؤه
وتيهنه وين الكمر والريشه عدمن صفت
حسين مدري الكمر ابأيده شال ألوه
خوتنه هي صدك بيها الوفه والعشك
اعداهم كلبها احترك... وبهاي شبعو قهر
لا ابوالفضل يحتمل..... وحسين ابد ماكدر
.................
فك حضنه عن الكمر رد شم اخوه واحظنه
واحسين مايحتمل ويفارك العاشكه
يحسين ساعة زمن بس خلني اجيب النهر
كض بأخيهه الكمر مايقبل ايفاركه
بالكوه واتفاركؤؤ وب ياعلي اتوادعؤؤ
هم ردو اتشابكؤؤ ... بس هذا حكم القدر
لا ابو الفضل يحتمل ... وحسين ابد ماكدر
..................
كض ابجفوف الكمر أوضل يمسح بلحيته
ونزلن دموع الكمر وبأيده كف دمعته
مو كافي بطله الدمع كل دمعه منك عمر
دنك اخيهه استحه حسين حب كصته
استحه حيل وبجه دنك وابد ماحجه
بحيل الله ارتجه..... وشد العزم للنهر
لا ابو الفضل يحتمل ... وحسين ابد ماكدر
..............
لمن ركب عال مهر مدري شجراله اونزل
دار الوجه للخيم وصوب اخيه ركض
يشبك يشم يحترك ضل كلبه يعصر عصر
طلابته ويه العشك لحسين لا ماتفض
راح ولخيه رجع ..... ناح ولحد ماشبع
وتعنه مهره وطلع .... بحيل فارس مظر
لا ابو الفضل يحتمل .... وحسين ابد ماكدر
..................
حط بيده ماي النهر بس شفته ابد مادنت
يانفس هوني صرخ كل باله يم اخوته
كل همه يؤصل صبح بس حاطته اهل الغدر
وكعن جفوفه وركض مااثرت ابهمته
نهد حيل من الالم .... ومن ايده طاح العلم
بعينه طايح سهم .... والجسم صاير وذر
لا ابو الفضل يحتمل ..... وحسين ابد ماكدر
.....................
نهد حيله من الركض بس ماكؤشي يمنعه
وجن مابقاله عذر من جربته اتصوبت
شما عنده قوةصرخ يحسين ارجو العذر
يحسين ضاك النفس اركض اذا لحكت
و بال كؤه يالله وصل ..... متكليه خويه شحصل
جا ترضه وحدي اضل ... وحسين كض الظهر
لا ابو الفضل يحتمل ..... وحسين ابد ماكدر
.......................
ضرغام الغزي باز کردن / نظر دهید